Jeremías 14:1 - Bible in Tzotzil de Chenalhó with Deuterocanon

¹ Li Jeremiase ital c'opanatuc yu'un li Muc'ul Diose, yu'un chtal q'uepelaltic. Jech i'albat:

Bible in Tzotzil de Chamula

¹ Ti Jeremíasune, xi laj yalbun ti Dios c'alal laj sc'oponun talel ta scoj ti va'iem ta j'ech'el ti c'ac'ale:

Jeremías 14:1 Iomraidhean Croise

Isaías 5:6

J'ech'el ta xquicta o comel. Mu'yuc xa bu ta jq'uel ta jtuc'ulan; mu'yuc xa bu ta xcaq'uinta o; te ac'o nojuc ta ch'ixtic, ac'o ch'iuc chopol ts'i'laletic. Ta xcalbe mantal ti mu xa me xac' ya'lelic li toquetique.

Jeremías 17:8

Ja' jech chac c'u cha'al jpets te' ts'unbil ta ti' uc'um, ti lec chac' batel yisim ta yut vo'e. C'alal ta xc'uxub tal c'ac'ale, mu'yuc c'u cha'al sba cha'ay, lec yox o li yanale. C'alal ta xlic q'uepelaltique, mu'yuc ta slusib, mu'yuc ta xpaj ta satinel.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 5:25

Yu'un li achopolilique xch'ayesoj ajolic; li amulique la sjipboxuc loq'uel ta avo'ntonic li c'usi leque.