Jeremías 11:5 - Bible in Tzotzil de Chenalhó with Deuterocanon

⁵ Yu'un jech j'ech'el chc'ot o ta pasel c'usi laj cal ta jamal ta stojol li amoltot ayame'ique; ja' ti j'ech'el chcac'beic o li banamil ti bu ta xloc' ep ya'lel xchu' vacax xchi'uc pome, ja' li banamil ti li' xa avich'ojic ta orae’, uto”, xiyutun li Muc'ul Diose. Jech la jtac'be: “Jechuc, Muc'ul Dios”, xcut.

Bible in Tzotzil de Chamula

⁵ Mi ta xavac'beicun ta ventae, ta xc'ot ta pasel cu'un ec ti jtrate ti laj jva'an jba ta yalel ti ta xcac'beic banomil ti atot ame'ic ta vo'nee, banomil ti bu avich'ojic tana le'e, ti bu co'ol s'elan vo' xbein no'ox ti chu' vacaxe xchi'uc ti ajapome.” Xichi laj jtac' ec une: “Jechuc, Cajval.”

Jeremías 11:5 Iomraidhean Croise

2 Crónicas 6:17

Ja' yu'un Muc'ul Dios yu'un Israel, ac'o c'otuc ta pasel c'usi laj avalbe li jtote, ja' li avajtunel Davide.

Salmos 105:8

Ac'o me jmil (1,000) ta c'ol cristianoetic ijelov, pero mu ono'ox xch'ay o ta yo'nton li c'usi xchapanoje,

Éxodo 13:5

Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Jeremías 19:12

Ja' jech ta jpasbe li banamil li'i xchi'uc li jnaclumetic yu'une. Li lume ja' jech ta jcomtsan jech chac c'u cha'al Tofet. Jech chcal vu'un li Muc'ul Diosune.

Jeremías 28:6

—¡Toj lec! Jech ac'o spas li Muc'ul Diose, ac'o yac' c'otuc ta pasel Muc'ul Dios li c'usi laj aval ti ta sut tal ta Babilonia li c'usitic chtun li' ta ch'ulna yu'un Muc'ul Diose xchi'uc scotol li boch'otic chucbil ibatique.

Jeremías 32:22

Ja' laj avac'beic li banamil li'i, ja' ti avalojbe ono'ox ta jamal jmoltot jyame'cutic ta vo'one ti ja' chavac'be oe, ja' li banamil ti lec xloc' ya'lel xchu' vacax xchi'uc spom muc'ta pome.

Levítico 20:24

Ja' yu'un laj calboxuc ti vo'oxuc chavich'beic li yosilalique. Vu'un jtuc chacac'boxuc ta ac'obic li banamil le'e; ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. “Vu'un Muc'ul Diosun avu'unic ti la jt'ujoxuc loq'uel ta stojol yantic lumetique.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

1 Corintios 14:16

Pero me ta jch'uleltic no'ox ta jtojbetic ta vocol Diose, ¿c'u x'elan xu' “jechuc” xiic ec li boch'otic te jchi'uctic ti mu ja'uc jech sbijilique? yu'un mu xa'yic.

Deuteronomio 6:3

Ja' yu'un jchi'iltac, israeletic, pasilanic me batel scotol. Jech lec chabatic, xchi'uc jech xu' chac'otic ta jun muc'ul lum te ta banamil ti bu chloc' ya'lel xchu' vacax, xchi'uc pom jech chac c'u cha'al chloc' vo'e. Yu'un jech ono'ox albilic yu'un Muc'ul Dios li jmoltot jyame'tic ta vo'onee.