Jeremías 10:4 - Bible in Tzotzil de Chenalhó with Deuterocanon

⁴ Ts'acal chlic xpixic lec ta saquil taq'uin, ta c'anal taq'uin ti c'u cha'al lec c'upil sba chc'ot yu'unique. Ta sbajic lec ta lavux xchi'uc ta martillo ti c'u cha'al lec tsinil chc'ote.

Bible in Tzotzil de Chamula

⁴ Mi laj une, ta sbon lec ta plata, ta oro, ta sbaj lec ta martillo xlauxaltac yo' mu xt'ol ti sts'acalultaque.

Jeremías 10:4 Iomraidhean Croise

Salmos 115:4

Li sloc'obaltac dios yu'unique pasbilic no'ox ta saquil taq'uin, ta c'anal taq'uin; pasbilic no'ox ta sc'ob cristianoetic.

Salmos 135:15

Li c'usitic scuyojic ta sdiosic yantic banamiletique pasbilic no'ox ta saquil taq'uin, ta c'anal taq'uin; pasbil no'ox ta sc'ob cristianoetic.

Isaías 44:12

Li jtentaq'uine ta c'oc' ta x'abtej. Ts'acal tstsac jun cincel, ta sten lec ta martillo; tsots ta xac' persa. Me ivi'naje, ta xlaj stsatsal; me itaquij yo'ntone, ta x'alub.

Isaías 46:6

Ep boch'o tsloq'uesic c'anal taq'uin ta xvorxaic; ep boch'o tsbisic ta kilo c'u yalal li saquil taq'uinique. Ts'acal chbat spasic trato xchi'uc li jpasloc'ometique, yu'un ac'o pasbatuc jun sdiosic sventa chich' ta muc', sventa tsquejan sba ta stojol.

Isaías 46:7

C'alal me ivu' yu'une, chq'uech batel ta snecub; chc'ot sva'an ta yavil, mu xbac' o. Chlic sc'opan, pero mu xtac'bat; mu xcoltaat ta sventa li svocole.

Oseas 13:2

¡Ja' jech yoquel tsa' smul o c'alal to tana! Chunijesic li saquil taq'uin yu'unique; tspasic o loc'ometic sventa tscuy ta sdiosic. Li boch'o lec sna' spasele ja' jech ta spas ti c'u x'elan tsc'an yo'ntone. Ts'acal chlic yalbe xchi'iltac ti ac'o smilbeic smotone, ti ac'o sts'uts'ic li sloc'obal vacax spasojique.

Habacuc 2:19

Toj abul sba li boch'o jech chalbe li c'usi pasbil ta te'e, “Julovan”, ti xute, xchi'uc li boch'o jech chalbe jbej tone, “Lican”, ti xute. ¿Me xu' yu'un chchanubtasvan? Ac'o me lec xa pixbil ta c'anal taq'uin, ta saquil taq'uin, pero mu'yuc cuxul, mu'yuc xch'ulel.