Jeremías 12:10 - Bible in Tzotzil de Chenalhó with Deuterocanon

¹⁰ Epal banquilal jcontrainvanejetic laj yulesic scotol li ts'usubaltic cu'une; solel la xpech'ilanic comel ta teq'uel li cosile. Xco'laj xchi'uc xocol banamil icom yu'unic li jc'upil osile.

Bible in Tzotzil de Chamula

¹⁰ Yepal no'ox jcontrainvanej banquilaletic ta soques ti jts'unubal uvae, ta xpech'ilanel ta teq'uel ti cosile. C'ot xa ta sbajtical banomil yu'un, ti banomil ti juteb ta co'nton ta j'ech'ele.

Jeremías 12:10 Iomraidhean Croise

Isaías 3:14

Li Muc'ul Diose chtal xa xchapan li moletique, xchi'uc li banquilaletic te ta lum yu'une, jech chalbe: “Vo'oxuc laj asoquesic scotol li ts'usubtic cu'une; te xa oy ta anaic li c'usi laj avelc'anbeic me'onetique.

Isaías 43:28

Ja' yu'un laj cac' ta q'uexlal li banquilaletic avu'unic ta ch'ulnae; la jloq'ues ta jtojol li Jacobe; laj cac' ta ixtolc'optael li Israele.

Isaías 63:18

Yu'un mu'yuc jal laj yu'unin yosilalic li ach'ulnich'nabe; li j'uts'intavanejetique laj xa xpech'ilanic ta teq'uel li ch'ulna avu'une.

Jeremías 23:1

“¡Ay, toj abul sbaic li jchabichijetic ti laj yulesic, ti la spuc sbaic batel yu'unic li jchijtac te ta sve'ubique!”, xi li Muc'ul Diose.

Jeremías 25:37

Li stenlejaltic bu oy c'unil jobeltique ta x'ul ta sc'ac'al yo'nton li Muc'ul Diose.

Jeremías 25:38

Yu'un ja' jech chloc' tal jech chac c'u cha'al jcot león ti chloc' tal ta xch'ene, jech ta syavnaijes scotol li yosilalique, yu'un liquem sc'ac'al yo'nton li Muc'ul Diose; bats'i toj tsots i'ilin li j'ulesvaneje.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 3:19

“Jech chcal jtuc vu'un li Muc'ul Diosune: Israel, vu'une scotol co'nton la jnich'oninot, jech laj cac'bot avich' li lequil banamil ti ja' no'ox stuc toj lec ta scotol yantic banamile. La jnop ti ‘Tati’ xavutun oe, ti mu'yuc chavoc' aba ta jtojole.

Jeremías 39:3

Scotol li banquilaletic yu'un ajvalil ta Babiloniae i'ochic batel; te la snacan lec sbaic ta muc'ta ti'coralton. Ja'ic li Nergal-sarezer, Samgar-nebo, Sarsequim, ja' li mero banquilaletic yu'un ajvalile, xchi'uc yan Nergal-sarezer ja' banquilal noxtoc.

Jeremías 6:3

Ta xtal yich'ic contrainel yu'un jchabichijetic xchi'uc xchijic. Te ta spas scarpanaic ta spat xocon; ta jujun tal ti bu oyique te no'ox ta stsac batel sve'elic.

Jeremías 9:10

Ta xlic coc'ta jba ta sventa li vitsetique, ta xcat co'nton ta sventa li stenlejaltique, yu'un solel ta xyavnaijic o, me junuc mu'yuc xa boch'o te chjelov o. Mu'yuc xa chvinaj chbac' ts'unub-ovoliletic; c'alal ta mutetic, c'alal ta chonbolometic ta xi'ic, ta xjatovic o batel.

Ezequiel 34:2

“Xnich'on cristiano, albo ta jamal smul li jchabichijetic ta Israele, jech xavalbe: ‘Jech chal li Muc'ul Diose, ja' li Cajvaltique, ¡Ay, toj abul abaic vo'oxuc li jchabichijoxuc yu'un Israel ti ja' no'ox chachabi aba atuquique! Li jchabichijetique ¿me mu ja'uc sc'oplal chchabi, tsa'be lec sve'el li chijetique?

Ezequiel 34:5

Jech ich'ayic batel ta be ta scoj ti mu'yuc xchabielique; la spuc sbaic batel ta buyuc no'ox, jech te ilajic ta ti'el ta chonbolometic ta te'tic.

Daniel 8:13

“Ts'acal laj ca'ay chc'opoj j'almantal, pero oy yan j'almantal jech la sjac'be li yan chc'opoje: ‘¿Baq'uin to chlaj sc'oplal li c'usi chopol chich' pasel te ta scajleb li milbil matanal chich' aq'uel scotol c'ac'ale, xchi'uc li c'usi toj chopol chich' pasel te ta xch'ulna Dios ta sventa ti ochem o ta c'abale, xchi'uc li pech'el ta teq'uel ta stojol yu'untaque?’, xi.

Zacarías 7:14

Jech la jpuquic batel ta sutub ic' ta yantic banamil ti bu mu ono'ox xotquinique. Jech iyavnaij o ti bu to'ox nacalique; mu'yuc boch'o xu' te chnaqui o. Jech ic'ataj o ta xocol banamil ta scojic li lequil banamile”, xi li Diose.

San Lucas 21:14

Te me oyuc ta avo'ntonic ti tsc'an mu xanopilanic ba'yuc li c'usi chc'ot avalique.

Apocalipsis 11:2

Yan li yamaq'uil ta spate mu me xatsac ta bisel, yu'un cac'ojbe xa ta sc'ob yanlum cristianoetic. O'lol xchanibal jabil chtal xpech'ilanic ta teq'uel li ch'ul lume.