Jeremías 10:7 - Bible in Tzotzil de Chenalhó with Deuterocanon

⁷ ¿Me oy boch'o mu'yuc ta xi' avu'un, vo'ot li Muc'ul Ajvalilot yu'un scotol jujun banamile? Vo'ot no'ox atuc xi'bilot o. Ta scotol li boch'o bijic xchi'uc li ajvaliletic li' ta banamile mu'yuc boch'o xco'laj jech chac c'u cha'al li vo'ote.

Bible in Tzotzil de Chamula

⁷ ¿Mi yu'un la mu xavich' xi'tael ti c'alal Ajvalilot yu'un ti muc'tiquil lumetique? Ac'otebal o xi'tabilot ma' ti vo'ote. Ta scotol ti buch'utic oy sbijilique, xchi'uc ti ajvaliletic ta sbejel banomile, mi junuc c'otemic jech c'u cha'al ti vo'ote.

Jeremías 10:7 Iomraidhean Croise

2 Reyes 17:39

Jtuc no'ox me xavich'icun ta muc', vu'un li Muc'ul Diosun avu'unique, jech chajcoltaoxuc loq'uel ta sc'ob li avajcontraique”, x'utatic ono'ox.

1 Crónicas 16:25

Yu'un ja' toj ech'em smuc'ul li Muc'ul Diose. Ja' no'ox stuc oy ta ich'el ta muc'; ja' no'ox stuc xi'bil ta scotol li yantic diosetique.

Ester 1:13

Te lic sjac'be c'usi tspas li bijil viniquetic ti sna'ic sq'uelel senyail ta vinajele. Yu'un li ajvalile jech ono'ox nopen xa'ay tsjac'be c'usi lec tspas li boch'otic xotquinic li mantaletic yu'un slumalique, xchi'uc ti sna'ic c'usi tsc'an pasele.

Salmos 147:5

Toj ech'em smuc'ul li Ajvalil cu'untique, toj ech'em svu'el; mu'yuc spajebal li sbijile.

Salmos 22:28

Yu'un li Muc'ul Diose ja' tspas ta mantal scotol; ja' sventainoj scotol li cristianoetique.

Salmos 47:3

Laj xa slajesbe stsatsal scotol li lumetique, xchi'uc li jujun banamile; laj xa yac' ta jc'obtic scotol.

Salmos 72:11

Ac'o squejan sbaic ta stojol scotol li yantic ajvaliletique; ac'o abtejicuc yu'un scotol li cristianoetic ta yantic banamile.

Salmos 76:7

Dios cu'un, li vo'ote xi'bilot. ¿Boch'o xu' yu'un chva'i ta asat ti c'alal chlic sc'ac'al avo'ntone?

Salmos 86:8

Cajval, mu'yuc boch'o yan dios jech chac c'u cha'al vo'ot; mu'yuc boch'o yan jech yabtel jech chac c'u cha'al avabtel li vo'ote.

Salmos 86:9

Scotol li yajvaltac jujun muc'tiquil lum laj apase ta xlic talicuc ta atojol; chayich'icot ta muc', ta xalic alequilal, Cajval.

Salmos 89:6

Yu'un mu'yuc boch'o yan te ta vinajel ti xaco'laj achi'uque, Muc'ul Dios; mu'yuc boch'o yan ech'em svu'el jech chac c'u cha'al vo'ot.

Éxodo 8:10

—Oc'om no'ox —xi li faraone. Itac'ov li Moisese: —Jech ac'o c'otuc ta pasel, yu'un jech chana' o ti mu'yuc boch'o yan jech chac c'u cha'al li Muc'ul Diose ja' li Dios cu'uncutique.

Éxodo 9:14

Ta to me xcac' taluc yan vocol ta atojol, xchi'uc ta stojol li achi'iltac ta abtele, xchi'uc ta scotol li achi'iltaque, yu'un jech chana' o ti mu'yuc yan Dios ta scotol banamil jech chac c'u cha'al vu'une.

Isaías 2:4

Ja' tsva'an sba ta sq'uelel li jujun banamile; ja' chal c'u x'elan chcom c'op yu'unic ta epal lumetic. Jech chlic sc'atajesic ta locub banamil li yespadaique; chlic sc'atajesic ta jos li slanzaique. Mu'yuc xa tsmil sbaic ta espada li jujun muc'tic banamile; mu'yuc xa boch'o chchapan sba lec ta xchanel pleito.

Jeremías 10:6

Muc'ul Dios, mu'yuc boch'o yan xco'laj jech chac c'u cha'al li vo'ote. Li vo'ote toj ech'em amuc'ul, toj muc' ta a'yel li abie, toj ech'em stsatsal.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 2:28

Pero oy jun Dios te ta vinajel, ja' xu' yu'un tsvinajes li c'usitic mucule. Ja' tsc'an chac'bot ana' li c'usi ta to xc'ot ta pasel ta atojol ta ts'acal, vo'ot li ajvalilote. Li c'usi laj avil ta avayeche, li c'usi laj avil ta ach'ulele, ja' jech chac li'i:

Habacuc 3:2

Muc'ul Dios, laj ca'ay lec ac'oplal; chquich' ta muc' li avabtele. Ti c'alal li' to cuxuluncutique, paso me li avabtele; ac'bun quilcutic ti c'alal li' to oyuncutique. C'alal yorail cha'iline, mu me xach'ay li xc'uxul avo'ntone.

Zacarías 2:11

Me la sta li sc'ac'alil le'e, ep cristianoetic ta yantic banamil ta stsob sbaic tal ta stojol li Muc'ul Diose. Jech chal: “Ja' jteclumal chc'otic o, te chinaqui o ta stojolic”, xi. Jech chana'ic o ti ja' la stacun tal ta atojol li Muc'ul Dios ti tspas ta mantal scotol te ta vinajele.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

San Lucas 12:5

Chacalboxuc ava'yic li boch'o tsc'an chaxi'ic yu'une. Ja' xi'anic yu'un li Boch'o xu' yu'un chmilvan, ti oy svu'el sventa chjipvan ochel ta muc'ta c'oq'ue. Melel chacalboxuc tsc'an ja' chaxi'ic yu'un.

1 Corintios 8:6

pero li vu'utique jna'tic lec ti jun no'ox Dios oye, ja' li Dios Totile, ti ja' la spas scotol c'usitic oye, xchi'uc ti ja' la spasutique. Jun no'ox li Cajvaltique, ja' li Jesucristoe, ja' ta sventa imeltsaj scotol li c'usitic oye, xchi'uc ja' ta sventa ti laj quich'tic pasel ec li vu'utique.

Josué 4:24

Jech scotol cristianoetic ta banamil tsna'ic ti toj ech'em stsatsal li Muc'ul Diose, yu'un jech ac'o avich'ic o ta muc' scotol c'ac'al li Muc'ul Dios cu'untique”, xi li Josuee.

Apocalipsis 11:15

Li svucubal j'almantale la sjupan ec li yoq'uese. C'alal la sjupane, oy boch'otic tsots ic'opojic ta vinajel. Jech laj yalic: “Li yabtel ajvaliletic li' ta banamile ja' xa i'och ta sventainel stuc li Cajvaltique, ja' li Cristoe. Ja' xa tspas mantal stuc sbatel osil”, xiic.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.