Jeremías 15:4 - Bible in Tzotzil de Chenalhó with Deuterocanon

⁴ Scotol li ajvaliletic ta banamile ta xcac' xi'icuc ta scoj smul, ta scoj c'usi la spas te ta Jerusalén li Manasese, ja' li ajvalil ta Judá xnich'on Ezequiase.

Bible in Tzotzil de Chamula

⁴ Ta xc'ot ta pasel cu'un ti ta aventaic mu xa c'usi x'ech' o ta xa'iic xi'el scotol ti muc'tiquil lumetic ta banomil ta scoj ti c'usi chopol laj spas ta jteclum Jerusalén xnich'on ti Ezequiase, ja' ti Manasés ajvalil yu'un ti jteclum Judae.

Jeremías 15:4 Iomraidhean Croise

2 Reyes 21:1

C'alal i'och ta ajvalilal li Manasese, lajchab (12) to jabil yich'oj. Vo'lajuneb yoxvinic (55) jabil i'abtej ta Jerusalén. Li sme'e Hepsiba sbi.

2 Reyes 21:15

Yu'un toj chopol c'usitic la spasic ta jtojol. C'alal la jloq'uesic tal ta Egipto li smoltotaquique, te ono'ox chisa'ilanbicun o tal sc'ac'al co'nton. Ja' jechic o c'alal to tana”, xi li Muc'ul Diose.

2 Reyes 21:2

Pero li Manasese toj chopol c'usi la spas ta stojol li Muc'ul Diose. Ja' co'ol la spas jech chac c'u cha'al sbol talelic li yanlum cristianoetic ti inutsbatic loq'uel yu'un Muc'ul Dios ta stojol israeletique.

2 Crónicas 33:1

C'alal i'och ta ajvalilal li Manasese, yich'oj lajchab (12) jabil. Vo'lajuneb yoxvinic (55) jabil i'abtej ta Jerusalén.

2 Crónicas 33:2

Pero mu'yuc lec c'usi la spas ta stojol li Muc'ul Diose. Ja' co'ol sbolil yabtelic xchi'uc li lumetic ti la snuts loq'uel ta stojol israeletic ta vo'one li Muc'ul Diose.

Jeremías 24:9

Ta xcaq'uic ta labanel, ta xcac' ti chopol ch-ilatic yu'un scotol li muc'tiquil lum li' ta banamile; ja' sq'uelubil chc'otic ta scotol banamil bu ta jpuquic batel ti chopol sc'oplalique, ti bajbilique, ti contrainbilique.

Jeremías 29:18

Ta jnutsic loq'uel ta muc'ta c'op, ta vi'nal, xchi'uc ta tsatsal chamel. Ta xcac' ti na'lebilic yu'un li muc'tic lumetique; chopol chich'ic albel sc'oplalic o. Oy spucujalic ch-a'yatic, na'lebilic, uts'intabilic chcomic o yu'un li yantic cristianoetic ti bu la jpuquic batele.

Jeremías 34:17

Ja' yu'un ja' jech chcal vu'un li Muc'ul Diosune: Ta sventa ti muc xach'unic c'usi laj cale, yu'un muc xacoltaic ta mozoil li achi'ilique, ja' yu'un vu'un ta jcolta tal pleito, vi'nal, xchi'uc ta tsatsal chamel ta atojolic; jech toj chopol ac'oplalic, toj q'uexlal abaic chcom ta stojol li yantic lumetique.

Jeremías 9:16

Ta jpuquic batel ta yantic banamil ti mu xotquinique, ti muc ono'ox xotquinic ec li stot sme'ique. Ta xcac' lajicuc ta milel ta espada, ja' to me mu xa junuc cuxul icomique”, xi li Diose.

Lamentaciones 1:8

Li Jerusalene mu'yuc xa stu ch-ilat ta scoj ti la sa' tsots smule. Li boch'otic yich'ojic to'ox ta muq'ue mu'yuc xa lec chilic, yu'un laj yilic ti yalem o ta q'uexlale. Ja' yu'un li Jerusalene solel joybijem xa no'ox choc'ta sba.

Ezequiel 18:19

Pero me jech chavalic li vo'oxuque: ‘¿C'u yu'un mu'yuc chcuchbe smul stot li nich'onile?’, me xachiique, yu'un li nich'onile ja' la spas li c'usi lec, li c'usi tuq'ue. Ja' la xch'un li jmantaltaque; ja' la spas li c'usitic caloje. Ja' yu'un ta jbel sc'oplal ta xcuxi.

Ezequiel 23:46

“Ja' yu'un jech chcal vu'un li Muc'ul Diosune: Vu'un ta xcac' stsob sbaic tal ta stojolic epal cristianoetic; ep ta xi'ic, xchi'uc ta xpojbatic batel c'usitic oy yu'unic.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.

Deuteronomio 28:64

Li Muc'ul Diose chaspucoxuc batel acotolic ta yantic banamiletic; ta jot sti', c'alal to ta yan to jot sti' chaspucoxuc batel. Te chc'ot avich'ic ta muc' li c'usitic muc ja'uc Diose, ja' ti pasbilic ta te' xchi'uc ta tone, ti muc xotquinic li amoltot ayame'ic ta vo'onee.