Jeremías 11:6 - Bible in Tzotzil de Chenalhó with Deuterocanon

⁶ Ja' yu'un jech laj yalbun: “Li c'usi chacalbot li'i, puco batel ta scotol li lumetic ta Judá xchi'uc ta xoraltic ta Jerusalene, jech xavalbe ya'yic: ‘A'yo ava'yic c'usi chal li c'usi chapanbil cu'un li'i; pasic me.

Bible in Tzotzil de Chamula

⁶ Va'i un, ti Diose xi laj yalbune: “Ti c'op li'e, puco batel ta jteclumetic yu'un ti Judae xchi'uc ta calleetic yu'un ti Jerusalene. Xi xavalbe ya'i ti jnaclejetique: ‘Chiquintao ava'i lec ti c'u s'elan ta xal jujubel ti trate li'e. C'otuc ta pasel avu'unic un.

Jeremías 11:6 Iomraidhean Croise

Salmos 15:5

Xchi'uc ti chac' ta q'uexel staq'uin ti mu sc'anbe sjole, ti mu xch'am smoton taq'uin yu'un ac'o scontrainic li boch'o mu'yuc smule. Li boch'o jech yo'nton chac le'e mu xyal o ta lum.

Isaías 58:1

Jech laj yalbun noxtoc li Muc'ul Diose: “Tsots xa'avan, mu me x'ech' avo'nton; tsots xa'avan jech chac c'u cha'al oq'ues. Albo ya'yic ta jamal smulic li jteclumale; albo ta jamal ti ja' mero jbajmantaletic li smomnich'nab Jacobe.

Jeremías 19:2

Loc'an batel, batan te ta stenlejal Ben-hinom ta stuq'uil ti'coralton sventa xch'ayubil li c'usitic chvoq'ue; ja' te xlic aval li c'usi chacalbote.

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Jeremías 3:12

Batan, jech xbat aval ta stuq'uil norte: ‘Jbajmantal Israel, sutan tal ta jtojol. Mu'yuc ta xcac' c'otuc ta atojol li sc'ac'al co'ntone, yu'un li vu'une muc'ul jc'uxubinvanejun; muc teuc stsoq'uet o co'nton ta atojol.

Jeremías 7:2

“Bat va'lan te ta sti' jch'ulna, ja' jech xaval chac li'i: Jnaclumetic ta Judá, a'yo ava'ay acotolic c'usi chal li Muc'ul Diose, vo'oxuc ti cha'ochic tal, ti chtal avich'ic ta muc' li'i.

Zacarías 7:7

¿Me mu ja'uc ono'ox jech ic'opoj Muc'ul Dios ta sventa j'alc'opetic yu'un ta vo'one ti c'alal ep to'ox yajval li Jerusalene, ti jun to'ox yo'nton te nacalique, ti ep to'ox lumetic ta spat xocone, xchi'uc ti ep to'ox jnaclumetic ta Néguev xchi'uc ta yocyoc vits te ta Sefelae?

San Juan 13:17

Me laj ava'yic lec scotol li c'usitic tsc'an chapasique, me jech chapasique, xcuxet no'ox avo'ntonic.

Romanos 2:13

Yu'un ma'uc ta sventa boch'o cha'yilanbe smantal Dios ti lec ch-ilat yu'un Diose. Ja' lec ch-ilat yu'un Dios li boch'o chch'un c'usi chal li mantaletique.

Deuteronomio 4:1

“Jchi'iltac israeletic, a'yo me ava'yic li mantaletic xchi'uc li c'usitic yan la jchanubtasoxuque. Pasilanic me scotol ora yu'un jech jun avo'nton chanaquiic, xchi'uc jech chavich'ic li avosilic ti yaloj ono'ox Muc'ul Dios chayac'boxuque, ja' li Dios yu'un jmoltotactic ta vo'onee.

Deuteronomio 4:5

Li vu'une laj calboxuc ava'yic scotol li mantaletique xchi'uc li c'usitic yan laj yalbun li Muc'ul Dios cu'une, yu'un jech ac'o apasilanic ti c'alal te xa'ox oyoxuc ta avosilic ti bu chavich'ique.

Santiago 1:22

Pasic me li c'usi chava'yic ta sc'op Diose. Mu me ja'uc no'ox chava'yilanic, yu'un jech mu ja'uc no'ox chalo'la abaic.