Jeremías 12:7 - Bible in Tzotzil de Chenalhó with Deuterocanon

⁷ “Laj xa jcomtsan li jnich'nabtaque; laj xa jip ta co'nton li cu'untac to'oxe. Laj xa caq'uic ta sc'ob yajcontraic li jun ta lum ti lec to'ox jc'anoje.

Bible in Tzotzil de Chamula

⁷ “Laj xa jip jten comel ti jteclumale; laj xa jbaj ti c'otem to ox ta cu'une. Ti muc' ta lum ti mu tuch'baj ta co'nton to oxe, laj xa cac'beic ta sc'ob ti yajcontraique.

Jeremías 12:7 Iomraidhean Croise

2 Reyes 21:14

Ti c'u to yepal chcomic li jteclumale, ta jip o ta co'nton; ta xcac' ochicuc ta sc'ob yajcontraic, yu'un jech ac'o yich'ic pojbel scotol li c'usitic oy yu'unique.

Salmos 106:40

Ja' yu'un li Muc'ul Diose tsots i'ilin ta stojol li steclumale; j'ech'el la sbaj o.

Salmos 78:62

Laj yac' ta milel ta espada noxtoc li steclumale, yu'un ilic sc'ac'al yo'nton ta scojic.

Isaías 2:6

Muc'ul Dios, laj xa acomtsan o li jun ta lum ateclumale, ja' li smomnich'nab Jacobe, yu'un li yosilalique nojem ta jt'unuletic ti liquemic tal ta sloq'ueb c'ac'ale, xchi'uc ep boch'otic sna'ic sq'uelel li c'usi mu xvinaj jech chac c'u cha'al oy yu'unic li filistaetique, xchi'uc co'ol yo'ntonic xchi'uc li yan lumetique.

Jeremías 11:15

“¿C'usi tal spas ta jch'ulna li Israel ti lec to'ox jc'anoje, yu'un toj chopol c'usitic tspas? ¿Me yu'un tscuy ti xu' chmac o svocol ti chiyac'bun milbil matanal ta sventa mulile? ¿Me tscuy ti xu' chcol o jeche?

Jeremías 14:19

Cajval, ¿Me sbatel osil chabaj o li Judae? ¿Me j'ech'el mu'yuc xa stu o ta avo'nton li Sione? ¿C'u yu'un ti toj ech'em no'ox laj ayayijesuncutic ti mu xa stac' poxtael oe? La jmalacutic coltael, pero mu'yuc c'usi lec la jtacutic. La jmalacutic poxtael, pero ja' no'ox ital tsots xi'el.

Jeremías 17:4

Ta xcac' acomtsan li banamil cac'ojbote, yu'un ja' chbat tunan yu'un avajcontra te ta yan banamil ti mu xavotquine, yu'un laj avac' tsanuc sc'ac'al co'nton jech chac c'u cha'al c'oc' ti mu xtu'p oe”, xi li Muc'ul Diose.

Jeremías 22:5

Pero me mu xach'unic li c'usi chacalboxuc li'i, jamal ta xcal ti chich' jinesel o li spasubmantal ajvalil li'i, xi li Muc'ul Diose’, uto”, xiyutun.

Jeremías 23:33

“Jeremías, me oy jech chasjac'bot achi'iltac, o me j'alc'op, o me palee: ‘¿C'usi laj yal, c'usi icatsil laj yac'bot li Muc'ul Diose?’, me xayutoxuque, jech xavalbeic: ‘Li c'usi laj yal, li c'usi laj yac'bun jna' li Muc'ul Diose, ja' ti vo'oxuc icatsiloxuc cha'ye, ja' yu'un laj yal ti chasjipoxuc comele’, uto.

Jeremías 23:39

jech ta jipoxuc loq'uel ta jtojol xchi'uc li lum li'i, ja' ti laj cac'boxuc achi'uquic li amoltotic ta vo'onee.

Jeremías 51:5

Yu'un li Israel xchi'uc Judae mu'yuc jipoj o ta co'nton, vu'un li Muc'ul Diosun ti ta jpas ta mantal scotol te ta vinajele, vu'un li Ch'ul Diosun yu'un Israele, ac'o me solel noj ta mulil li yosilalique, ac'o me toj ep la sta smulic ta jtojol.

Jeremías 7:14

Li ch'ulna laj cac'boxuc achi'uc amoltotic ta vo'one ti ja' li' chquich' ich'el ta muq'ue xchi'uc ti ja' spatubil avo'ntonic chava'yique, ja' jech ta jpasbe jech chac c'u cha'al la jpasbe li ch'ulna to'ox te ta Siloe.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Ezequiel 24:21

‘Jech xavalbe ya'yic scotol li achi'iltaque: Jech chal li Muc'ul Diose: A'yo ava'yic, ta jsoquesbe o sc'oplal li ch'ulna cu'un ti tsots sc'oplal avu'unique, ti toj lec ac'anojique, ti lec to'ox avich'ojic ta muq'ue. Li aqueremic atsebic chcom avu'unique ta xcac' ta milel ta espada scotol.

Oseas 11:1

“C'alal biq'uit to'ox li Israele, toj lec jc'anoj. C'alal te oy ta Egipto li jnich'one, laj quic' loq'uel tal.

Oseas 9:15

Jech chal noxtoc li Diose: “Te ta Gilgal lic spasic scotol li c'usitic chopole, ja' te lic jbajic o tal. Ta scoj xchopol abtelic ta jloq'uesic o ta jna; mu'yuc xa bu ta jc'anic o. Scotol li banquilaletic yu'unique puru jbajmantaletic.

Joel 2:15

¡Jupanic oq'ues te ta vits Sión! Tijo abaic ta muc'ta tsobajel acotolic, ictaic ixim.

Joel 3:2

Ta jtsob scotol li cristianoetic ta jujun banamile; te ta xquiq'uic yalel ta soplejaltic yu'un Josafat. Te ta xlic jchapan ta scoj ti laj yuts'intaic li jteclumale, ja' li israeletic ti la spuquic batel ta yantic banamile, xchi'uc ti la spucbe sbaic li cosil jbanamile.

San Lucas 21:24

Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.

Deuteronomio 33:12

Jech laj yich' alel ta sventa li Benjamine: “Li boch'o lec c'anbil yu'un Muc'ul Diose jun yo'nton. Scotol ora chabibil yu'un li boch'o oy ta toyole; scotol c'ac'al sventainoj o”, xi.