Jeremías 13:11 - Bible in Tzotzil de Chenalhó with Deuterocanon

¹¹ Jech chac c'u cha'al lec nabal ta xch'ut xchuc li jun vinique, ja' jech lec la jnaban ta jtojol li lum Israel xchi'uc li lum Judae, yu'un jech chc'otic ta jteclumal, jech xu' chpuc batel jc'oplal, jlequilal, xchi'uc jech xu' chi'ich'at ta muc' ta sventaic caloj, pero muc xixch'unbicun”, xi li Muc'ul Diose.

Bible in Tzotzil de Chamula

¹¹ Jech to ox oyic ta jtojol scotol ti jteclum Israele xchi'uc scotol ti jteclum Judae, ti jmoj vololic jech c'u cha'al ti chuquil ti syomoj ta chuquel ti chuquile, yo' jech ta xc'otic ta jteclumale, yo' ta xiyaq'uic ta ojtiquinel ti mu'yuc xa buch'u xtaun o ta xca'i yu'unic ta sventa ti jlequil cutsilale. Le' une, mu'yuc laj yaq'uicun ta venta. Jech xcal ma' ti vu'un Diosune.

Jeremías 13:11 Iomraidhean Croise

Salmos 135:4

Yu'un li Muc'ul Diose st'ujoj xa li Jacobe, ja' li Israele, yu'un tsc'an chu'unin o.

Salmos 147:20

Mu'yuc bu jech spasoj ta yan banamiletic; mu'yuc bu laj ya'yic c'u x'elan li chanubtasel tojobtaseletic yu'une. Coliyal Dios.

Salmos 81:11

“Pero li jteclumale muc xiya'ibicun li jc'ope; li israeletique muc xiyich'icun ta muc'.

Isaías 43:21

Li jteclum la jliquese ja' sventa ac'o yalic batel jlequilal.

Isaías 62:12

Jech chlic albatuc sc'oplalic: “Ch'ul lum”, “Pojbilic o yu'un Muc'ul Dios”, xi sc'oplalic. Jech ch-albat li lum Jerusalene: “Ja' lum ti lec c'anbile”, “Ja' lum ti mu'yuc comtsanbil oe”, xi sc'oplal.

Jeremías 13:1

Li Muc'ul Diose jech laj yalbun: “Bat mano jlicuc chuquil pasbil ta lino no. Chuco o ach'ut, pero mu me x'ach' ta vo' avu'un”, xiyutun.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 13:12

“Jech xavalbe ya'yic noxtoc li achi'iltaque: ‘Jech chal li Muc'ul Diose, ja' li Dios yu'un Israele: Scotol li binetique xu' chich' nojesel ta pasem ya'lel ts'usub’, uto. Jech ta stac'boxuc: ‘¿Me yu'un mu jna'cutic ti scotol binetic xu' chich' nojesel ta pasem ya'lel ts'usube?’, xayutoxuc.

Jeremías 19:15

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech ta xal: ‘Ta jtacbe tal tsots vocol li lum li'i xchi'uc li yantic lumetic li' ta spat xocone jech chac c'u cha'al jnopoj ono'oxe, yu'un solel stsatsubtasoj o yo'ntonic, mu sc'an xch'unic o li c'usi chcale’, xi li Muc'ul Diose”, xut.

Jeremías 32:20

Laj apas ep muc'tic sq'uelubiltac avu'el atsatsal te ta Egipto. Ja' jech chapas o li' ta ora ta stojol li israeletique xchi'uc ta stojol scotol li cristianoetique, jech laj avac' pucuc ac'oplal jech chac c'u cha'al vinajem li' ta orae.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

Jeremías 6:17

La jva'an jq'uel-osiletic noxtoc, jech laj yalboxuc: “A'yo ava'yic, ta xa xich' jupanel oq'uesetic”, xayutoxuc. Pero jech laj avalic: “Mu jc'an xca'icutic”, xachiic.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Jeremías 7:23

Ja' no'ox jech laj calbeic chac li'i: Ch'unic me li c'usi chacalboxuque, jech vu'un Diosun o avu'unic, jech vo'oxuc jteclumaloxuc o chac'otic ec. Ja' me pasic scotol li c'usi laj calboxuque yu'un jech lec chabatic, xcutic.

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Amós 3:1

Smomnich'nab Israel, a'yo ava'yic c'u x'elan chc'opoj ta atojolic li Muc'ul Diose, vo'oxuc ti la sloq'uesoxuc tal ta Egiptoe:

San Lucas 10:11

‘Li spucucal alumalic la jtec'cutique, li' ta jlilincutic comel ta atojolic, yu'un ac'o acuch comel atuquic. Xchi'uc ja' sventa ac'o ana'ic ti jutuc xa muc xvul ta atojolic li ventainel yu'un Diose’, utic comel.

Deuteronomio 26:18

Ja' no'ox jech ec li Muc'ul Diose laj xa yal ta jamal li' ta atojolic, vo'oxuc li israeloxuque, ti vo'oxuc mero steclumaloxuc oe, ti lec chayiloxuc o jech chac c'u cha'al yaloj ono'ox ta vo'onee, jech tsc'an ac'o ach'unbeic scotol li smantaltaque.

Deuteronomio 26:19

Xchi'uc chac' c'otanic ta jun muc'ta lum ti puquem sc'oplale, ti ich'bil ta muq'ue, ti mu'yuc boch'o yan jech lec sc'oplal ta scotol li muc'tiquil banamiletic spasoj Muc'ul Diose. Xchi'uc ta xc'ot ta pasel ti vo'oxuc no'ox jun lum voc'biloxuc yu'un li Muc'ul Diose yu'un jech ono'ox yaloj”, xi li Moisese.

Deuteronomio 4:7

Yu'un mu'yuc yan lum toj muc', xchi'uc ti nopol oy diosetic ta stojolic jech chac c'u cha'al li' oy ta jtojoltic li Muc'ul Dios cu'untique, ti chijya'ibutic jc'optic jujun velta c'alal ta jc'opantique.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.