Jeremías 11:8 - Bible in Tzotzil de Chenalhó with Deuterocanon

⁸ Pero muc xch'unic, muc xich'ic ta muc'; solel ta jujuntal ja' bat spasic li c'usi chopol la snop ta yo'nton stuquique. Muc ja'uc la xch'unic c'usi chal li mantal laj calbeique. Ja' yu'un laj cac' taluc ta stojolic li vocol jech chac c'u cha'al chal li c'usi chapanbil cu'un ti muc xch'unique’, uto”, xiyutun li Muc'ul Diose.

Bible in Tzotzil de Chamula

⁸ Mu'yuc laj yac'beicun ta venta. Mi ja'uc laj xch'unbeicun. C'ajomal no'ox pucujib yo'ntonic, ti sujoj sbaic ta spasel ti c'usi chopole. Mi ja'uc loc' ayan ta yo'ntonic ta spasel ti bu c'alal caloje. Jech o xal laj cac' taluc ti lamal c'ot ta sbaic ti tsitsel ti albil ta jtratee.’ ”

Jeremías 11:8 Iomraidhean Croise

Nehemías 9:26

“Pero la sa'boxuc sc'ac'al avo'nton, la stoy sbaic ta atojol; la sva'lupatinic comel li amantaltaque. La smilic li avaj'alc'optac ti jamal i'albatic smulique, xchi'uc ti i'albatic ti ac'o suticuc tal ta atojole. Toj ven chopol li c'usi la spasique.

Nehemías 9:29

Laj ataq'ui, yu'un ac'o xch'unic yan velta li amantaltaque, pero muc xich'ic ta muc'. Ja' no'ox la stoy sbaic ta atojol. Jech te la sta smulic ta sventa li mantaletic avu'un ti sc'oplal tsta o xcuxlejal li boch'o chch'une. La spas ta tsots yo'ntonic; la stoy sbaic ta atojol, jech muc xich'ic o ta muc' li taq'uiel avu'une.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 3:17

C'alal me la sta sc'ac'alil le'e, li Jerusalene ‘Smuc'ta Chotleb Muc'ul Dios’, xi sbi chc'ot. Scotol banamiletic te ta stsob sbaic tal sventa chiyich'icun ta muc', jech mu xa ja'uc chac'beic yipal spasel li c'usi toj chopol oy ta yo'ntonique.

Jeremías 31:32

Mu xa co'oluc jech chac c'u cha'al la jchapan jchi'uc li smoltot syame'ic ta vo'one c'alal la jloq'uesic tal ta Egipto banamile. Yu'un li stuquique muc xich'ic ta muc' li c'usi la jchapan jchi'uque, ac'o me vu'un yajvalicun”, xi li Muc'ul Diose.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Jeremías 34:14

‘Ta vucvuc jabil xacoltaic ta mozoil li achi'ilic ti laj aviq'uic ta mozoile. Vaquib jabil ac'o abtejuc avu'unic, ts'acal xacoltaic batel’, xcutic. Pero li amoltotaquique muc xch'unic, muc xich'ic ta muc'.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 35:17

Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Ta xcac' taluc ta atojolic te ta Judá xchi'uc ta stojol jnaclumetic ta Jerusalén scotol li vocol ti caloj ono'ox chacac'boxuque. Yu'un la jc'opanoxuc pero muc xatac'ovic; laj quic'oxuc pero muc xavich'ic ta muc', xi li Diose’, uto”, xiyutun.

Jeremías 38:20

Itac'ov li Jeremiase: —Ajvalil, mu'yuc cha'och ta sc'obic. Ja' ch'uno c'usi chal li Muc'ul Dios li' chacalbote; jun avo'nton chacom, mu'yuc chacham.

Jeremías 44:16

—Mu jch'uncutic c'usi chavalbuncutic ta sventa li Muc'ul Diose.

Jeremías 44:17

Ja' no'ox ta jpascutic o li c'usi calojcutic xa ta jpascutique. Ja' ta jchic'cutic o pom ta stojol, xchi'uc ta xcac'becutic o matanaletic ta stojol li Me'ajvalil sventa Vinajel jech chac c'u cha'al ta jpascutic li' ta orae, xchi'uc jech chac c'u cha'al la spasic ono'ox tal li jmoltot jyame'tique, xchi'uc li ajvaliletic, li banquilaletic cu'untic ta lumetic ta Judá xchi'uc ta xoraltic ta Jerusalene. Oy to'ox lec jve'elcutic, xcuxet no'ox co'ntoncutic; me jutuc mu'yuc xquilcutic vocol.

Jeremías 44:5

Pero muc xach'unic, muc xavich'ic ta muc'; muc xacomtsanic li c'usi toj chopol chapasique ti chachic'beic pom ta stojol li yantic diosetique.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Jeremías 7:24

Pero muc xch'unbicun, muc xich'bicun ta muc'; ja' ono'ox la spasic batel li c'usi tsc'an yo'ntonique. Ta scoj no'ox toj tsots yo'ntonic ep sbolil yo'ntonic ti jech lic sva'lupatinicun comele.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Ezequiel 20:8

‘Pero li stuquique la stoy sbaic ta jtojol. Muc sc'an xch'unic li c'usi laj calbeique; muc sjipic loq'uel li c'usitic toj chopol batem ta yo'ntonique; muc scomtsanic yich'el ta muc' li sloc'obaltac diosetic yu'un egiptoetique. Jech la jnop ti ta jloq'ues sc'ac'al co'nton ta stojolique, ti ta xcac'be stojic te ta yosilal Egiptoe, ja' to ti c'alal mu'yuc xa chcom o li sc'ac'al co'ntone.

Zacarías 1:4

Mu me ja'uc xachanic jech chac c'u cha'al la spasic li amoltot ayame'ique, ja' li boch'otic jech i'albatic yu'un li ba'yuc j'alc'opetique: Jech chal li Muc'ul Dios ti tspas ta mantal scotol te ta vinajele: Comtsanic li chopol be atamojique xchi'uc ti chopol c'usi chapasique, x'utatic. Pero muc xch'unic, muc xich'icun ta muc' vu'un li Muc'ul Diosune.

Zacarías 7:11

Pero muc sc'an xch'unic; la sva'lupatinic comel, la spas sbaic ta coc.