Biblia Todo Logo
Bìoball air-loidhne

- Sanasan -




Jeremías 10:5 - Bible in Tzotzil de Chenalhó with Deuterocanon

5 Va'alic xa yilel jech chac c'u cha'al xutax ta ovolaltic, pero mu xc'opojic, mu xanovic; q'uechbil ta xanov yu'unic. Mu me xaxi'ic yu'un le'e; mu'yuc c'usi xu' chopol tspas, me ja'uc c'usi lec, mu xu' yu'un noxtoc”, xi li Muc'ul Diose.

Faic an caibideil Dèan lethbhreac

Bible in Tzotzil de Chamula

5 Ti c'usitic loc'tabilique mu xc'opoj, ja' xchi'ilic jsibtasej-mut, juraxetic ti bu ts'unajtic ti melone. C'ajomal no'ox cucho batel ava'i, yu'un mu xanavic. Altic no'ox ta xaxi'ic yu'un, mi junuc xu' yu'un ta spasel ti c'usi chopole, ti c'usi leque.”

Faic an caibideil Dèan lethbhreac




Jeremías 10:5
16 Iomraidhean Croise  

Laj yiq'uic li jcot vacaxe; la smeltsanic. Te lic sc'opanic li Baale; la sliquesic ta sob c'alal to o'lol c'ac'al jech laj yalic: “¡Baal, tac'bun li jc'opcutique!”, xutic. Pero mu'yuc boch'o xtac'ov. Te ch-ac'otajic ta spat xocon li scajleb smoton spasojique.


Li Muc'ul Diose i'ilin ta stojol li Amasiase, jech la stacbe tal jun yaj'alc'op, jech vul yalbe: —¿C'u yu'un laj avich'be tal sloc'obal sdiosic li yan banamil ti muc ja'uc la scoltaicote? —xut.


Ac'o me chbat ta bic'tal vitsetic li Moabe, ac'o me tsc'an coltael o c'alal to chlubtsaj, ac'o me chbat sc'opan ta snail li sdiose, j'ech'el mu'yuc c'usi tsta o.


“La'ic, tsobo abaic tal; nopajanic tal acotolic ti c'u to avepal cuxul lacomic ta jujun banamile. Mu'yuc sbijilic li boch'otic te yac'oj o yo'ntonic ta stojol li sdiosic pasbilic ta te'e, ti tsc'opanic jun dios ti mu xcoltavane.


Li dios Bele te chyal ta lum stuc; li dios Neboe te chbalch'uj yalel stuc. Scotol li c'usitic cuybilic ta diosetique cuchbil ta ca' chbatic ti bu ch-ic'atic batele. Toj ol yicatsic batel li ca'etique; solel tslubtsajic ta xanubal.


C'alal me ivu' yu'une, chq'uech batel ta snecub; chc'ot sva'an ta yavil, mu xbac' o. Chlic sc'opan, pero mu xtac'bat; mu xcoltaat ta sventa li svocole.


Scotol li cristianoetique mu'yuc sbijilic, bol c'otemic o. Li boch'o ta spasic sloc'obal diosetique ta xyalic ta q'uexlal, yu'un puru lo'lael li c'usi tspasique, yu'un mu cuxuluc.


Toj abul sba li boch'o jech chalbe li c'usi pasbil ta te'e, “Julovan”, ti xute, xchi'uc li boch'o jech chalbe jbej tone, “Lican”, ti xute. ¿Me xu' yu'un chchanubtasvan? Ac'o me lec xa pixbil ta c'anal taq'uin, ta saquil taq'uin, pero mu'yuc cuxul, mu'yuc xch'ulel.


Xana'ic c'u xa'elanic ti c'alal mu'yuc to'ox ach'unojique, lo'labiloxuc to'ox yu'un li adiosic avich'ojic ta muc' ti mu xc'opojique; laj to'ox sventainoxuc.


Ta sventa ti chajaq'uic me xu' chati'ic li smoton c'usitic cuybilic ta diose, pero xana'ic xa ti mu'yuc c'usi stu o li c'usitic cuybilic ta dios li' ta banamile; xana'ic ti jun no'ox Dios oye.


Te chlic tunanic yu'un li diosetic ti pasbilic ta sc'ob cristianoetique, ti pasbilic ta te' xchi'uc ta ton, ti mu xilic osile, ti mu xa'yic c'ope, ti mu xve'ique, ti mu xich'ic iq'ue.


Lean sinn:

Sanasan


Sanasan