Jeremías 11:11 - Bible in Tzotzil de Chenalhó with Deuterocanon

¹¹ Ja' yu'un ta jtacbe tal tsots vocol ta stojolic; mu c'u xut tspoj sbaic o loq'uel. Ac'o me ta sc'anbicun to vocol, pero mu'yuc chca'ibe sc'opic.

Bible in Tzotzil de Chamula

¹¹ Ja' yu'un ec un, ta jtac talel ta stojolic ti cuxul j'ilbajinvanej vocol ti mu junuc ta xcole. Ac'o mi x'avetic ta sc'anic pojel, mi ja'uc ta jtac'beic. Ti vu'un Diosune, mu stselbuj ti jc'ope.

Jeremías 11:11 Iomraidhean Croise

2 Reyes 22:16

Jech chcal, vu'un li Muc'ul Diosune: Ta xcac'be tsots svocol li banamil li'i xchi'uc li boch'otic te nacajtique. Ja' ta xcac'be scotol li stojol mulil ts'ibabil ta vun ti laj yich' aptael ta stojol ajvalil ta Judae.

2 Crónicas 34:24

Jech chcal vu'un li Muc'ul Diosune: ta xcac'be tsots svocol li banamil li'i xchi'uc li boch'otic te nacajtique. Ja' ta xcac'be scotol li stojol mulil ts'ibabil ta vun ti laj yich' aptael ta stojol li ajvalil ta Judae.

Job 35:13

Li Diose mu xich' ta muc' li c'usi mu'yuc stue; li Boch'o ech'em svu'ele li c'usi mu'yuc stue mu sc'an sq'uel, mu sc'an xa'ay.

Salmos 18:41

I'avanic to, pero mu'yuc boch'o xcoltaatic yu'un; laj to sc'anbeic vocol li Muc'ul Diose, pero muc xtuc'ulanbat sc'opic.

Salmos 66:18

Ti chopoluc c'usi jnopoj ta co'ntone, muc xiya'ibun jc'op ti jechuque.

Proverbios 1:28

ja'o te chlic c'opojanic ta jtojol, pero mu'yuc ta jtac'boxuc; chasa'icun pero mu xataicun,

Proverbios 29:1

Li boch'o ta stoy sba c'alal chich' taq'uiele, ta soc o; mu xa stac' poxtael o.

Isaías 1:15

C'alal chatoy ac'obic ta jtojole, li vu'une ta jnac' jsat ta atojolic. C'alal ep chac'opanicune, mu'yuc ta jtuc'ulanboxuc, yu'un nojem ta ch'ich' chquil li ac'obique.

Isaías 24:17

Li jnaclumetic ta banamile ja' xa no'ox oy ta stojolic xi'el, ch'en, xchi'uc yaquel ta pets'.

Jeremías 11:14

Li vo'ote Jeremías, mu me xac'opanun ta sventa li jun ta lum li'i; mu me xac'anbun vocol ta stojolic, yu'un mu'yuc ta xca'ay ac'opic me chac'anbicun vocol ti c'alal yorail oy svocolique.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 14:2

“Li Judae chat yo'nton, choc'ta sba; li lumetic yu'une oyic xa ta at-o'nton; li cristianoetique mochajtic xa ta lumtic chat yo'ntonic; li Jerusalene x'avet no'ox ta scoj svocol.

Jeremías 15:2

Me jech chavich' jac'bele: ¿Bu chibatcutic u?, me xayutoxuque, jech xavalbe: jech chal li Muc'ul Diose: ‘Li boch'o sc'oplal chcham ta chamele, chcham o ta chamel; li boch'o sc'oplal chcham ta espadae, chcham o ta espada; li boch'o sc'oplal chcham ta vi'nale, chcham o ta vi'nal; li boch'o sc'oplal chucbil chbat ta yan banamile, jech chucbil chbat o’, uto.

Jeremías 18:11

“Albo ya'yic li cristianoetic ta Judá xchi'uc li jnaclumetic ta Jerusalene, jech xavalbe: ‘Jech chal li Muc'ul Diose: A'yo ava'yic, oy c'usi chopol jnopoj ta jpas ta atojolic, jnopoj ti chacac'boxuc avocolique. Ja' yu'un comtsanic xa li chopol be atamojique, tuq'uibtasic li c'usi chapasique, lecubtasic li avabtelique’, uto.

Jeremías 19:15

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech ta xal: ‘Ta jtacbe tal tsots vocol li lum li'i xchi'uc li yantic lumetic li' ta spat xocone jech chac c'u cha'al jnopoj ono'oxe, yu'un solel stsatsubtasoj o yo'ntonic, mu sc'an xch'unic o li c'usi chcale’, xi li Muc'ul Diose”, xut.

Jeremías 19:3

Jech xavalbe: ‘Ajvaliletic ta Judá, jnaclumetic ta Jerusalén, a'yo ava'yic c'usi chal li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: Ta jtac tal tsots vocol li' ta banamile; scotol li boch'o cha'yic c'usi tsots chc'ot ta pasele, tojtoj maquel chc'ot xchiquinic.

Jeremías 23:12

“Ja' yu'un li sbe xanebique chcom ta ic'al osil xchi'uc ta bilil be; ta xich'ic net'el batel, jech ta xbalch'ujic o, yu'un vu'un ta jtac tal tsots vocol ta stojolic c'alal me la sta sc'ac'alile”, xi li Muc'ul Diose.

Jeremías 25:35

Li jchabichijetique mu'yuc bu xu' chjatovic; li jtojobtasej chijetique mu'yuc bu xu' tsnac' sbaic.

Jeremías 35:17

Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Ta xcac' taluc ta atojolic te ta Judá xchi'uc ta stojol jnaclumetic ta Jerusalén scotol li vocol ti caloj ono'ox chacac'boxuque. Yu'un la jc'opanoxuc pero muc xatac'ovic; laj quic'oxuc pero muc xavich'ic ta muc', xi li Diose’, uto”, xiyutun.

Jeremías 36:31

Ta xcac'bot atoj amulic achi'uc anich'nabtac xchi'uc li j'abteletic avu'une. Ta xcac' taluc ta atojolic xchi'uc ta stojol jnaclumetic ta Jerusalén xchi'uc ta Judá scotol li vocol ti laj calboxuc ta jtac tal ti muc xavich'ic ta muq'ue’, uto”, x'utat li Jeremiase.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Lamentaciones 2:22

Ta buyuc xa no'ox laj avac' taluc li jvocole; ja' jech ital jech chac c'u cha'al li boch'otic chbatic ta q'uel q'uine. Muc'ul Dios, c'alal chlic sc'ac'al avo'nton li vo'ote, me junuc mu'yuc boch'o cuxul chcom. Li boch'otic la jts'ites, la jchanubtas leque, ilajic ta milel yu'un li cajcontrataque.

Ezequiel 14:3

“Xnich'on cristiano, li viniquetic li' oyique, ja' li boch'otic batem yo'ntonic o ta stojol li sloc'obal sdiosique, xchi'uc ti ja' laj yac' yo'ntonic o snopel li c'usi sventa chyalic o ta lum yu'une, ¿me yu'un chcac' ti chisjac'bicun li c'usi tsc'anique?

Ezequiel 7:5

“Jech chcal vu'un li Muc'ul Diosune, vu'un li yajvalun scotole: Ta xtal tsots vocol ta atojol, mu'yuc spajebal.

Ezequiel 8:18

Lec oy ti jech tspasique. Ta jpas cabtel jchi'uc sc'ac'al co'nton ec. Mu'yuc ta jpasbeic o perdón; mu'yuc chc'uxubajic ta co'nton. Ac'o me tsots ch-avanic ta jchiquin, mu'yuc ta jtuc'ulanbeic o”, xiyutun li Diose.

Amós 5:19

Ja' jech chac c'u cha'al boch'o chjatov ta anil yu'un león ti te tsnup ta be jcot osoe; xchi'uc ja' jech chac c'u cha'al boch'o ch-och ta yut sna ti tsquican sc'ob ta c'alnae, pero te chti'at tal ta chon noxtoc.

Miqueas 3:4

Ta to xa'avanic ta sc'opanel li Muc'ul Diose, pero mu'yuc chastac'boxuc. Ta sc'ac'alil le'e, ta snac' sat ta atojolic ta scoj ti toj chopol li avabtelique.

Zacarías 7:13

jech laj yal: “C'alal lic'opoje, muc xa'ibicun jc'op. Ja' no'ox jech ti c'alal la sc'anbicun vocol ta jtojole, muc xca'ibe sc'opic ec.

1 Tesalonicenses 5:3

C'alal jech chal li cristianoetique: “Jun co'ntontic, mu'yuc c'usi xi'bal sba”, me xiique, ja'o ta ora no'ox chvul ta loq'uel tsots vocol ta stojolic. Ja' jech chac c'u cha'al jun ants ti ta ora no'ox chlic xa'ay c'alal oy xch'ute. Me junuc mu'yuc boch'o xu' chjatov.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.