Jeremías 15:2 - Bible in Tzotzil de Chenalhó with Deuterocanon

² Me jech chavich' jac'bele: ¿Bu chibatcutic u?, me xayutoxuque, jech xavalbe: jech chal li Muc'ul Diose: ‘Li boch'o sc'oplal chcham ta chamele, chcham o ta chamel; li boch'o sc'oplal chcham ta espadae, chcham o ta espada; li boch'o sc'oplal chcham ta vi'nale, chcham o ta vi'nal; li boch'o sc'oplal chucbil chbat ta yan banamile, jech chucbil chbat o’, uto.

Bible in Tzotzil de Chamula

² Mi ta sjac'bot ti bu ta xbatic une, xi xavalbe ya'i ta jventae: ‘Ti buch'utic ta bate' chamel yich'oj talel ta xc'ot ta tsutsele, bate' chamel xa'i xcham xlaj. Ti buch'utic ta leto yich'oj talel ta xc'ot ta tsutsele, leto xa'i xcham xlaj. Ti buch'utic ta vi'nal yich'oj talel ta xc'ot ta tsutsele, vi'nal xa'i xcham xlaj. Ti buch'utic bec'bil loq'uel ta slumalic yich'oj talele, bec'bil ta xloc' ta slumalic.’

Jeremías 15:2 Iomraidhean Croise

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 24:18

Li boch'o chcolic to loq'uel ta scoj li tsots xi'ele ta ono'ox xbajic ta ch'en; li boch'o chcol to loq'uel ta ch'ene ta ono'ox x'och ta yoquil, yu'un ta xjaman sti' li vinajele, jech ta xnic c'alal ta snacleb li banamile.

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 14:16

Li cristianoetic ti jech ay yalbeique ta xlajic ta milel ta espada, ta xchamic ta vi'nal xchi'uc yajnil xnich'nabic ec. Te no'ox busul chcomic ta xoraltic ta Jerusalén; mu'yuc boch'o chtal smuquic, yu'un jech ta xcac'be stoj li smulique.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 43:11

Ja' ta xtal syavnaijesic li Egiptoe. Li boch'o sc'oplal ono'ox ta xchame ta xcham; li boch'o sc'oplal ono'ox chucbil chbat ta yan banamile chich' chuquel batel; li boch'o sc'oplal ono'ox milbil chchame chich' milel.

Ezequiel 12:11

Li c'usi ta jpase ja' senyail li c'usi chc'ot ta pasele. Ja' jech chc'ot ta pasel ta atojolic li vo'oxuque, yu'un tsta yorail chaloq'uic batel; chucbil chabatic ta yan banamil.

Ezequiel 14:21

“Ja' yu'un jech chcal vu'un li Muc'ul Diosun ti Yajvalun scotole: ¿C'u to x'elan c'alal me ta jtac tal ta Jerusalén li chanchop vocol ti toj xi'balic sbae; ja' li milel ta espadae, li vi'nale, li jti'val chonbolometique, xchi'uc li tsatsal chamel sventa ta xcules o scotol li jnaclumetique xchi'uc li chonbolometique?

Ezequiel 33:27

“Jech xavalbe ya'yic noxtoc: ‘Jech chal li Cajvaltique, ja' li Muc'ul Diose: Ta xcal ta jamal ta sventa jbi, scotol li boch'otic te to nacajtic ta lumetic ti jinesbilic xae ta xmilatic ta espada. Li boch'otic te oyic batel ta te'tique ta xlajic ta chonbolometic; li boch'otic snac'oj sbaic batel ta tsatsal nailch'entique ta xchamic ta tsatsal chamel.

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.

Ezequiel 5:2

Jvoc' xachic' ta c'oc' te ta o'lol lum c'alal tsts'aqui jayib c'ac'al setubil li lume. Li yan jvoq'ue lilino ta sebel ta espada te ta spat xocon li lume. Li yan jvoq'ue ac'o cuchatuc batel ta ic'. Yu'un vu'un ta jnutsic batel ta espada li jnaclumetic ta lume.

Daniel 9:12

Laj avac' c'otuc ta pasel li c'usi laj ono'ox aval ta jventacutic, xchi'uc ta sventa li ajvaliletic cu'uncutique, jech ital ta jtojolcutic li muc'ta vocolajele. Mu'yuc ono'ox bu jech c'otem ta pasel li' ta banamil jech chac c'u cha'al ic'ot ta pasel ta stojol li Jerusalene.

Amós 5:19

Ja' jech chac c'u cha'al boch'o chjatov ta anil yu'un león ti te tsnup ta be jcot osoe; xchi'uc ja' jech chac c'u cha'al boch'o ch-och ta yut sna ti tsquican sc'ob ta c'alnae, pero te chti'at tal ta chon noxtoc.

Zacarías 11:9

Jech laj calbe li chijetique: “¡Mu'yuc xa ta jchabioxuc! ¡Me oy boch'o chcham avu'unique, ac'o chamuc! ¡Me oy boch'o chlaj ta milele, ac'o lajuc! ¡Me oy to boch'o cuxul chcome, te ti'o abaic!”, xcut.

Apocalipsis 13:10

“Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.