Jeremías 12:3 - Bible in Tzotzil de Chenalhó with Deuterocanon

³ Yan li vu'une lec xavotquinun, Muc'ul Dios. Aviloj, ana'oj lec c'u x'elan co'nton ta atojol. Li cristianoetic li'i ac'o ta milel jech chac c'u cha'al chijetic, ti chucbil xa sventa chich'ic milele. Ac'bo senyailic ti chapal xa chchamique.

Bible in Tzotzil de Chamula

³ Ja'uc ti vo'ot une, Dios, xavojtiquin buch'uun. Xana' xavil c'u s'elan ti jol co'nton ta atojole. Co'oluc s'elan chij, ic'o batel ta smilobil ti jnaclejetic li'e, ti ac'biluc xa senyail avu'un ta sta sc'ac'alil ti yorail smilele.

Jeremías 12:3 Iomraidhean Croise

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

1 Crónicas 29:17

Dios cu'un, jna'oj lec ti xavotquin c'usi oy ta co'ntoncutique, xchi'uc ti ja' lec chavil me lec c'usi ta jpascutique. Ja' yu'un ta sventa slequil co'nton laj cac'bot scotol li c'usi li' oye. Toj xcuxet no'ox co'nton, yu'un chquil ti ta sjunul yo'ntonic laj yich'ic tal amoton li jchi'iltac li' tsobolique.

Job 23:10

Li stuque ja' xotquin scotol ti c'u xi'elane; me chispasbun porovale, lec ta xiloc' jech chac c'u cha'al c'anal taq'uin.

Salmos 11:5

tsq'uel c'usi tspas li boch'o lequique xchi'uc li boch'o chopolique. Li boch'o ja' no'ox puru uts'intavanej oy ta yo'ntonique, chopol chil o.

Salmos 139:23

Q'uelun lec avil c'u xi'elan, Dios cu'un; otquino lec li c'usi oy ta co'ntone; q'uelbun avil c'u x'elan co'nton, otquino lec avil li c'usitic ta jnope.

Salmos 17:3

Laj xa ana' lec li c'usi oy ta co'ntone, yu'un li' chtal aq'uelun ta ac'ubal. Laj xa aq'uelbun c'u x'elan co'nton; mu'yuc c'usi chopol laj atabun. Mu'yuc caloj c'usi mu lecuc ta alel,

Salmos 26:1

Muc'ul Dios, chapanun me, yu'un tuc' c'usi jpasoj ta atojol. Jun co'nton jch'unoj o ti vo'ot chacoltaune.

Salmos 7:9

Dios, vo'ot ti tuc' avo'ntone, aviloj scotol c'usitic ta jnopcutic; xana' c'usi oy ta yut co'ntoncutic. Lajesbo sc'oplal c'usi chopol tsnop li boch'otic chopolique. Pasbo o ta jun yo'ntonic ta atojol li boch'otic lequique.

Jeremías 15:15

¡Muc'ul Dios, li vo'ote ana'oj scotol, na'un to me, la' me coltaun. La' pacbun sutel li cajcontrataque! Mu me teuc no'ox xats'icbe li c'usi tspasique, yu'un xu' chismilicun ti me te no'ox ch'an xachie. Xana' ti ja' ta scoj jc'anojot ti chquich' ilbajinele.

Jeremías 17:16

Mu'yuc jech jc'anojbot me xu' chavac'be stoj smulic; mu'yuc la jc'an ti ac'o sta tsots svocolique. Xana' lec ti mu'yuc jech co'ntone; li c'usi loq'uem ta quee, te oy ta atojol.

Jeremías 17:18

Ja' q'uexlaltaso li boch'otic chiscontrainune; mu me vu'cun xaq'uexlaltasun. Mu me vu'cun xixi', ja' ac'o xi'icuc. Ja' xavac'be tsots svocolic; ac'o lajicuc o ta muc'ta vocolajel.

Jeremías 20:12

Vo'ot li Muc'ul Diosot ti chapas ta mantal scotol te ta vinajele, xavotquinbe c'u x'elan yo'nton li boch'otic tuc' yo'ntonique, xchi'uc ana'oj c'usi oy ta yut yo'nton li cristianoetique; ac'bun quil c'u x'elan chapacbe li cajcontrae, yu'un vo'ot no'ox cac'oj aventain li jvocole.

Jeremías 48:15

Ta xjin xa li Moabe xchi'uc li lumetic yu'une; li querem soldadoetic yu'un ti lequique ta xa xlajic. Ja' jech chcal vu'un li muc'ta Ajvalilune, vu'un li Muc'ul Dios jbie, ti ta jpas ta mantal scotol te ta vinajele.

Jeremías 50:27

¡Milic scotol li soldadoetic yu'unique, aq'uic batel ta yav milubbailtic scotol! Ay, toj abul sbaic, yu'un ic'ot xa sc'ac'alil ti tstoj smulique”, xi li Muc'ul Diose.

Jeremías 51:4

Toj ep boch'otic ta xcham ta yosilal li caldeaetique; te lamal chcomic ta xoraltic.

San Juan 21:17

Li Jesuse jech la sjac'be yoxibal velta: —Simón, xnich'onot Jonás, ¿me lec chac'anun? —xut. Li Pedroe lic yat yo'nton, yu'un yoxibal xa velta ijac'bat ti “¿Me lec chac'anun?” x'utate. Itac'ov: —Cajval, li vo'ote scotol xana'. Xana' ti lec jc'anojote —xut. Li Jesuse jech laj yalbe: —Mac'linbun me lec li muc'tic chijetic cu'une.

Santiago 5:5

Ti c'alal cuxuloxuc li' ta banamile, ja' no'ox laj avac' abaic ta sc'upinel li c'usitic tsc'an avo'ntonique; toj jun no'ox avo'ntonic chava'yic. Ja' no'ox laj ajubes abaic jech chac c'u cha'al vacax ti ja' no'ox tsmala sta yorail chich' milele.

2 Pedro 2:12

Yan li jlo'lavanejetic le'e ja' xchi'ilic chonbolom; mu'yuc xch'ulelic, c'usiuc no'ox spasic. Ja' no'ox ivoq'uic sventa ta xmilatic, xchi'uc sventa ac'o c'a'icuc. Chchopolc'optaic li c'usi mu xotquinique, pero ja' jech ta xchamic jech chac c'u cha'al chonbolometic.