Jeremías 11:4 - Bible in Tzotzil de Chenalhó with Deuterocanon

⁴ Ja' li c'usi jchapanoj ono'ox ta sventaic li amoltotic c'alal la jloq'uesic tal ta Egipto banamile, ja' li lum ti xco'laj xchi'uc horno sventa yunijesbil taq'uine. Jech laj calbeic: A'ibicun li jc'ope, ch'unic li c'usi chacalboxuque; pasic me scotol, jech jteclumaloxuc chac'otic o, jech vu'un Diosun chic'ot o avu'unic ec.

Bible in Tzotzil de Chamula

⁴ Ja' ono'ox ti jtrate laj jpas ta stojol ti atot ame'ic ta vo'nee, ti c'alal laj jloq'uesic talel ta Egiptoe, ta jun muc' ta lum ti bu co'ol s'elan yunijesobil taq'uin jorno ti c'ot ta stojolique, ti xichi laj calbeique: Aq'uic ta venta ti c'usi ta xcale. Pasic scotol jech c'u cha'al ti c'usi ta jc'ane. Jech ta xac'otic ta jteclumal, ta xic'ot ta Dios avu'unic ec.

Jeremías 11:4 Iomraidhean Croise

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

1 Reyes 8:51

Yu'un ja' ateclumal. Vo'ot aventainoj; vo'ot laj aloq'ues tal ta svocolic ta Egipto ti xco'laj xchi'uc horno yunijesbil taq'uinetique.

2 Reyes 18:6

Jun yo'nton o ta stojol li Muc'ul Diose; me jutuc mu'yuc la svoc' sba ta stojol. Ja' la xch'un scotol li mantaletic ti i'albat yu'un Muc'ul Dios li Moisese.

Éxodo 20:6

Pero li boch'o chiyich'un ta muq'ue, me chch'unbun jmantale, ep c'ux ta co'nton, ac'o me c'alal to jmil (1,000) ta c'ol smomnich'nabic.

Isaías 30:6

Laj yich' albel sc'oplal li chonbolometic ta Néguev: Li boch'otic chbatic ta Egipto, ja' li jun lum ti mu'yuc stu oe, ti te chich'ic batel ta buroetic li sc'ulejalique, ti chich'ic batel ta camelloetic li matanaletic yu'unique, te chjelovic batel ta banamil ti bu toj ep vocol, ti nojem ta c'usitic xi'balic sbae, ti ja' yavil leonetic, xchi'uc li jti'val chonetic, xchi'uc li dragón ti sna' xvile.

Isaías 48:10

A'yo ava'yic, laj xa cac'oxuc ta lecubtasel, pero mu ja'uc jech chac c'u cha'al tslecubtasic saquil taq'uin; li vu'une xco'laj xchi'uc la jpasboxuc preva ta horno ta sventa tsots vocol.

Jeremías 11:7

Ja' ti laj ono'ox calbe tal lec ya'yic li amoltot ayame'ic ta vo'one c'alal la jloq'uesic tal ta Egiptoe. Lec laj calbe tal ya'yic ti ac'o xch'unique; mu'yuc jquechanoj o yalel c'alal to tana, jech laj calbeic: Ja' me xach'unic li c'usi chacalboxuque xcutic ono'ox.

Jeremías 24:7

Ta jelbe yo'ntonic, yu'un jech chlic c'otuc ta yo'ntonic ti vu'un Muc'ul Diosune. Ja' jteclumal chc'otic o, jech vu'un Diosun yu'unic ta xc'ot ec, yu'un ta sutic tal ta jtojol ta scotol yo'ntonic.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 30:22

Vu'un Diosun yu'unic chic'ot; ja' jnich'nab chc'otic ec”, xi li Muc'ul Diose.

Jeremías 32:28

Jech chacalbot vu'un li Muc'ul Diosune: Li lum li'i ta xcac' ta sc'ob caldeaetic xchi'uc Nabucodonosor, ja' li ajvalil ta Babiloniae; ja' ta sventain o.

Jeremías 38:20

Itac'ov li Jeremiase: —Ajvalil, mu'yuc cha'och ta sc'obic. Ja' ch'uno c'usi chal li Muc'ul Dios li' chacalbote; jun avo'nton chacom, mu'yuc chacham.

Ezequiel 11:20

Yu'un jech xu' chlic xch'unic li c'usitic caloje, jech xu' chlic spasic li mantaletic cu'une, jech xu' chc'ot ta pasel yu'unic scotol. Ja' jteclumal chc'otic o, vu'un Diosun yu'unic chic'ot.

Ezequiel 14:11

yu'un jech mu teuc ta xch'ayilanic o ta be li smomnich'nab Israele, xchi'uc jech mu teuc tsbolibtas sbaic o ta scoj li smulique. Jech ja' jteclumal chc'otic o, vu'un Diosun yu'unic chic'ot”, xi li Muc'ul Diose, ja' li Cajvaltique.

Ezequiel 36:28

Te chanaquiic o ta banamil ti bu laj ono'ox cac'beic li atot ame'ic ta vo'onee. Vo'oxuc jteclumaloxuc chac'otic o, vu'un Diosun avu'unic chic'ot.

Ezequiel 37:23

Mu'yuc xa chlic sbolibtas sbaic ta yich'el ta muc' li sloc'obaltac sdiosique; mu'yuc xa chlic spasic scotol li c'usitic yan chopole. Vu'un ta jcoltaic ta sventa scotol li smulique, ta jpocbeic loq'uel scotol li xchopolilique. Ja' jteclumal chc'otic o, vu'un Diosun yu'unic chic'ot ec.

Ezequiel 37:27

Te chinaqui o ta stojolic; vu'un Diosun yu'unic chic'ot, ja' jteclumal chc'otic o ec.

Daniel 3:26

Li Nabucodonosore inopaj batel ta sti' li horno ti xpulpun sc'ac'ale; tsots ic'opoj batel: —Sadrac, Mesac, Abed-nego, vo'oxuc li yajtuneloxuc Dios ta toyole, loc'anic tal, la'ic li'i —xi. Jech iloq'uic tal ta yut c'oc' li oxib viniquetique.

Levítico 26:12

Te chixanov scotol c'ac'al ta atojolic; vu'un Diosun avu'unic chic'ot, jech jnich'naboxuc chac'otic o.

Levítico 26:3

“Me chach'unic, me chapasic li mantaletic xchi'uc li chanubtaseletic cu'une,

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

Zacarías 6:15

“Li boch'otic nom to nacalique chtal coltavanicuc ta xcha'pasel ec li ch'ulna yu'un Muc'ul Diose, jech chana'ic o ti ja' la stacun tal ta atojolic li Muc'ul Dios ti tspas ta mantal scotol te ta vinajele. Ja' jech ta xc'ot ta pasel me chavich'ic ta muc', me chach'unbeic c'usi chal li Muc'ul Dios avu'unique’, uto”, xi li Muc'ul Diose.

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Deuteronomio 11:27

Chavich'ic bendición me chach'unic li smantaltac Muc'ul Dios li' chacalboxuc ta orae.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

Deuteronomio 5:6

‘Vu'un Muc'ul Diosun avu'unic ti la jloq'uesoxuc tal ta Egipto banamil c'alal te to'ox tiq'uiloxuc ta mozoile.

Hebreos 5:9

Ta sventa ti ts'acal ivu' yu'un scotole, jech ja' ic'ot ta yajval xcuxlejalic sventa sbatel osil scotol li boch'otic ta xch'unique.

1 Samuel 15:22

Li Samuele jech laj yalbe: “Li Muc'ul Diose ma'uc no'ox lec chil ti ta jmilbetic, ti ta jchic'betic smotone; ja' toj lec chil me ta jch'unbetic smantale. Yu'un ja' toj lec li xch'unbel smantale; ja' mu sta jech li smoton ta jmilbetic xchi'uc li xepual chijetic chcac'betique.