Jeremías 13:10 - Bible in Tzotzil de Chenalhó with Deuterocanon

¹⁰ Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Bible in Tzotzil de Chamula

¹⁰ Ti jteclum ti mu'yuc xch'ulel xa'i sba le'e, ta svalopatinic ta xch'unel ti c'u s'elan ta xcalbeique. Pucujineb ta spasel c'usi xal ti yo'ntonique. Bat xa snaban sbaic ta sts'acliel yan diosetic, ta yaq'uel sbaic ta tunel ta yich'el ta muc' un. Mu xa xtunic xa un jech c'u cha'al ti chuquil ti mu xtune.

Jeremías 13:10 Iomraidhean Croise

Salmos 78:8

Jech mu xchanic jech chac c'u cha'al li smoltot syame'ic ta vo'one, ti jtoybaetic, ti jbajmantaletique, ti muc scotoluc yo'ntonic laj yac' sbaic ta stojol li Diose, ti muc junuc yo'ntonic ta stojole.

Eclesiastés 11:9

Querem tsebetic, cuxetuc no'ox avo'ntonic ta sventa ti ach'iumalic toe; loq'ueso avo'ntonic ta sc'upinel c'usi oy ta avo'ntonic ti c'alal ja' to avich'ojbeic tal yipale. Pasic scotol li c'usi tsc'an avo'ntonique xchi'uc li c'usi chavil ta asatique, pero na'ic me ti tsta yorail ta xchapanoxuc Dios ta sventa scotol li c'usitic chapasique.

Isaías 3:24

Ja' xq'uexol sperfumeic chc'ot ti chtuib yiq'uique; ja' xq'uexol xchuquic chc'ot li ch'ojone. Li sjolic ti toj c'upilic to'ox sba tspasique ja' xq'uexol chc'ot ti cht'ajbuj sbejlijile; li sc'u'ic ti toj lequique ja' xq'uexol chc'ot li c'u'il ti ch'ixlajan ta lapele; ja' xa st'ujumalic chc'ot li smarcailic ti ch-ic'uban ta c'ac'al taq'uine.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 11:18

Li Muc'ul Diose laj yac'bun jna' ti tsc'an chismilicun li cajcontrae. Ja' la sjambun jsat, yu'un jech ac'o quil li c'usi tsc'an tspasique.

Jeremías 13:7

Jech te libat ta uc'um Éufrates; la jtsac loq'uel li jchuque, pero c'a'em xa, me jutuc mu'yuc xa slequil.

Jeremías 16:12

Pero li vo'oxuque toj ech'em no'ox chopol c'usi laj apasic jech chac c'u cha'al li atot ame'ique. Yu'un ja' bat apasic c'usi tsc'an avo'nton atuquic jujunoxuc; ja' muc xach'unic li c'usi laj cale.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 20:4

Yu'un jech yaloj li Muc'ul Diose: ‘Ta xcac' ti te chlic asibtas aba atuque xchi'uc ta xi'ic avu'un scotol li boch'o lec xac'opan aba achi'uque. Le'e te ta asat ta xlajic ta milel yu'un li avajcontraique. Jech noxtoc, scotol li jnaclumetic ta Judae ta xcac' ta sc'ob li ajvalil ta Babiloniae, jech chucbil chbatic ta Babilonia banamil, o me chich'ic milel comel.

Jeremías 22:21

Laj ono'ox jc'opanot ti c'alal lec to'ox ibat avu'un scotole, pero muc xava'ibun li jc'ope. Ja' jechot o tal ta aqueremal, mu xac'an xach'un o li c'usi chcale.

Jeremías 23:17

Yu'un jech chalbeic li boch'o mu xich'ic ta muc' c'usi chcale: ‘Jech chal li Muc'ul Diose: Junuc la avo'ntonic’, xutic. Li boch'otic ja' no'ox tspas c'usi tsc'an yo'ntonique, jech chalbeic: ‘Mu'yuc c'usi chopol chc'ot ta pasel ta atojolic’, xutic”, xi li Muc'ul Diose.

Jeremías 3:17

C'alal me la sta sc'ac'alil le'e, li Jerusalene ‘Smuc'ta Chotleb Muc'ul Dios’, xi sbi chc'ot. Scotol banamiletic te ta stsob sbaic tal sventa chiyich'icun ta muc', jech mu xa ja'uc chac'beic yipal spasel li c'usi toj chopol oy ta yo'ntonique.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 44:16

—Mu jch'uncutic c'usi chavalbuncutic ta sventa li Muc'ul Diose.

Jeremías 44:5

Pero muc xach'unic, muc xavich'ic ta muc'; muc xacomtsanic li c'usi toj chopol chapasique ti chachic'beic pom ta stojol li yantic diosetique.

Jeremías 5:23

Li vo'oxuque toj tsots avo'ntonic, bats'i jtoybaoxuc; laj acomtsanicun, j'ech'el labatic o.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Jeremías 7:6

me mu xavuts'intaic li yanlumetique, li me'on ololetique, li me'on antsetique, me mu'yuc chamalbeic xch'ich'al li' ta banamil li boch'otic mu'yuc smulique, me mu'yuc chbat avich'ic ta muc' li yantic diosetic ti ja' no'ox chasa' avocolic yu'une,

Jeremías 8:5

Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Jeremías 9:13

Jech chal li Muc'ul Diose: “Yu'un muc xich'ic ta muc' li jmantaltac laj cac'beique; muc xch'unic li c'usi laj cale, muc ja'uc la spasic batel.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Jeremías 9:6

Ja' yu'un jech chal li Muc'ul Diose: “Ja' te tiq'uilic o ta lo'lavanej. Ta sventa ti ja' bats'i jlo'lavanejetique jech muc sc'an xiyotquinicun o.

Números 14:11

Li Muc'ul Diose jech laj yalbe li Moisese: —¿Baq'uin to chlic lecubuc yo'ntonic ta jtojol li cristianoetic li'i? ¿Baq'uin to chlic xch'unic lec?, yu'un ep xa sq'uelubil jtsatsal la jpas ta stojolic.

Hechos 7:51

“Li vo'oxuque toj tsots avo'ntonic. Ja' jech avo'ntonic xchi'uc ja' jech achiquinic jech chac c'u cha'al li boch'otic mu'yuc yich'ojic circuncisione. Scotol ora contra chavilic li Ch'ul Espiritue. Ja' chapasic jech chac c'u cha'al la spasic li amoltot ayame'ic ta vo'onee.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!