Jeremías 10:8 - Bible in Tzotzil de Chenalhó with Deuterocanon

⁸ Li stuquique bol cristianoetic no'ox c'otemic, mu'yuc sbijilic, yu'un mu xbijubtasatic jutuc yu'un li c'usitic pasbil ta te'e.

Bible in Tzotzil de Chamula

⁸ Scotolic pimuneb xa'i sbaic, mi jutebuc oy sbijilic. Mi jutebuc xu' ta xchanubtasatic yu'un ti bas-bas te'e.

Jeremías 10:8 Iomraidhean Croise

Salmos 115:8

Ja' jech c'otemic ec li boch'otic ja' yabtel tsmeltsanique, xchi'uc li boch'otic ja' spatoj yo'ntonic yu'une.

Salmos 135:18

Ja' jech c'otemic ec li boch'otic ta spasique, xchi'uc li boch'otic ja' spatoj yo'ntonic yu'une.

Isaías 41:29

A'yo ava'yic, alticoxuc acotolic; mu'yuc c'usi xu' avu'unic o. Ja' jechoxuc jech chac c'u cha'al ic'; mu'yuc stu o ti c'u x'elan loc'tabiloxuque”, xut.

Isaías 44:18

Mu sna'be smelol c'usi tspas li vinique. Solel macal sat, macal sjol yo'nton; mu xa'ibe o smelol.

Isaías 44:19

Mu'yuc bu tsnop jutuc. Mu'yuc bu chvul ta yo'nton ti la stunes j'o'lol ta sventa si'e. Mu'yuc bu tsnop ta yo'nton jech chac li'i: “Li te' li'i j'o'lol la jtunes ta sventa si'; lec ita'aj o pan jve', lec la jvo o ti'bol jti'. ¿Me smelol ti la jpas jun li c'usi mu'yuc stu ta j'ech'ele? ¿Me smelol ti ta jquejan jba ta stojol li jbos te'e?”, mu'yuc bu xi tsnop.

Jeremías 10:14

Scotol li cristianoetique mu'yuc sbijilic, bol c'otemic o. Li boch'o ta spasic sloc'obal diosetique ta xyalic ta q'uexlal, yu'un puru lo'lael li c'usi tspasique, yu'un mu cuxuluc.

Jeremías 2:27

Yu'un jech chalbeic li jpets te'e: ‘Vo'ot jtotot’, xutic. Jech chalbeic li tone: ‘Vo'ot jme'ot’, xutic. Yan li vu'une spatic xa no'ox yac'ojbicun; mu ja'uc yac'ojbicun li satique. Pero c'alal oyic ta tsots vocole, jech chiyalbicun: ‘La' coltauncutic’, xiyuticun.

Jeremías 3:9

Yu'un mu tsotsuc sc'oplal laj ya'ay li c'usi c'otem ta pasele, jech la soques o li slumale, yu'un imulivaj ta scoj ti ibat yich' ta muc' li tonetic xchi'uc li te'etique.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 5:4

Li vu'une jech la jnop: “Ja' no'ox van boch'o mu'yuc sbijilic ti mu xa'ibeic smelol, ti mu sna'ic c'usi tsc'an li Muc'ul Diose, ti mu xc'ot ta yo'ntonic li mantaletic yu'une.

Oseas 4:12

Li jteclumale ja' tsc'anbeic coltael li te' yich'ojic ta muq'ue; ta jbej te' tsjaq'uic li c'usi chc'ot ta pasele. Yu'un lo'labilic o yu'un mulil jech chac c'u cha'al jmulavil ants. Ja' stamojic o li chopol bee; ja' la scomtsanic o Dios ta scoj ti puru mulil tspasique.

Jonás 2:8

Li boch'otic ja' chich'ic ta muc' c'usitic cuybil ta diosetic ti mu'yuc stue mu xa junuc yo'ntonic ta atojol.

Habacuc 2:18

¿C'usi stu li loc'om ti lec xa meltsajem yu'un li boch'o tspase? ¿C'usi stu li c'usi loc'tabil ta unijesbil taq'uin ti ja' no'ox chlo'lavane? Li sloc'obal diosetic ti mu xc'opojique ¿c'u yu'un ti ja' xa spatoj yo'ntonic yu'un li boch'otic tspasique?

Zacarías 10:2

Li c'usi chalic sdiosic ta jujubej nae mu meleluc; li c'usi chilic li jt'unuletique puru epalc'op. Li c'usi chalique vontol vaychil no'ox, mu'yuc smelol; li spatubil co'ntontic chalique mu'yuc stu. Ja' yu'un li jteclume chch'ayic ta be jech chac c'u cha'al chijetic; oy svocolic, yu'un mu'yuc xchabielic.