Jeremías 11:12 - Bible in Tzotzil de Chenalhó with Deuterocanon

¹² Jech te chbat sc'anbeic vocol li diosetic ti chchic'beic pom ta stojole, pero mu xu' yu'un ta xcoltaatic ti c'alal tsta yorail chtal svocolique.

Bible in Tzotzil de Chamula

¹² Va'i un, ti jnaclejetic ta Judae xchi'uc ti jnaclejetic ta Jerusalene, bat sc'anic coltael ta stojol ti diosetique, utsuc xa xac'beic ti pome, c'alal mu'yuc c'usi xu' yu'unic ta pojvanej mi vul ta loq'uel ti cuxul j'ilbajinvanej j'ac'-vocole.

Jeremías 11:12 Iomraidhean Croise

2 Crónicas 28:22

La sta ep svocol li Acaze, pero yo'to ech'em la spas c'usi chopol ta stojol li Muc'ul Diose.

Isaías 45:20

“La'ic, tsobo abaic tal; nopajanic tal acotolic ti c'u to avepal cuxul lacomic ta jujun banamile. Mu'yuc sbijilic li boch'otic te yac'oj o yo'ntonic ta stojol li sdiosic pasbilic ta te'e, ti tsc'opanic jun dios ti mu xcoltavane.

Isaías 46:7

C'alal me ivu' yu'une, chq'uech batel ta snecub; chc'ot sva'an ta yavil, mu xbac' o. Chlic sc'opan, pero mu xtac'bat; mu xcoltaat ta sventa li svocole.

Jeremías 18:15

Pero li jteclumale i'ul xa o xch'unojel yo'ntonic ta jtojol, ja' bat xchiq'uic pom ta stojol li diosetic ti mu'yuc stue; solel ch'ayemic o ta be. Ja' stamojic o batel li poco' be ta vo'onee; ja' li chucul be ti mu'yuc boch'o xotquine.

Jeremías 2:28

Judá, ¿bu oy li diosetic avu'un apasoje? Ja' ac'o sva'an sbaic tal avu'un, jq'ueltiquic me xu' yu'unic chascoltaot ti c'alal yorail chavich' tsots avocole; yu'un ja' to jech yepal jech chac c'u cha'al lumetic avu'un li adiostaque.

Jeremías 44:8

Yu'un ja' no'ox chavaq'uic ilincun ta sventa li c'usi apasoj ta ac'obique, xchi'uc ti chachiq'uic pom ta stojol li yantic diosetic te ta Egipto ti bu talemoxuc ta nacleje. Ja' xa no'ox amotonic ti chaculesoxuc o, ti chopol chacomic o, ti mu'yuc atu cha'ilatic o yu'un li yantic banamile.

Deuteronomio 32:37

Jech chlic albatuc sc'oplalic: ‘¿Bu oy li diosetic yu'unique? ¿Bu oy li jchabivanejetic yu'unic ti ja' spatoj yo'ntonic yu'une,

Deuteronomio 32:38

ti la sve'ic li milbil smoton laj yac'beic ti lec jubenique, xchi'uc ti laj yuch'ic li ya'lel ts'usub laj yac'beique? Ac'o totsicuc tal, ac'o tal coltaaticuc. Ac'o liquicuc tal, ac'o tal chabiaticuc.

Jueces 10:14

Ja' bat c'anbeic vocol li diosetic avu'unic laj at'ujique. Ac'o scoltaoxuc loq'uel ta sventa li avocolique”, xut.