Jeremías 12:4 - Bible in Tzotzil de Chenalhó with Deuterocanon

⁴ ¿C'u to sjalil jech comen ta xocol banamil li cosilalcutique, ti taquijem scotol li vomol a'maletique? Li chonbolometic xchi'uc mutetique ichamic xa ta scoj smulic li boch'o li' nacalique, ja' ti mu xavil scuyojic li c'usi tspasique.

Bible in Tzotzil de Chamula

⁴ ¿C'u to sjalil ta xbat avu'un taquijem ti banomile, ti nucultajem ti c'usitic yaxbalan to ox ta osiltique? Yu'un ti chon bolometique, ti mutetique, ta xchamic ta scoj ti jelav xchopolalic ti jnaclejetic ta jteclume, ti yalojic mu xavil ti c'usi ta spasique.

Jeremías 12:4 Iomraidhean Croise

Salmos 107:34

Xu' yu'un tspaq'ues yaxal banamil ta scoj smulic li boch'otic te nacajtique.

Salmos 50:21

C'alal jech laj apase, te no'ox ch'an xichi; laj anop ti ja' jech co'nton ec jech chac c'u cha'al avo'ntone. Pero tana ta asat chacalbot ava'ay lec li amule; chacac'bot avil c'u yepal.

Isaías 24:4

Li banamile tsoc o, ch-alub o ya'yel; chtaquij o, chyal o ta lum sbejlijil li banamile. Li vinajel xchi'uc banamile chlaj stsatsalic o.

Isaías 24:6

Ja' yu'un li banamile ilaj o ta tsots vocol; iyavnaijic o li jnaclumetic yu'une; iyavnaijic o li cristianoetic ta banamile; jutuc xa no'ox cristianoetic icomic.

Jeremías 12:11

Solel jeche' xch'ijan icom o; xco'laj xchi'uc xocol banamil laj quil. Sjunul banamil soquem icom o; mu'yuc to boch'o abul sba chil ti c'u x'elan icome.

Jeremías 14:2

“Li Judae chat yo'nton, choc'ta sba; li lumetic yu'une oyic xa ta at-o'nton; li cristianoetique mochajtic xa ta lumtic chat yo'ntonic; li Jerusalene x'avet no'ox ta scoj svocol.

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Jeremías 4:25

Mu'yuc xa cristianoetic laj quil noxtoc, xchi'uc mu xa jcotuc mutetic xvinaj, ijatov batel scotol.

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Jeremías 5:13

Li j'alc'opetique ja' jechic jech chac c'u cha'al ic', yu'un mu'yuc chc'opoj Muc'ul Dios ta stojolic.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Jeremías 9:10

Ta xlic coc'ta jba ta sventa li vitsetique, ta xcat co'nton ta sventa li stenlejaltique, yu'un solel ta xyavnaijic o, me junuc mu'yuc xa boch'o te chjelov o. Mu'yuc xa chvinaj chbac' ts'unub-ovoliletic; c'alal ta mutetic, c'alal ta chonbolometic ta xi'ic, ta xjatovic o batel.

Jeremías 9:9

¿Me mu'yuc ta xcac'be stoj smulic ta sventa ti jech tspasique? ¿Me mu'yuc ta xcac'be stoj li jun banamil ti ja' jech tspase?”, xi li Muc'ul Diose.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Joel 1:18

Liquemic ta oq'uel li ts'unub ovolile; jeche' xjotet ta sa'el sve'elic li me' vacaxetique yu'un mu'yuc bu tstaic ts'i'laltic. Jech noxtoc li chijetique ta xa xchamic.

Amós 1:2

Jech laj yal: Li Muc'ul Diose tsots chlic avanuc tal ta Sión; tsots chc'opoj tal ta Jerusalén. Ta xlic taquijanuc li jobeltic ta sve'ub xchij jchabichijetique, xchi'uc ta xtaquij noxtoc li jol vits Carmeloe.

Habacuc 3:17

Ac'o me mu xnichin li higoe, ac'o me mu xa xac' sat li ts'usubtique, ac'o me mu xa xac' sat li olivatique, ac'o me mu xa xloc' jve'elcutic o ti c'alal ta jloc cosilcutique, ac'o me ch-ul ta scoralil li chijetique, ac'o me ch-ul ta scoralil li vacaxetique,

Zacarías 1:12

Li yaj'almantal Diose jech laj yal: “Muc'ul Dios, vo'ot ti chapas ta mantal scotol te ta vinajele, ¿baq'uin to chlecub avo'nton ta stojol? ¿Baq'uin to chlic ac'uxubin li Jerusalén xchi'uc li lumetic ta Judá ti oy xa lajuneb xchanvinic (70) jabil la'ilin tal ta stojole?, xut.

Romanos 8:22

Yu'un scotol li jujuchop c'usitic spasoj Diose ta jna'tic ti toj c'ux svocol cha'yic c'alal to tanae. Ja' jech x'ayetic ta svocolic o batel jech chac c'u cha'al jun ants ti x'ayet ta xc'uxul xch'ut c'alal yu'un xa ta xcuxe.