Jeremías 15:6 - Bible in Tzotzil de Chenalhó with Deuterocanon

⁶ Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Bible in Tzotzil de Chamula

⁶ Laj avalopatinun, laj atenun comel. Ti vu'un Diosune, mu lo'iluc no'ox ta xcal. Jech o xal un, laj jyales c'oc jc'ob ta stsitselot yo' ta xajtsutses ta j'ech'el, yu'un laj xa ti sts'iquemal xcuchemal cu'une.

Jeremías 15:6 Iomraidhean Croise

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Sofonías 1:4

“Ta jyales jc'ob ta stojol li Judae xchi'uc ta stojol scotol li jnaclumetic ta Jerusalene. Ta xcules o li' ta banamil li scomelal sdiosic Baale, xchi'uc ta jtu'pbe o sc'oplal li paleetic, li j'abteletic yu'une.

Zacarías 7:11

Pero muc sc'an xch'unic; la sva'lupatinic comel, la spas sbaic ta coc.

Oseas 11:7

Li jteclumale ja' no'ox oy ta yo'ntonic o ti chisva'lupatinicun comele. Ac'o me ch-avanic to batel ta jtojol vu'un ti te oyun ta toyole, pero mu'yuc ta jtotsic liquel.

Isaías 1:4

Abul abaic, jpasmulil cristianoetic, pixiloxuc ta achopolilic, sts'unubaloxuc chopol cristiano, xnich'naboxuc jmulavil. Laj acomtsanic li Muc'ul Diose; laj asa'beic sc'ac'al yo'nton li Ch'ul Dios yu'un Israele; laj ava'lupatinic comel.

Oseas 13:14

“¿Me ta jpoj loq'uel ta sc'ob li yavil animaetique? ¿Me ta jcolta ta sventa li lajele? Lajel, ¿bu oy li avu'el atsatsale? Yavil animaetic, ¿bu oy li lajel avu'une? La' me achi'uc, yu'un mu'yuc xa c'uxubinel ta co'nton.

Ezequiel 25:7

ja' yu'un vu'un ta jye' jc'ob ta atojolic. Ta xcac'oxuc ta sc'ob yantic banamil yu'un ac'o spojic batel scotol li c'usitic oy avu'unique; ta jbuloxuc loq'uel ta stojol li lumetique; ta jch'ayboxuc o ats'unubalic ta jujun banamil. Ta xculesoxuc o, jech chana'ic ti vu'un Muc'ul Diosune’, uto”, xiyutun.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Jeremías 6:11

Muc'ul Dios, ista xa co'nton li sc'ac'al avo'ntone; mu xa xcuch cu'un chca'ay ti jech chavalbune”, xcut. Jech laj yalbun li Muc'ul Diose: “Ja' xavac'be xcuch li bic'tal queremetic te ta xoraltique; ja' xavac'be xcuch li muc'tic queremetic yo' bu stsoboj sbaique. Chucbil ac'o baticuc xchi'uc yajnilic li viniquetique, xchi'uc li mol me'eletic ti ep xa sjabilalique.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Jeremías 1:16

Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Oseas 4:16

Yu'un li vo'ote, Israel, laj avoc' aba ta jtojol jech chac c'u cha'al tsebal vacax ti toj simarone. Mu'yuc xa ta jsa'bot ave'el jech chac c'u cha'al unin chijetic ti chich' sa'bel lec sve'ele.

Ezequiel 14:9

“Me oy jun j'alc'op chlaj ta lo'lael ti chal c'usi mu meleluque, yu'un vu'un jtuc la jlo'la li j'alc'op le'e, ts'acal chcac'be stoj; ta xcules o ta stojol li jteclumal Israele.

Jeremías 20:9

Me jech chcale: “Mu'yuc xa chic'opoj ta sventa li Muc'ul Diose; ta jip ta co'nton o”, me xichie, li ac'ope chlic tsanuc ta co'nton jech chac c'u cha'al c'oc'; ta xc'ac'ub c'alal ta jbaquiltac. Ta jc'an ta jpajes jba ta yalel li ac'ope, pero mu xu' cu'un.

Jeremías 8:5

Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Isaías 28:13

Ja' yu'un li Muc'ul Diose jech chc'opoj ta stojolic chac li'i: “Ma ma, ti ti, ya ya, mi mi”, xi, yu'un jech ac'o yalicuc ta lum ta javal ti c'alal chanovic batele; ac'o c'asuc yacanic, te chucul ac'o c'oticuc, te ac'o yich'ic chuquel o.

Isaías 31:3

Li egiptoetique cristianoetic no'ox, ma'uc diosetic; li ca'etic yu'unique oy sbec'talic, muc ta ic'uc chanovic. C'alal ta sye' sc'ob li Muc'ul Diose, ta xyalic ta lum li jcoltavanejetique xchi'uc li boch'otic chich'ic coltaele; scotolic ta xch'ayic o batel ta jun no'ox velta.

Jeremías 6:12

Li snaic, li yosilic, xchi'uc li yajnilique ta xcac' batuc ta yan, yu'un ta xcac' jc'ob sventa ac'o yich' stojol smulic li jnaclumetic li' ta avosilalique, xichi vu'un li Muc'ul Diosune”, xi.

Jeremías 7:16

“Li vo'ote, Jeremías, mu me xac'opanun ta sventa li achi'iltac li'i; mu xac'anbun vocol ta sventaic, yu'un mu'yuc ta xca'ibot ac'op.

Jeremías 8:9

Ja' yu'un li boch'o bijique ta xyalic ta q'uexlal, ta xniquic ta xi'el; ta x'ochic ta c'op-o'nton, yu'un la xa sbajic comel li jmantale. Ja' yu'un ¿bu tsta li sbijilique?

Ezequiel 35:3

Jech xaval: ‘Jech chal li Cajvaltique, ja' li Muc'ul Diose: Vits Seir, vu'un ta jcontrainot; ta xcac' jc'ob ta atojol. Ta jc'atajesot ta xocol banamil; ta jyavnaijesot o.

Jeremías 13:14

Ta jlilin scotolic jech chac c'u cha'al bin ti chich' cheq'uiel ta yan bine. Ta xcac' slilin sba stuquic c'alal ta totiletic, c'alal ta nich'naletic. Mu'yuc ta jts'icbe o smulic, mu'yuc bu abul sba chquilic, mu'yuc bu chc'uxubajic o ta co'nton; j'ech'el ta xculesic o’, uto”, xiyutun li Muc'ul Diose.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.