Jeremías 10:3 - Bible in Tzotzil de Chenalhó with Deuterocanon

³ Yu'un ti c'u x'elan stalelic, li c'usi chch'unic li yanlumetique mu'yuc stu o. Jbej te' ta xtuch'ic; ta xaanic lec li boch'o lec sna' yaanele.

Bible in Tzotzil de Chamula

³ Ti c'usi xch'unojic ti jteclumetic taje, mu'yuc c'usi xu' yu'un. Ta sc'oquic talel jun bascan te' ta vitstic; ti buch'u xc'abaj o xchi'uque, ta xlic xch'ojilan ta loc'tael xchi'uc sjulub.

Jeremías 10:3 Iomraidhean Croise

Salmos 115:4

Li sloc'obaltac dios yu'unique pasbilic no'ox ta saquil taq'uin, ta c'anal taq'uin; pasbilic no'ox ta sc'ob cristianoetic.

Isaías 45:20

“La'ic, tsobo abaic tal; nopajanic tal acotolic ti c'u to avepal cuxul lacomic ta jujun banamile. Mu'yuc sbijilic li boch'otic te yac'oj o yo'ntonic ta stojol li sdiosic pasbilic ta te'e, ti tsc'opanic jun dios ti mu xcoltavane.

Jeremías 1:16

Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Jeremías 10:8

Li stuquique bol cristianoetic no'ox c'otemic, mu'yuc sbijilic, yu'un mu xbijubtasatic jutuc yu'un li c'usitic pasbil ta te'e.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Jeremías 2:5

Jech chayalboxuc: “¿C'usi chopol la stabicun li amoltotaquic ta vo'one ti inamajic loq'uel ta jtojol, ti ja' ibatic ta stojol li yan diosetic ti mu'yuc stue, ti ja' jech mu'yuc stu ic'ot o xchi'uquique?

Levítico 18:30

Ja' yu'un ja' me pasilanic batel li mantaletic li chanubtaseletic cu'une. Mu me ja'uc xapasic li c'usitic toj chopol tspasic ti c'alal mu'yuc to te oyoxuque. Mu me xabolibtas abaic yu'un vu'un li Muc'ul Diosun avu'unique”, xi li Muc'ul Diose.

San Mateo 6:7

“C'alal chac'opanic Diose, mu me teuc no'ox liquel-liquel avu'un c'usi chavalic jech chac c'u cha'al tspas li yanlum cristianoetic ti mu xotquinic Diose. Yu'un tsnopic ti ja' to jech ch-a'ibat o sc'opic me ep ta velta chalilanique.

Hechos 19:26

Pero avilojic, ava'yojic c'usi ta xalilan li vinic ti Pablo sbie. Mu ja'uc no'ox jech chalilan li' ta Éfeso; jutuc xa mu scotoluc Asia banamil ya'yoj yu'un. Jech ep xa cristianoetic la svoc' sbaic ta sventa li c'usi chalilane. Yu'un chalilanbe cristianoetic ti mu ja'uc Dios li c'usitic pasbil ta c'abale.

Romanos 1:21

Yu'un la sna'ic ti oy Diose, pero muc xich'ic ta muc' jech chac c'u cha'al Dios; mu'yuc bu la stojbeic ta vocol. Solel mu'yuc stu li c'usi la snopique. Icomic ta ic' osil ta scoj li sbolilique.

1 Pedro 1:18

Yu'un xana'ic ti smanojoxuc xa loq'uel ta sventa li achopol talelic ti mu'yuc stue, ti ja' la xchanubtasoxuc comel li amoltot ayame'ic ta vo'onee. Xana'ic ti mu ja'uc la stojoxuc o li c'usi sna' xlaje. Muc ta c'anal taq'uinuc, muc ta saquil taq'uinuc la stojoxuc.