Jeremías 12:2 - Bible in Tzotzil de Chenalhó with Deuterocanon

² Vo'ot laj ats'un, jech iyal lec yisimic, ich'iic, xchi'uc isatinic. Li vo'ote nopol oyot ta yeic, pero li stuquique nom oyot ta yo'ntonic.

Bible in Tzotzil de Chamula

² Ats'unojan, ta x'ibelinic batel avu'un; ta xch'iic, ta x'esomajic ech'el avu'un. Oy no'ox ta ye ta sti' ta slequil-c'optaelot, ja'uc ti yo'ntonique, nom oy ta atojol

Jeremías 12:2 Iomraidhean Croise

Job 24:12

Te x'ajetic ta yut lum li boch'otic chchamic xae; te x'avetic ta sc'anel vocol li boch'otic yayijemique, pero mu x'aybat sc'opic yu'un li Diose.

Job 5:3

Li vu'une laj quil ti oy jun chopol vinic lec ibat yu'un scotole, pero ta ora no'ox ital j'ilc'op ta sna.

Salmos 37:35

Laj to'ox quil ti solel stoyoj sba li boch'o chopol yo'ntonique; mu'yuc c'usi xtal ta yo'ntonic jech chac c'u cha'al jtec' te' ti lec yoxe.

Isaías 29:13

Li Muc'ul Diose jech laj yalbun: “Li cristianoetic li'i, chtunic cu'un ta sc'opic no'ox; chiyich'icun ta muc' ta yeic no'ox, pero li yo'ntonique nom oy ta jtojol. Smantal no'ox cristiano chch'unic ti c'u x'elan chiyich'icun ta muc' yilele; nopbil no'ox yu'un cristiano li c'usi tspasique.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 3:10

C'alal jech la spas li jbajmantal Judae, muc xa ta scotoluc sjol yo'nton isut tal ta jtojol. La scuy sba no'ox, spasel no'ox yu'un. Vu'un jtuc Muc'ul Diosun ti jech chcale”, xiyutun.

Jeremías 45:4

Ja' yu'un chacalbot c'usi laj yalbun li Muc'ul Diose, jech laj yal: ‘A'yo ava'ay ta jines scotol li c'usi vu'un la jva'ane, ta jbul loq'uel li c'usi jts'unoje, ja' jech ta jpas ta scotol li banamil li'i.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Oseas 7:14

Ac'o me x'avetic ta sc'anel vocol ta jtojol ta svayabic, pero muc ta scotoluc yo'nton chisc'opanicun. C'alal chisc'anbicun trigo xchi'uc ya'lel ts'usube, ta sbojilan sbec'talic, jech ta stoy sbaic ta jtojol.

Habacuc 1:13

Li asate me jutuc mu sc'an xil li c'usi chopole, me jutuc mu sc'an sq'uel li j'uts'intavanejetique. ¿C'u yu'un te no'ox aq'ueloj avil li jsa'muliletique, xchi'uc te no'ox ch'anxachi ta stojol li boch'o chopolique, ti mu'yuc c'usi chaval c'alal tsmilic li boch'o mu'yuc chopol jech chac c'u cha'al chopol stuquique?

San Mateo 15:8

‘Li cristianoetic li'i, chiyich'icun ta muc' ta yeic no'ox; pero li yo'ntonique nom oy ta jtojol.

Marcos 7:6

Itac'ov li Jesuse: —Jlo'lavanejoxuc. Ja' ac'oplalic ti jech ts'ibabil yu'un j'alc'op Isaiase: ‘Li cristianoetic li'i chiyich'icun ta muc' ta yeic no'ox, pero li yo'ntonique bats'i nom oy ta jtojol.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.