Jeremías 10:16 - Bible in Tzotzil de Chenalhó with Deuterocanon

¹⁶ Mu jechuc li Dios yu'un Jacobe, yu'un li stuque ja' spasoj scotol li c'usitic oye. Li Israele st'ujoj sventa chu'unin o. Ja' Muc'ul Dios tspas ta mantal scotol te ta vinajel, xi sbi.

Bible in Tzotzil de Chamula

¹⁶ Ja'uc ti Dios yu'un ti Jacobe, cajal sc'oplal ta j'ech'el, yu'un ja' laj smeltsan scotol ti c'usitic oye, xchi'uc laj st'uj ti Israele yo' ta xc'ot ta yu'un. Xi ti sc'oplale: Ajvalil Dios ti scotol xu' yu'une.

Jeremías 10:16 Iomraidhean Croise

Salmos 119:57

Muc'ul Dios, vo'ot no'ox Diosot o cu'un, caloj ta jamal ti ta jch'unbot li ac'ope.

Salmos 135:4

Yu'un li Muc'ul Diose st'ujoj xa li Jacobe, ja' li Israele, yu'un tsc'an chu'unin o.

Salmos 142:5

Ja' yu'un vo'ot xivocolet ta atojol, Muc'ul Dios; chacalbot ti vo'ot jnac'ubbailote, ti vo'ot no'ox Diosot cu'une, ti vo'ot j'ac'cuxlejalot cu'une.

Salmos 33:6

Li vinajele ta sc'op no'ox Muc'ul Dios i'ayin; scotol li c'usitic oy ta vinajele ta yic'al ye no'ox la spas.

Salmos 73:26

Li jbec'tal xchi'uc co'ntone ta xlaj yip, pero li stsatsal co'ntone ja' li Diose; mu'yuc c'usi yan sc'an chca'ay o sbatel osil.

Salmos 74:2

Na'o me li jteclum avu'un ti laj ono'ox apoj tal ta vo'onee, xchi'uc ti laj ono'ox acolta tal ta sventa chavu'unin oe. Jech noxtoc na'o me li vits Sión ti bu lanaquie.

Éxodo 19:5

Ja' yu'un me chach'unic scotol li c'usi caloje, xchi'uc me chavich'ic ta muc' li c'usi chapanbil cu'une, vo'oxuc no'ox atuquic lec chaquiloxuc ta scotol li yantic lumetique yu'un ja' cu'un scotol li banamile.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Proverbios 16:4

Scotol li c'usitic spasoj Muc'ul Diose oy slajeb, jech ec li boch'otic chopolique ja' slajebic ti chbat stoj smulique.

Isaías 19:25

Yu'un li Muc'ul Dios ti ech'em svu'ele ta xac'be bendición li lumetique, jech yaloj: “Ta xcac'be bendición li Egipto ja' li lum cu'une, xchi'uc li Asiria ja' li yabtel coc jc'obe, xchi'uc li Israel ti t'ujbil cu'une”, xi.

Isaías 45:7

Vu'un jtuc la jpas li c'usitic chac' xojobale; vu'un laj cac' li ac'ubale; vu'un chcac' jun o'ntonal; vu'un chcac' ac'o taluc vocol noxtoc. Vu'un li Muc'ul Diosune, vu'un ta jpas scotol jech chac le'e.

Isaías 47:4

Li Jpojvanej cu'untique ja' li Ch'ul Dios yu'un Israele, Muc'ul Dios ech'em svu'el, ti xi sbie, jech chal:

Isaías 47:6

Li'ilin to'ox yu'un li jteclume; laj caq'uic ta q'uexlal li jun banamil t'ujbil cu'une. Ja' yu'un laj cac'bot ta ac'ob, pero me jutuc muc xac'uxubin; laj avac'be xcuch alal icatsil avu'un li moletique.

Isaías 51:15

“Vu'un Muc'ul Diosun avu'un; Muc'ul Dios ech'em stsatsal, xi li jbie. Vu'un la jyuc' li nabe; laj cac' vo'etuc li yip ti xyuc'lajet no'oxe.

Isaías 54:5

Li amalal c'oteme, ja' li Boch'o la spasote, ja' Muc'ul Dios ech'em svu'el xi sbi. Li Jpojvanej avu'une ja' Ch'ul Dios yu'un Israel, Dios yu'un sbejel banamil xi sbi.

Jeremías 10:12

Li Muc'ul Diose ta svu'el la spas li banamile; ta sbijil la xchapan, la snacan lec li osil banamile, xchi'uc ta sventa sbijil la xlich'an batel li vinajele.

Jeremías 10:6

Muc'ul Dios, mu'yuc boch'o yan xco'laj jech chac c'u cha'al li vo'ote. Li vo'ote toj ech'em amuc'ul, toj muc' ta a'yel li abie, toj ech'em stsatsal.

Jeremías 31:35

Li Muc'ul Dios ti ja' laj yac' c'ac'al sventa tsacubtas osil ta c'ac'altique, xchi'uc li u xchi'uc c'analetic sventa tsacubtasic osil ta ac'ubaltique, xchi'uc ti ja' chac' syuc' sba li nab ti tsots chbac' yu'une, ja' li Muc'ul Dios sbi ti ja' tspas ta mantal scotol te ta vinajele, jech chal:

Jeremías 32:18

Jech noxtoc toj c'ux ta avo'nton ep ta mil cristianoetic, xchi'uc chavac'be svocol alab nich'nabetic ta scoj smul stot sme'ic noxtoc. ¡Vo'ot muc'ul Diosot, toj ech'em avu'el atsatsal! Ja' Muc'ul Dios, ja' tspas ta mantal scotol te ta vinajel, xi li abie.

Jeremías 33:2

“Vu'un li Muc'ul Diosune, vu'un ti la jpas banamile, ti la jchapan lec, ti la jnacan lec ta snaclebe, jech chacalbot:

Jeremías 46:18

Vu'un jtuc Ajvalilun. Vu'un li Muc'ul Diosun ti ta jpas ta mantal scotol te ta vinajele, jech chcal ta sventa ti vu'un cuxulun oe: Jech chac c'u cha'al li vits Tabor ti jeloven ta jol vitsetique, xchi'uc li vits Carmelo ti jeloven to ta sba li nabetique, ja' jech ta xtal li avajcontrae.

Jeremías 50:34

Pero vu'un li jpojvanejun yu'unique lec xu' cu'un; ja' Muc'ul Dios tspas ta mantal scotol te ta vinajel, xi jbi. Vu'un ta jchapan, vu'un ta jva'an jba ta scoltael. Vu'un chcac' ti ac'o junuc yo'nton scotolic te ta yosilalique; vu'un ta xcac'be svocol li jnaclumetic ta Babiloniae”, xi li Muc'ul Diose.

Jeremías 51:19

Mu jechuc li Dios yu'un Jacobe, yu'un li stuque ja' laj yac' ayinuc scotol li c'usitic oye. Jech noxtoc li Israele ja' la st'uj sventa chu'unin o; ja' Muc'ul Dios tspas ta mantal scotol te ta vinajel, xi sbi.

Lamentaciones 3:24

Ja' yu'un jech chcal: ja' no'ox te ta jta o coltael ta stojol li Muc'ul Diose, ja' yu'un ja' no'ox jpatoj o co'nton ta stojol.

Amós 4:13

Yu'un li Boch'o la sva'an li vitsetic xchi'uc ti laj yac' li iq'ue, xchi'uc ti chac'be sna' cristianoetic li c'usi snopoj ta sjol ta yo'ntone, ti xu' yu'un ta sc'atajes ta ic' osil li sac osile, ti oy ta sc'ob scotol li c'usitic oy ta banamile, ja' Muc'ul Dios sbi ti tspas ta mantal scotol te ta vinajele.

Zacarías 2:12

Li Muc'ul Diose ta xac' nacluc yan velta ta ch'ul banamil li Judae; ja' yu'un chc'ot o. Jech noxtoc li lum Jerusalene ja' t'ujbil lum chc'ot o.

Deuteronomio 32:9

Yu'un li c'usi ja' yu'un Muc'ul Dios ja' li boch'o t'ujbilic yu'une, ja' li smomnich'nabtac Jacobe.