Jeremías 14:3 - Bible in Tzotzil de Chenalhó with Deuterocanon

³ Li jc'ulejetique la staquic batel ta lup vo' li smozoique; ibatic ta bic'tal nabetic, pero mu'yuc la staic tal. Toj q'uexlal sba laj ya'yic, toj ven chopol laj ya'yic; solel smacoj xa sjolic sutel tal.

Bible in Tzotzil de Chamula

³ Ti jc'ulejetique stac' xa batel smosovic ta slupel vo'; ta xbatic ta joq'uetic un, pochol sq'uib ta sutic ech'el, ch'abal ti vo'e. Mu x'ech' mu xnel ta xa'i ti svocolique, ti q'uexlal xa smucoj talel ti sjolique.

Jeremías 14:3 Iomraidhean Croise

2 Samuel 15:30

Li Davide imuy batel ta muyebaltic te ta Olivatic. Te x'oc'olet muyel, xpixoj batel sjol, xchi'uc jeche' xbixbun batel yacan. Scotol li xchi'iltac bat xchi'ine xpixojic batel sjolic ec, xchi'uc x'oc'oletic batel.

2 Samuel 19:4

Pero li ajvalile smacoj sat; tsots ch-avan, jech chal: “¡Cunin nich'on Absalón, cunin nich'on Absalón!”, xi.

1 Reyes 17:7

C'alal i'ech' jayibuc c'ac'ale, i'ul li bevo'e yu'un muc xa xac' o li vo'e.

2 Reyes 18:31

mu xach'unic. Li ajvalil ta Asiriae jech chal: ‘La' jpastic ta co'ol co'ntontic; ac'o abaic ta jc'ob. Jech xu' chalo' atuquic jujunoxuc li ts'usubtic xchi'uc li higotic avu'unique, xchi'uc ja' chavuch'ic li vo' te ta pozoetic avu'unique.

Ester 6:12

C'alal isutic batel ta xanel lum li Mardoqueoe, te ibat ta sti' spasubmantal li ajvalile; yan li Amane ta ora isut batel ta sna, chat xa yo'nton xchi'uc smacoj batel sat.

Job 6:20

Pero altic ti ja' spatoj yo'ntonic yu'une, yu'un mu'yuc c'usi la staic ti c'alal ic'otique, jech te chchibaj yo'ntonic o yu'un.

Salmos 109:29

Ac'o pixicuc o ta q'uexlal li cajcontrataque; pixil ac'o comicuc o ta q'uexlal jech chac c'u cha'al chpix sbaic ta sc'u'ic.

Salmos 40:14

Ac'o yalicuc ta q'uexlal li boch'otic chisa'icun sventa chismilicune; ta q'uexlaluc ac'o suticuc batel ta sva'lupatic li boch'o chopol c'usi snopojic ta jtojole.

Jeremías 14:4

Solel ijatan xa banamil ta scoj ti mu'yuc chac' o vo'e. Ep svocol cha'yic li jloc banamiletique; xpixojan xa sjolic.

Jeremías 15:18

¿C'u yu'un ti mu x'ech' o li jvocole? ¿C'u yu'un mu sbalin poxtael, mu xcol o li jtuch'emale? Ja' jech laj apas aba ta jtojol jech chac c'u cha'al bevo'tic ti ch-ul ya'lele.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Jeremías 2:37

Solel abul aba ta q'uexlal ti c'alal chasut tale, yu'un laj xa jip comel li boch'otic apatoj avo'nton yu'une, jech mu'yuc c'usi lec chata o yu'unic”, xi li Diose.

Jeremías 20:11

Pero vo'ote, Muc'ul Dios, li' oyot ta jtojol jech chac c'u cha'al jun muc'ta vinic ti mu stac' tsalele. Ja' yu'un li boch'o chisnutsicune te chyalic ta lum, jech mu xu' yu'un chistsalicun, j'ech'el chyalic o ta q'uexlal; mu'yuc boch'o chch'ay ta yo'nton o.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Lamentaciones 4:4

Li jchu'unom ololetique ipac'tsaj ta spac'oic li yoq'uic ta scoj taqui o'nale; li bic'tal ololetique ta sc'an sve'elic, pero mu'yuc boch'o chac'.

Oseas 2:3

Yu'un naca me jloc'be sc'u' spoc', naca me t'anal jcomtsan jech chac c'u cha'al t'anal ono'ox ivoq'ue, naca me jcomtsan jech chac c'u cha'al xocol banamil, naca me puru taqui banamil chcom cu'un, jech xu' te ta xlaj o ta taqui-o'nal.

Joel 1:20

Li te'tical chonbolometique ta x'avanic ta atojol, yu'un itaquijan li bevo'tique, xchi'uc ic'ac' ta c'oc' li ts'i'laltique.

Amós 4:7

“Jech noxtoc oxib xa'ox u la jmac li vo' ti c'alal la sta yorail iyijub atrigoique. Yaloj no'ox sba bu lumal laj cac' batel li vo'e. Oy bu lumal laj cac' batel vo', oy bu lumal ti mu'yuc laj cac' batele. Svoc'olvoc'ol no'ox oy bu lec laj yac' vo', oy bu mu'yuc laj yac' o vo', jech itaquij o.

Amós 4:8

Jech li cristianoetique ibatic ta jujun lum ta sa'el vo' yuch'ic, pero muc staic ti c'u yepal ch-ech' o taqui-o'nal yu'unique. Li vo'oxuque mu'yuc ono'ox xasutic o tal ta jtojol”, xi li Muc'ul Diose.

Zacarías 14:17

Li boch'o mu'yuc chbatic ta Jerusalén chbat yich'ic ta muc' li Ajvalile, ja' li Muc'ul Dios ti tspas ta mantal scotol te ta vinajele, mu'yuc ta xtal vo' ta yosilalic.