Jeremías 12:1 - Bible in Tzotzil de Chenalhó with Deuterocanon

¹ Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Bible in Tzotzil de Chamula

¹ Dios, mi xivulvun no'ox liquel ta stac'belote, oy ono'ox stuq'uil ti c'u s'elan ta xavale. Manchuc mi jech un, oy jaybeluc ta jac'bot ca'i un. ¿C'u cha'al ya'yel lec no'ox oyic ti buch'u mu'yuc xch'ulel xa'i sbaique? ¿C'u cha'al jun yo'nton cuxulic ti jpayc'opetique?

Jeremías 12:1 Iomraidhean Croise

Génesis 18:25

Mu van xapas jech ti co'ol chavules li boch'o lequique xchi'uc li boch'o oy smulique, yu'un me jech chapase xco'laj xchi'uc co'ol oy smulic chc'ot. Mu me xapas jech, vo'ot ti muc'ul jchapanvanejot ta sbejel banamile. ¿Me mu ja'uc lec ti tuc' chachapane? —xi.

Esdras 9:15

“Muc'ul Dios yu'un Israel, toj tuc' avo'nton ta jtojolcutic. Vo'ot jech laj ac'an ti vi to quepal cuxuluncutic ta orae. Ta melel li vu'uncutique oy jmulcutic ta atojol, ja' yu'un mu smeloluc ti li' oyuncutic ta atojole”, xi la sc'opan Dios li Esdrase.

Nehemías 9:33

Pero li vo'ote tuc' c'usi chapas, mu chopoluc li c'usitic laj avac' taluc ta jtojolcutique. Yan li vu'uncutique toj chopol c'usitic la jpascutic.

Job 12:6

Li j'eleq'uetique mu'yuc c'usi xtal ta yo'ntonic te ta snaic; li boch'o mu sc'anic Diose jun yo'ntonic, tsnopic ti ja' oy ta sc'obic li Diose.

Job 13:3

Li vu'une ja' ta jc'an chic'opoj jchi'uc li Boch'o ech'em svu'ele; ja' ta jc'an ta jtsac ta lo'il li Diose.

Job 24:12

Te x'ajetic ta yut lum li boch'otic chchamic xae; te x'avetic ta sc'anel vocol li boch'otic yayijemique, pero mu x'aybat sc'opic yu'un li Diose.

Job 24:23

Yu'un ac'bil no'ox ti lec oy, ti xpatet no'ox yo'ntone, pero q'uelbil ono'ox li c'usitic tspase.

Job 8:17

ti tsjalan lec batel yibel ta baba tone, ti chpix lec ta yisim li tontique.

Salmos 116:5

Li Muc'ul Diose tuc' yo'nton, lec sc'anojutic; ta melel ja' jc'uxubinvanej li Dios cu'untique.

Salmos 119:137

Muc'ul Dios, toj tuc' avo'nton li vo'ote; lec tuc' noxtoc li tojobtaseletic avu'une.

Salmos 119:75

Yu'un xcotquin lec ti tuc' scotol li tojobtasel avu'une, xchi'uc ti oy lec razón avu'un ti laj avac'bun jvocole.

Salmos 145:17

Li Muc'ul Diose stalel tuc' scotol c'usi tspas, stalel c'ux ta yo'nton scotol li yabtele.

Salmos 37:1

Mu me xlaj smuc'ul avo'nton yu'un li boch'otic chopolique; mu me xti'etuc avo'nton yu'un li boch'otic chopol c'usitic tspasique.

Salmos 37:35

Laj to'ox quil ti solel stoyoj sba li boch'o chopol yo'ntonique; mu'yuc c'usi xtal ta yo'ntonic jech chac c'u cha'al jtec' te' ti lec yoxe.

Salmos 51:4

Laj xa jta jmul ta atojol, tsots jmul la jta ta atojol; toj chopol li c'usi la jpas ta atojole. C'alal chachapanune, jech chvinaj ti tuc' chac'opoje, xchi'uc ti tuc' chachapanvane.

Salmos 51:6

Ta melel li vo'ote ja' chac'an li boch'o melel xc'opoje; laj avac'bun jna' ta co'nton c'usi ta jpas.

Salmos 92:7

Li boch'otic chopolique ta xch'iic jech chac c'u cha'al ts'i'lal; toj lec chnichin scotol li xchopol abtelique, pero ja' no'ox sventa chich' ch'ayel o sbatel osil.

Proverbios 1:32

Yu'un li stoyobbail boch'otic mu'yuc bijique te chmilatic o yu'un; li c'usi lec tsta scuyojic li boch'o bolique te chlaj o xchi'uquic.

Eclesiastés 8:14

Oy c'usi yan quiloj noxtoc li' ta banamil ti jeche' no'oxe, yu'un li boch'otic tuc' yo'ntonique oy ja' xco'laj xchi'uc chopol yabtelic chc'ot yilel; yan li boch'otic chopol yo'ntonique oy ja' xco'laj xchi'uc toj lec yabtelic chc'otic yilel. Ta jnop vu'une mu'yuc stu ti jech chc'ot ta pasele.

Isaías 41:21

Li Muc'ul Diose, ja' li ajvalil yu'un Jacobe, jech chalbe li c'usitic cuybilic ta diose: “Loc'ometic, la' me colta abaic; la' me c'opojanic sventa chapoj abaic.

Isaías 48:8

Li c'usi chacalboxuque mu'yuc ava'yojbeic o sc'oplal; mu xana'ic o, yu'un jna'oj ono'ox ti mu xac'an xava'yique. Jna'oj ono'ox ti mu xach'unique, ja' yu'un jbajmantal ono'ox abiic cu'un ti c'alal lic voc'anique.

Jeremías 11:20

Pero li vo'ote Muc'ul Dios, vo'ot ti chapas ta mantal scotol te ta vinajele, vo'ot li tuq'uil jchapanvanejote, vo'ot ti xavotquinbe c'alal to ta yut yo'nton li cristianoetique, ac'bun quil c'u x'elan chapacbe sutel li cristianoetic le'e, yu'un vo'ot no'ox cac'ojbot ta ac'ob scotol li jvocole.

Jeremías 12:6

Yu'un c'alal ta avuts' avalaltac xchi'uc achi'iltac ta voq'uel chascontrainicot; solel viquil ch'avalic no'ox, chayaptaicot tal ta apat. Me lec chasc'opanoxuc chavile, mu me xapat avo'nton yu'un”, x'utat li Jeremiase.

Jeremías 3:20

Pero ja' jech laj apas jech chac c'u cha'al jun ants ti mu junuc yo'nton ta stojol smalale. Ja' no'ox jech muc xapas ta jun avo'ntonic ta jtojol ec, xichi chcal vu'un li Muc'ul Diosune”.

Jeremías 3:7

Jech la jnop: ‘C'alal me laj yo'nton ta spasel scotol jech le'e, ta sut tal ta jtojol jna'’, xichi. Pero muc sut o tal. Li yixlale, ja' li jbajmantal Judae,

Jeremías 32:16

“C'alal laj xa'ox cac'be svunaltac osil li Baruc xnich'on Neriase, te lic jc'opan Dios:

Jeremías 5:11

Yu'un ta scotol yo'ntonic la sva'lupatinicun o li smomnich'nab Israel xchi'uc smomnich'nab Judae, xichi vu'un li Muc'ul Diosune”, xi.

Jeremías 9:2

¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Lamentaciones 1:18

Li Muc'ul Diose tuc' c'usi tspas. Yan li vu'une la jtoy jba ta sventa li mantaletic yu'une. Lumetic, a'yo ava'yic ta acotolic, q'uelavilic c'u x'elan li jvocole. Li querem tsebetic cu'une chucbil ibatic ta yan banamil.

Ezequiel 18:25

Pero me jech chavalic li vo'oxuque: ‘Muc tuq'uil beuc yich'oj li Cajvaltique’, me xachiique, a'yo lec ava'yic israeletic. ¿Me vu'un mu'yuc tuc' li be jtamoje? ¿Me muc vo'ocoxuc ti bats'i xotxot li be atamojique?

Daniel 9:14

Jech muc xach'ay ta avo'nton; laj ono'ox atac tal ta jtojolcutic li stojol mulile, yu'un toj tuc' scotol li c'usitic chapase, Muc'ul Dios cu'un. Yu'un vu'uncutic muc jch'uncutic li c'usi laj avalbuncutique.

Daniel 9:7

Cajval, li vo'ote toj tuc' c'usi chapas; yan li vu'uncutique ja' no'ox chcac' jbacutic ta q'uexlal. Ja' jech cha'yic scotol li judaetic li' ta orae, xchi'uc li boch'otic te nacalic ta Jerusalene xchi'uc ta scotol li israeletic ti nacalic batel ta nom ta noch' ta yantic lum ti bu laj apuc batel ta scoj ti la stoy sbaic ta atojole.

Oseas 6:7

“Li cu'untaque ja' co'olic jech chac c'u cha'al li Adane; la soquesic li c'usi jchapanoje jech la sta smulic ta jtojol.

Habacuc 1:4

Mu'yuc xa ta ch'unel li mantaletique; mu xa ja'uc chich' pasel li c'usi tuc' ti sc'oplal chich' pasele. Li boch'o chopole ja' tscontrain li boch'o tuc' yo'ntone, ja' chich' soquesel o li c'usi tuq'ue.

Sofonías 3:5

Pero li Muc'ul Diose tuc' c'usi tspas te ta lum, mu ja'uc tspas li c'usi muc tuc'uque. Ta jujun sob chac' ta ilel ti tuc' c'usi tspase; mu'yuc bu chquechan o spasel junuc velta. Pero li chopol cristianoe mu xotquin q'uexlal ta scoj li smule.

Malaquías 2:17

Li Muc'ul Diose laj xa avaq'uic lubtsajuc ta sventa li ac'opique. Li vo'oxuque jech chavalic: “¿C'usi laj calcutic ti ilub xa cu'uncutique?”, xachiic. Ja' ta sventa ti jech chavalique: “Li boch'o tspasic c'usitic chopole, lec ch-ilatic yu'un li Muc'ul Diose, xcuxet yo'nton ta stojolic”, xachiic. Xchi'uc jech chavalic: “Mu'yuc tuc' yo'nton li Diose”, xachiic.

Malaquías 3:15

Yu'un quilojtic lec, xchi'uc chloc' ta quetic ti ja' toj xcuxet yo'nton li boch'otic tstoy sbaique, xchi'uc ti ja' toj lec chbat yu'unic scotol li boch'o tspasic c'usitic chopole, xchi'uc ti jun yo'nton colem chcomic li boch'otic tspasbeic preva yo'nton Diose’, xachiic”, xi li Muc'ul Diose.

Deuteronomio 32:4

Ja' Jchabivanej cu'untic; li stuque lec yabtel. Tuc' c'usi tspas; lec scotol li yabtele. Ja' Dios ti mu sna' x'epalc'opoje. Mu'yuc c'usi chopol oy ta yo'nton. Tuc' yo'nton, melelic scotol c'usi chal.