Jeremías 11:7 - Bible in Tzotzil de Chenalhó with Deuterocanon

⁷ Ja' ti laj ono'ox calbe tal lec ya'yic li amoltot ayame'ic ta vo'one c'alal la jloq'uesic tal ta Egiptoe. Lec laj calbe tal ya'yic ti ac'o xch'unique; mu'yuc jquechanoj o yalel c'alal to tana, jech laj calbeic: Ja' me xach'unic li c'usi chacalboxuque xcutic ono'ox.

Bible in Tzotzil de Chamula

⁷ C'alal laj jloq'uesic talel ta Egipto banomil ti amolmuc'totic ta vo'nee, laj ono'ox jcaj'albeic ya'iic ti ac'o xiyaq'uicun ta ventae, ti jech o ta jcaj'alilan talel tana li'e.

Jeremías 11:7 Iomraidhean Croise

2 Reyes 17:13

Li Muc'ul Diose laj to staq'ui ta sventa j'alc'opetic xchi'uc ta sventa bijil viniquetic li Israel xchi'uc Judae, jech laj yal: “Sutanic tal; comtsanic li be atamojique. Ja' ch'unic li mantaletic xchi'uc li chanubtaseletic cu'un jech chac c'u cha'al calojbeic ono'ox amoltotaquic ta vo'one ta sventa cajtuneltaque, ja' li j'alc'opetique”, xut.

2 Crónicas 36:15

Pero li Muc'ul Dios yu'un smoltot syame'ic ta vo'onee mu xnatilaj tstac tal yaj'alc'optac yu'un ac'o to sutes yo'ntonic, yu'un toj c'ux ta yo'nton li jteclum yu'une xchi'uc li yavil st'ujoj bu ch-ich'at ta muq'ue.

Éxodo 15:26

Jech i'albatic: “Me chavich'ic lec ta muc' c'usi chacalboxuc vu'un li Muc'ul Diosun avu'unique, me chapasic li c'usi ta jc'ane, me chach'unic, me chavich'ic ta muc' li mantaletic cu'une, mu'yuc ta xcac' taluc jchopuc avocolic jech chac c'u cha'al laj cac' ta stojol li egiptoetique. Yu'un vu'un Muc'ul Diosun; vu'un chajcoltaoxuc ta achamelic”, x'utatic yu'un li Diose.

Jeremías 11:4

Ja' li c'usi jchapanoj ono'ox ta sventaic li amoltotic c'alal la jloq'uesic tal ta Egipto banamile, ja' li lum ti xco'laj xchi'uc horno sventa yunijesbil taq'uine. Jech laj calbeic: A'ibicun li jc'ope, ch'unic li c'usi chacalboxuque; pasic me scotol, jech jteclumaloxuc chac'otic o, jech vu'un Diosun chic'ot o avu'unic ec.

Jeremías 25:3

“Ta yoxlajunebal (13) jabil to'ox yochel ta ajvalilal ta Judá li Josías xnich'on Amone, ja'o no'ox te lic sc'opanun tal li Muc'ul Diose; ja' yoxibal xa xcha'vinic (23) jabil ti chisc'opanun tale. Laj calilanboxuc tal ava'yic li c'usi chale, pero mu xac'an xach'unic.

Jeremías 25:4

Li Muc'ul Diose la staquilanboxuc tal yajtuneltac, ja' li j'alc'opetic yu'une. Mu'yuc ono'ox la xquechan staquilanel tal, pero li vo'oxuque muc xach'unic, me jutuc muc xavich'ic ta muc' li c'usi laj yalique.

Jeremías 31:32

Mu xa co'oluc jech chac c'u cha'al la jchapan jchi'uc li smoltot syame'ic ta vo'one c'alal la jloq'uesic tal ta Egipto banamile. Yu'un li stuquique muc xich'ic ta muc' li c'usi la jchapan jchi'uque, ac'o me vu'un yajvalicun”, xi li Muc'ul Diose.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Jeremías 34:14

‘Ta vucvuc jabil xacoltaic ta mozoil li achi'ilic ti laj aviq'uic ta mozoile. Vaquib jabil ac'o abtejuc avu'unic, ts'acal xacoltaic batel’, xcutic. Pero li amoltotaquique muc xch'unic, muc xich'ic ta muc'.

Jeremías 35:14

Li Jonadab xnich'on Recabe laj yich' lec ch'unbel li smantale; li smomnich'nabtaque la xch'unic ti i'albatic mu me xuch'ic pasem ya'lel ts'usube. Jech mu'yuc chuch'ic o c'alal to tana, yu'un laj yich'beic ta muc' li smantal smoltotique. Jech ec li vu'une te ono'ox chajc'opanoxuc o scotol c'ac'al, pero mu xac'an xach'unic.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Oseas 4:1

Israeletic, a'yo ava'yic c'usi chal li Muc'ul Diose. Chalbe ta jamal smul li jnaclumetic li' ta avosilalique, yu'un mu'yuc xa c'usi melel, mu'yuc xa c'uxubinel; mu'yuc xa boch'o xotquin Dios li' ta avosilalic.

Oseas 5:1

“Paleetic, a'yo ava'yic; israeletic, ts'e'ano lec achiquinic; smomnich'nab ajvaliletic, tuc'ulano lec ava'yic. Yu'un ja' ta aventaic li stojol mulile, yu'un li vo'oxuque xco'laj xchi'uc jyacvanej lac'otic te ta Mizpa; vo'oxuc laj alich'anbeic yoc' ch'ojon te ta vits Tabor.

Zacarías 1:4

Mu me ja'uc xachanic jech chac c'u cha'al la spasic li amoltot ayame'ique, ja' li boch'otic jech i'albatic yu'un li ba'yuc j'alc'opetique: Jech chal li Muc'ul Dios ti tspas ta mantal scotol te ta vinajele: Comtsanic li chopol be atamojique xchi'uc ti chopol c'usi chapasique, x'utatic. Pero muc xch'unic, muc xich'icun ta muc' vu'un li Muc'ul Diosune.

Efesios 4:17

Ja' yu'un chacalboxuc ava'yic, ta jc'anboxuc tsots vocol ta sventa li Cajvaltique, mu xa me jechuc xapasic jech chac c'u cha'al li yantic achi'iltaquic ti mu xotquinic Diose, ti mu'yuc stu c'usitic tsnopique.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 30:20

Ja' me c'anic li Muc'ul Dios avu'unique. Ch'unbeic li c'usi chayalboxuque, xchi'uc junuc avo'ntonic o ta stojol yu'un ja' te oy li acuxlejalique, xchi'uc ja' ta sventa xu' chacuxiic ep jabil te ta banamil ti yalojbe ono'ox ta jamal amoltotaquic ta vo'onee, ja' li Abrahame, li Isaaque xchi'uc li Jacobe”, xut xchi'iltac li Moisese.

Deuteronomio 4:6

C'otuc me ta pasel avu'unic, xchi'uc chanic me spasel scotol. Yu'un jech tsna'ic yantic lumetic ti oy lec abijilique xchi'uc ti xana'beic lec smelol c'usi lec ta pasele. C'alal cha'yic scotol li mantaletic avu'unique, jech chlic yalic: ‘Lec bijic xchi'uc lec sna'beic smelol li jun muc'ta lum le'e’, xi ac'oplalic.

Deuteronomio 5:29

Toj lec ti jechuc yo'ntonic o scotol c'ac'ale, xchi'uc ti jechuc chiyich'icun o ta muq'ue, xchi'uc ti spasicuc o scotol ora c'usi chal li mantaletic cu'une. Yu'un jech xcuxet no'ox yo'nton chcuxiic xchi'uc yalab xnich'nabic ti jechuque.

Deuteronomio 6:2

Jech chavich'ic o ta muc' li Muc'ul Dios cu'untique, xchi'uc jech chavich'ic o ta muc' li mantaletic ti laj calboxuc ac'o apasic achi'uc anich'nabic, xchi'uc amomnich'nabic ti jayib c'ac'al cuxuloxuque. Jech xu' chacuxiic ep jabil.

Deuteronomio 8:6

Ja' yu'un tsc'an chach'unbeic scotol li smantaltaque. Ich'ic me ta muc'. Pasic me scotol ti c'u x'elan la xchanubtasoxuc stuque.

2 Tesalonicenses 3:12

Li boch'o jech tspasique ta xcalbecutic mantal, ta jtaq'uicutic ta sventa li Cajvaltic Jesucristoe. Junuc yo'nton ac'o abtejicuc, ac'o ve'uc ta yabtel stuquic.

1 Samuel 8:9

Ja' yu'un a'ibo me li sc'opique. Pero jamal xavalbe ya'yic ba'yuc c'usi tsc'an tspasic ta stojol li ajvalil yu'unic ti chlic ventainaticuque”, xi.