Jeremías 15:5 - Bible in Tzotzil de Chenalhó with Deuterocanon

⁵ “¿Me yu'un oy to boch'o chaxc'uxubinot, Jerusalén? ¿Me yu'un oy to boch'o chat yo'nton avu'un? ¿Me yu'un oy to boch'o tsjac' c'u yu'un ti mu xa junuc avo'ntone?

Bible in Tzotzil de Chamula

⁵ “¿Mi yu'un la oy buch'u c'ux ta xaya'i un, jteclum Jerusalén? ¿Mi yu'un la oy buch'u yanche xi avu'un ti avaloje? ¿Mi yu'un la oy buch'u svul xa yo'nton xana' un ti lecuc oyote?

Jeremías 15:5 Iomraidhean Croise

Job 19:21

C'uxubinicun jutuc ec, vo'oxuc ti lec jc'opan jbatique c'uxubinicun jutuc, yu'un li Diose laj yac'bun tal yalal sc'ob ta jtojol.

Salmos 69:20

Ituch' xa co'nton yu'un li chopolc'optael laj yac'bicune; alubenun xa, mu'yuc xa jtsatsal chca'ay. La jmala me oy boch'o chic'uxubaj to ta yo'nton, pero mu'yuc; la jmala me oy boch'o chtal spatbun co'nton, pero mu'yuc noxtoc.

Éxodo 18:7

Li Moisese iloc' snup ta be li smuni'e. La snupbe sc'ob; la sts'uts'. Te la sjac'be sbaic c'u x'elanic. Ts'acal i'ochic ta yut carpana.

Isaías 51:19

Li cha'chop vocol ital ta atojole, ja' ti laj avich' jinesele, ti laj avich' elc'anbel batel scotol c'usi oy avu'une, xchi'uc ti icham ta vi'nal, icham ta pleito li avinictaque, ¿me oy boch'o abul aba chil? ¿Me oy boch'o tspatbot avo'nton?

Jeremías 13:14

Ta jlilin scotolic jech chac c'u cha'al bin ti chich' cheq'uiel ta yan bine. Ta xcac' slilin sba stuquic c'alal ta totiletic, c'alal ta nich'naletic. Mu'yuc ta jts'icbe o smulic, mu'yuc bu abul sba chquilic, mu'yuc bu chc'uxubajic o ta co'nton; j'ech'el ta xculesic o’, uto”, xiyutun li Muc'ul Diose.

Jeremías 16:5

Jech laj yalbun noxtoc li Muc'ul Diose: “Mu me xabat ta jbejuc na ti bu ta xat yo'ntonic ta x'oq'uique; mu me xbat apatbe yo'ntonic, yu'un li lum le'e laj xa jpojbe li jun yo'ntonique xchi'uc li c'anel, li c'uxubinel cac'ojbeique.

Jeremías 21:7

Ts'acal ta xcaq'uic ta sc'ob Nabucodonosor xchi'uc ta sc'ob yantic yajcontraic li ajvalil Sedequías ta Judae xchi'uc li xchi'iltac ta abtele xchi'uc li boch'otic chcolic to ta chamel, ta milel, xchi'uc ta vi'nale. Te ta xmilatic o ta espada. Me jutuc mu'yuc xa ta xcoltaatic, mu'yuc abul sba ch-ilatic; me jutuc mu'yuc xa c'uxubinel. Jech chcal vu'un li Muc'ul Diosune.

Lamentaciones 1:17

Li Sione xbechet to sc'ob tsc'an coltael, pero mu'yuc boch'o chtal patbatuc yo'nton. Yu'un li Muc'ul Diose laj yal mantal ti ac'o pasuc ta yajcontra Jacob li boch'otic nopol nacal xchi'uque. Ja' yu'un li Jerusalene toj i'lal sba ta satic o.

Nahúm 3:7

Scotol li boch'o ta xilote ta xjatovic batel ta anil, jech chalic: ‘¡Li Ninivee ta xyavnaij o! ¿Boch'o to xu' chc'uxubin? ¿Bu ta jtatic boch'o chtal spatbe yo'nton?’, xiic.

Jueces 18:15

Li vo'ob viniquetique ibatic ta na yo' bu oy li querem levie, ja' li sna Micaiae, te c'ot sc'opanic.

1 Samuel 10:4

Te chasc'opanot xchi'uc chayac'bot chib pan, pero xatsacbe me.

1 Samuel 17:22

Li Davide te laj yac'be comel jchabi-abtejebaletic li c'usi yich'oj batele. Ibat ta anil ti bu xcholoj sbaique; i'och batel, la sjac'be me lec oyic li sbanquiltaque.