Jeremías 14:2 - Bible in Tzotzil de Chenalhó with Deuterocanon

² “Li Judae chat yo'nton, choc'ta sba; li lumetic yu'une oyic xa ta at-o'nton; li cristianoetique mochajtic xa ta lumtic chat yo'ntonic; li Jerusalene x'avet no'ox ta scoj svocol.

Bible in Tzotzil de Chamula

² “Ti jteclum Judae ta xlic oc'uc ta at-o'nton, mu xa stac' a'yeluc c'usi xu' ta spasic ti jteclumetique. Javal ts'e'el ta lumtic ti jnaclejetic yu'une. X'avetic no'ox xchi'uc yipal xc'uxul svocol ti Jerusalene.

Jeremías 14:2 Iomraidhean Croise

Job 34:28

Laj yac'beic ya'ay Dios yoq'uel yavanelic li me'onetique, xchi'uc li boch'otic abul sbaique, li Diose laj ya'ay.

Salmos 144:14

Li sme' jvacaxcutique ac'o ayinuc lec yolic; ac'o mu'yucuc j'elec', ac'o mu'yucuc boch'o tsloq'ues batel; ac'o mu'yucuc boch'o ch-avan ta xi'el ta xoraltic cu'uncutic.

Éxodo 2:24

Li Diose laj ya'ay ti x'ayetic no'oxe, xchi'uc te it'ab ta yo'nton c'usi xchapanojic ono'ox xchi'uc li Abrahame, li Isaaque, xchi'uc li Jacobe.

Isaías 15:5

Li co'ntone toj abul sba cha'ay li Moabe, yu'un li svinictaque chjatovanic batel ta anil c'alal ta Zoar; ch-anilajic batel c'alal Eglat-selisiya; x'oc'oletic chmuyic batel ta Luhit; x'avetic no'ox batel ta at-o'nton ta sbelal Horonaim.

Isaías 24:11

Oy oq'uel avanel ta xoraltic ta scoj ti mu'yuc xa li ya'lel ts'usube; chlaj sc'oplal o li tse'ej lo'ile; chich' loq'uesel o li' ta banamil li xcuxetel o'ntonale.

Isaías 24:4

Li banamile tsoc o, ch-alub o ya'yel; chtaquij o, chyal o ta lum sbejlijil li banamile. Li vinajel xchi'uc banamile chlaj stsatsalic o.

Isaías 24:7

Ilaj o li ya'lel ts'usube yu'un itsacat ta xchamel li ts'usubaltique; li boch'o xcuxet to'ox yo'ntonique puru at-o'nton xa cha'yic.

Isaías 3:26

Li alumalique ta xlic oq'uicuc, ta xat yo'ntonic; j'ech'el jipbil ta xcomic o.

Isaías 33:9

I'och xchamel, xchi'uc ep at-o'nton cha'ay li banamile; iyal ta q'uexlal li Libanoe, itaquij xa o. Li stenlejaltic Sarone icom jech chac c'u cha'al xocol banamil; li Basán xchi'uc vits Carmeloe it'anbujic ta jyalel.

Isaías 5:7

Li ts'usubtic yu'un Muc'ul Dios ti ech'em svu'ele, ja' li smomnich'nab Israele; ja' li jnaclumetic ta Judae, yu'un ja' la sts'un stuc, toj lec sc'anoj. La smala ti ac'o ch'unbatuc smantaltaque, pero puru milvanej no'ox la spasic; la smala ti ac'o spasic c'usi tuq'ue, pero puru oq'uel avanel no'ox ivinaj ta scojic.

Jeremías 11:11

Ja' yu'un ta jtacbe tal tsots vocol ta stojolic; mu c'u xut tspoj sbaic o loq'uel. Ac'o me ta sc'anbicun to vocol, pero mu'yuc chca'ibe sc'opic.

Jeremías 12:11

Solel jeche' xch'ijan icom o; xco'laj xchi'uc xocol banamil laj quil. Sjunul banamil soquem icom o; mu'yuc to boch'o abul sba chil ti c'u x'elan icome.

Jeremías 12:4

¿C'u to sjalil jech comen ta xocol banamil li cosilalcutique, ti taquijem scotol li vomol a'maletique? Li chonbolometic xchi'uc mutetique ichamic xa ta scoj smulic li boch'o li' nacalique, ja' ti mu xavil scuyojic li c'usi tspasique.

Jeremías 18:22

Ac'o vinajuc ti x'avlajetic no'ox te ta snaic ti c'alal chatacbe tal ta anil soldadoetic ta stojolique, yu'un sjoc'ojbicun xa jch'enal, xchi'uc yac'oj xa xch'ojonic sventa chisyaquicun.

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Jeremías 46:12

Li yantic lumetique sna'ojic ti mu'yuc xa atu oe; scotol banamil cha'yic cha'avan, yu'un la snet' sba stuquic li boch'o lec xu' yu'unique, jech co'ol te iyalic ta lum”, xi li Muc'ul Diose.

Jeremías 8:21

Toj ep jvocol ta sventa svocol li jchi'iltaque; ep at-o'nton, ep xi'el chca'ay ta jyalel.

Lamentaciones 2:8

Li Muc'ul Diose laj yac' ta jinesel o li coralton yu'un Sione. La sloq'ues o mantal ti ac'o yich' jinesele; mu'yuc la sutes o sc'op. Laj yac' o ta at-o'nton li coralton xchi'uc li pac'benal naetique, yu'un jmoj laj yac' ta jinesel scotol.

Lamentaciones 2:9

Li macnaetique pac'al ta banamil icom scotol; laj yich' c'asbel scotol li sbajubiltac ti lec tsotsique. Li ajvaliletic xchi'uc li jpasmantaletic yu'unique te xa oyic ta yantic banamil ti bu mu'yuc chanubtasel ta smantal Diose. Li paleetic yu'une mu'yuc xa c'usi ch-ac'bat yilic yu'un Muc'ul Dios noxtoc.

Lamentaciones 5:10

Ic'al nucul xa jnuculilcutic ta scoj li stsatsal vi'nale; ja' xa jech ta q'uelel jech chac c'u cha'al jun horno ti ic'uben ta ch'ayile.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Joel 1:10

Te ta osil banamile ch-ul scotol li c'usitic ts'unbile; solel me'on chcom o li banamile. Yu'un ch-ul o ta j'ech'el li trigoe; chtaquijan o li ts'usubtique, xchi'uc chlaj sc'oplal o ti oy aceitee.

Joel 1:11

Jloc banamiletic, ch'ayeluc chc'ot avo'ntonic; jts'un ts'usubetic, oc'anic ta sventa li trigo xchi'uc li cebadae, yu'un ta x'ul o li c'usitic chloc' ta banamile.

Joel 1:14

Ictaic ixim, tijo aba acotolic ta muc'ta tsobajel te ta xch'ulna li Muc'ul Diose. Ac'o stsob sba scotol li moletique xchi'uc scotol li jnaclumetic ta avosilalique. C'anbeic vocol li Muc'ul Diose.

Joel 2:6

Ta xi'ic yu'un scotol li cristianoetique; ta saclich'tajic ta scoj xi'el.

Hageo 1:11

Vu'un laj cac' taluc li q'uepelaltic li' ta banamil, ta vitsetic, ta trigoaltic, ta ts'usubaltic, ta olivatic, xchi'uc ta scotol li c'usitic chch'i ta banamile, xchi'uc ta stojol cristianoetic, ta stojol chonbolometic, xchi'uc ta scotol li yabtel avoc ac'obique”, xi li Diose.

Zacarías 7:13

jech laj yal: “C'alal lic'opoje, muc xa'ibicun jc'op. Ja' no'ox jech ti c'alal la sc'anbicun vocol ta jtojole, muc xca'ibe sc'opic ec.

1 Samuel 5:12

Li cristianoetic te ta lume tsots i'avanic; xc'ot c'alal to ta vinajel li yech'al yeique. Li boch'otic muc xchamique, noj ta apunetic li sbec'talique.

1 Samuel 9:16

“Oc'om jech ora chac li'i ta jtac tal jun vinic chlic tal ta yosilal Benjamín; ja' xamalbe aceite ta sjol yu'un ja' chlic spas mantal ta stojol li jteclumale, ja' li achi'iltac ta israelale. Ja' tscolta loq'uel ta sc'ob li filistaetique yu'un laj ca'ay ti ep chc'opojic ta jtojol li jteclum cu'une”, x'utat.