Jeremías 13:16 - Bible in Tzotzil de Chenalhó with Deuterocanon

¹⁶ Ich'ic ta muc' li Muc'ul Diose, ja' li Dios avu'unique, yu'un yo'to mu'yuc chac' taluc ic' osil ta atojolic, yo'to mu'yuc chabosi avacanic ta ic'al osil te ta vitsetic, xchi'uc yo'to mu'yuc ta sc'atajes ta ven ic'al osil li sac osil amalaojic chtale.

Bible in Tzotzil de Chamula

¹⁶ Ich'ic ta muc' ti Ajvalil Dios avu'unique, ti mu to ta xvul ta loq'uel ti ic'uneb ti osil banomile, ti xabosi avacanic ta ic'-cunan vitstique, ti mu to ta xjoybij ta ic'ubel ta j'ech'el ti banomile, ti lajebal xa xal o yic'ubel ti osil banomile. ti amalojic avalojic yutsilal saquil ti osile.

Jeremías 13:16 Iomraidhean Croise

Job 3:5

Ja' lec ti lajuc yich' pixel o ta pimil ic'al osile; ja' lec ti lajuc yich' maquel ta pimil ic'al toque; ja' lec ti imacuc li c'ac'al ti chac' ep xi'ele.

Salmos 107:10

Oy jayibuc macbilic ta ic' osil. Oyic ta sventa xi'elal lajel; chucbilic ta cadena xchi'uc ta ep vocol.

Salmos 107:14

La sloq'ues ta ic' osil xchi'uc ta sventa xi'elal lajel; la xtuch' li cadena ti bu chucbilic oe.

Salmos 29:2

Alic ti toj muc', ti toj jun yutsil sbi li Muc'ul Diose; ich'ic ta muc' te ta xch'ulna li Muc'ul Diose.

Salmos 44:19

Pero laj anet'uncutic batel ta chuculaltic ti bu oy ep vocole; laj amacuncutic ta xyaxinal li lajele.

Éxodo 10:21

Li Muc'ul Diose jech laj yalbe li Moisese: —Toyo muyel ac'ob ta vinajel yu'un ac'o ic'ubuc osil ta scotol li Egiptoe, jech solel mu xa c'usi xvinaj chcom o ta j'ech'el —xut.

Proverbios 4:19

Yan li sbe boch'otic chopolique ja' jech chac c'u cha'al ic' osil, jech mu xilic bu tsbosi yacanic.

Eclesiastés 11:8

Ac'o me ep jabil chijcuxiutic, ac'o me ta jc'upin ca'itic scotol le'e, tsc'an jna'tic noxtoc ti ja' toj ep c'ac'al chbat jtatic li ic' osile. Ja' yu'un mu'yuc ono'ox c'usi lec ta jtatic ta ts'acal.

Isaías 5:30

C'alal tsta sc'ac'alil chtal li yantic banamile, x'avetic no'ox tal ta scontrainel lum Israel jech chac c'u cha'al c'alal xvo'et no'ox muc'ta nabe. Me oy boch'o tsq'uel li banamile, chvinaj ti ch-ic'ube, xchi'uc chvinaj ti ch-ic'ub ta pimil toc li vinajele.

Isaías 59:10

Solel ta machmachtabil lijxanov ta c'alc'alna jech chac c'u cha'al ma'sat, jech chac c'u cha'al boch'o tuben sat. La jbosi cacantic ta o'lol c'ac'al jech chac c'u cha'al ta ac'ubaltic; ac'o me tsotsutic, pero xco'laj xchi'uc chamenutic ya'yel.

Isaías 59:9

Ja' yu'un inamaj loq'uel ta jtojoltic li c'usi tuq'ue; muc xvul ta jtojoltic li tuq'uil chapanele. La jmalatic li sac osile, pero puru ic' osil no'ox li' oy o; la jmalatic tsacub jbetic, pero ta puru ic' osil chijxanovutic.

Isaías 60:2

Li ic' osile ch-ic'um yu'un li banamile; li ac'ubaltique chic'umtas li jujun banamile. Pero li Muc'ul Diose ja' tsacubtas osil ta atojol; chac' tal lec xojobal ta atojol.

Isaías 8:22

C'alal tsq'uelic yalel ta banamile, ja' to chilic ti puru vocol, ti puru ic' osil xa oye, solel ic'uben chcom. Scotolic mucul chcomic o ta ic' osil.

Jeremías 14:19

Cajval, ¿Me sbatel osil chabaj o li Judae? ¿Me j'ech'el mu'yuc xa stu o ta avo'nton li Sione? ¿C'u yu'un ti toj ech'em no'ox laj ayayijesuncutic ti mu xa stac' poxtael oe? La jmalacutic coltael, pero mu'yuc c'usi lec la jtacutic. La jmalacutic poxtael, pero ja' no'ox ital tsots xi'el.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 23:12

“Ja' yu'un li sbe xanebique chcom ta ic'al osil xchi'uc ta bilil be; ta xich'ic net'el batel, jech ta xbalch'ujic o, yu'un vu'un ta jtac tal tsots vocol ta stojolic c'alal me la sta sc'ac'alile”, xi li Muc'ul Diose.

Jeremías 4:23

C'alal la jq'uel li banamile, ja' to laj quil ti xch'ijan, ti yavnaijem oe; c'alal la jq'uel noxtoc li vinajele, mu'yuc xa c'usi yac'oj xojobal o.

Jeremías 50:6

“Li jteclumale ja' jechic jech chac c'u cha'al ch'ayemal chijetic ti mu'yuc lec chabibil, ti ivovijesatic ta be yu'un li jchabichijetic yu'unique. Ich'ayatic comel ta vitsetic, jech te ixanovic batel ta vitsetic. Jech ich'ay o ta yo'ntonic bu icom li scoralique.

Jeremías 6:21

Ja' yu'un li Muc'ul Diose jech chal: “Ta xcac' sbosiubil yacanic, jech ta xyalic ta lum, co'ol chchamic o c'alal ta totil me'iletic, c'alal ta alab nich'nabetic, c'alal ta boch'otic nopol nacajtic xchi'uquic, xchi'uc c'alal ta boch'otic lec sc'opan sba xchi'uquic”, xi.

Jeremías 8:15

La jmalatic c'usi ora ta jtatic jun co'ntontic, pero mu'yuc c'usi lec ital ta jtojoltic. La jmalatic li poxtaele, pero ja' no'ox ital jvocoltic.

Lamentaciones 4:17

Altic ilub jsatcutic ta smala-malael li coltaele; te jmala-mala chtal scoltauncutic li jun lume, pero mu xu' yu'un chcoltavan.

Ezequiel 21:15

Yu'un jech ac'o xi'icuc scotolic, yu'un li espadae ta xa stsac ep sve'el; laj xa cac' ta scotol naetic sventa chmilvan. ¡Ay!, li espadae chapal xa sventa chlic ta ts'aylajetel; chapal xa sventa chlic sc'oc joliletic.

Ezequiel 34:12

Jech chac c'u cha'al jun jchabichij ti tsots sc'oplal cha'ay li xchijtac ti butic tanpuc batemique, ja' jech tsots sc'oplal chca'ay ec li jchijtaque. Chbat quic' sutel tal ti bu la spuc sbaic batel ta scoj ti oy jun c'ac'al i'ic'ub osil, ti imac ta toc li banamile.

Ezequiel 36:15

Mu'yuc xa bu chava'yic chopolc'optael yu'un li yantic banamile; mu'yuc xa bu abul abaic ta na'leel yu'un li yantic lume, yu'un mu'yuc xa bu chamilbeic xnich'nab li jnaclumetic avu'unique, xi li Muc'ul Diose’, uto”, xiyutun li Diose.

Joel 2:2

Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Amós 4:13

Yu'un li Boch'o la sva'an li vitsetic xchi'uc ti laj yac' li iq'ue, xchi'uc ti chac'be sna' cristianoetic li c'usi snopoj ta sjol ta yo'ntone, ti xu' yu'un ta sc'atajes ta ic' osil li sac osile, ti oy ta sc'ob scotol li c'usitic oy ta banamile, ja' Muc'ul Dios sbi ti tspas ta mantal scotol te ta vinajele.

Amós 5:18

Ay, toj abul sbaic li boch'otic tsc'anic ac'o c'otuc sc'ac'alil li Muc'ul Diose. ¿C'u yu'un ti chac'anic ac'o c'otuc li sc'ac'alil le'e? Yu'un ja' sc'ac'alil ch-ic'ub osil, mu ja'uc yorail sac osil.

Malaquías 2:2

Me mu xach'unique, me mu'yuc tsots sc'oplal chava'yic ti tsc'an ich'bil o ta muc' li jbie, j'ech'el chopol chacomic o. Li alequilal ataojique ta jc'atajes ta chopol ta scoj ti mu xanopic leque.

San Juan 12:35

Itac'ov li Jesuse: —Mu xa epuc c'ac'al li' oy ta atojolic li luze. Ja' lec xanovanic ta sac osil ti c'alal yo'to li' oy li luze, yu'un jech mu me ch'ayeluc avo'ntonic chastaoxuc li ic' osile. Yu'un li boch'o chanov ta ic' osile mu sna' bu chbat.

Josué 7:19

Li Josuee jech laj yalbe li Acane: —Quits'in Acán, ac'o ta ich'el ta muc' li Muc'ul Dios cu'untic, vu'utic li israelutique. Ac'o vinajuc slequilal avu'un. Jamal xavalbun li c'usi laj apase; mu me xamuc ta avo'nton —xut.

1 Pedro 2:8

“Ja' sventa ac'o sbosi yacanic o; ja' sventa ac'o yalicuc o ta lum”, xi. Ja' te tsbosi yacanic o ya'yel ta sventa ti mu xch'unic li sc'op Diose, yu'un jech ono'ox ts'ibabil sc'oplalic.

1 Samuel 6:5

Pasbeic sloc'obal li apunetic xchi'uc li ch'oetic ti la soquesic cosilaltique, xchi'uc albeic slequilal li Dios yu'un israeletique. Oy yic'al ja' to jech chacolic o ta stojel amulic, xchi'uc li dios avu'unique, xchi'uc li avosilalique.