Jeremías 10:12 - Bible in Tzotzil de Chenalhó with Deuterocanon

¹² Li Muc'ul Diose ta svu'el la spas li banamile; ta sbijil la xchapan, la snacan lec li osil banamile, xchi'uc ta sventa sbijil la xlich'an batel li vinajele.

Bible in Tzotzil de Chamula

¹² Ta sventa smuc'ul stsatsal, laj smeltsan banomil ti Diose; ta sventa sbijil stuc, laj yac'be yic ti banomile; ta sventa sbijil stuc, ti bu c'alal smacoj c'ot yu'un ti vinajele.

Jeremías 10:12 Iomraidhean Croise

Génesis 1:1

Ta sliqueb c'alal lic ayinuc scotole, Dios la spas li vinajel xchi'uc banamile.

Génesis 2:5

mu'yuc to'ox ch'iemic li te'etique xchi'uc mu'yuc to'ox chjavan tal li ts'i'laletique. Yu'un li Muc'ul Diose mu'yuc to laj yac' taluc vo' ta banamil, xchi'uc mu'yuc to'ox boch'o chabtelan li banamile.

1 Crónicas 16:26

Li diosetic yu'un yantic lumetique loc'tabilic no'ox; yan li Muc'ul Diose ja' la spas li vinajele.

Job 26:7

Li Diose ja' la xlich'an batel vinajel ti bu xocole; ja' la st'uyan ta jech no'ox li banamile.

Job 37:18

¿Me vo'ot laj acolta ta xlich'anel vinajel li Dios ti jech lec tsots icom jech chac c'u cha'al lechlech taq'uine?

Job 9:8

Stuc la xlich'an li vinajele; ja' xu' yu'un tspas ta mantal li nab ti toyolic no'ox xvil ta yuc'lajetele.

Salmos 104:2

Pixilot o ta sac osil jech chac c'u cha'al c'usi pixil ta saquil poc'; vo'ot laj alich'an jech chac c'u cha'al poc' li vinajele.

Salmos 104:24

Solel mu stac' atel li c'usitic apasoje, Muc'ul Dios. Scotol le'e laj apas ta sventa abijil; li banamile noj ta sventa scotol li c'usitic apasoje.

Salmos 119:90

Li alequil atuq'uile te oy o sbatel osil; vo'ot laj anacan li banamile, jech lec nacal icom o.

Salmos 24:2

Yu'un ja' la snacan ta ba nab li banamile; ja' la xchotan ta ba vo'etic.

Salmos 33:6

Li vinajele ta sc'op no'ox Muc'ul Dios i'ayin; scotol li c'usitic oy ta vinajele ta yic'al ye no'ox la spas.

Salmos 65:7

Vo'ot chapajes ti c'alal chlic ta vo'etel, ti c'alal chlic ta yuc'lajetel li nabetique, xchi'uc vo'ot chapajes ti c'alal xvochlajetic no'ox li cristianoetique.

Salmos 78:69

La sva'an jun lequil ch'ulna yu'un; j'ech'el te la snacan o jech chac c'u cha'al banamil ti staoj lec yav oe.

Salmos 93:1

Li Muc'ul Diose ja' Ajvalil stuc; slapoj o lec ya'yel li xojobale, xchuquinoj o lec ya'yel li svu'ele. Ja' la snacan lec li banamile, yu'un jech mu xlom.

Proverbios 3:19

Li Muc'ul Diose ta sventa sbijil la snacan li banamile; ta sventa sbijil la xlich'an li vinajele.

Proverbios 30:4

¿Me oy boch'o ayem tal ta vinajel ti ts'acal iyal tale? ¿Boch'o xu' yu'un tstsac ta sc'ob li iq'ue? ¿Boch'o xu' yu'un chchup ta sc'u' li nabe? ¿Boch'o laj yac'be sti'iltac li banamile? ¿Me xu' chavalbicun c'usi sbi xchi'uc c'usi sjol sbi?

Isaías 37:16

“Muc'ul Dios, vo'ot ti ech'em avu'ele, vo'ot Diosot yu'un li Israele, vo'ot ti te nacalot ta o'lol yu'un li chib sloc'obal querubinetique, vo'ot no'ox atuc Diosot yu'un scotol li ajvaliletic ta banamile, vo'ot laj apas li vinajel banamile.

Isaías 40:22

ti te chotol ta toyol ta yac'ol banamil ta ven toyol li Diose, ti xco'laj xchi'uc jcot ta xc'ajben chil li cristianoetique? Li stuque ja' chlich' batel jech chac c'u cha'al poc' li vinajele; ja' chjilch'un batel jech chac c'u cha'al spoc'al carpana.

Isaías 42:5

Li Muc'ul Diose, ja' li Boch'o ta jech no'ox i'ayin yu'un li vinajele, ti la xlich'an batel jech chac c'u cha'al poq'ue, ti la sq'ui batel li banamile xchi'uc li c'usitic te ch'iemique, ti ja' chac'be yich'ic ic' li boch'otic te nacajtique, ti ja' chac'be xcuxlejal li boch'otic te chanovique, jech chalbe li yajtunele:

Isaías 44:24

Li Muc'ul Dios, ja' li Jpojvanej avu'un ti la xchapanot tal ta yut ch'utile, jech chal: “Vu'un Muc'ul Diosun, jtuc la jpas scotol li c'usitic oye; jtuc la jlich'an batel li vinajele; jtuc la jnacan lec li banamile.

Isaías 45:12

Vu'un laj cac' ayinuc li banamile xchi'uc li cristianoetic te nacajtique; ta jc'ob jtuc la jlich'an batel li vinajele xchi'uc li c'usitic yan te laj caq'ue.

Isaías 45:18

Jech chal li Muc'ul Dios ti la spas vinajele, ja' ta melel, ja' li boch'o la spas banamile, ti la xchapan leque, ti lec nacal icom yu'un sventa ac'o oyuc boch'otic te chnaquie: “Vu'un muc'ul Diosun jtuc, mu'yuc yan dios.

Isaías 48:13

Ta jc'ob jtuc la jnacan li banamile; ta jc'ob jtuc la jlich'an li vinajele. C'alal laj calbe sbiique, ta ora lic ayinuc.

Isaías 49:8

Li Muc'ul Diose jech chal: “C'alal ja' xa yorail chac'uxubaj ta co'ntone, chca'ibot li ac'ope; c'alal ja' xa sc'ac'alil chacole, ta jcoltaot. Vu'un la jchabiot, vu'un la jt'ujot sventa chc'ot ta pasel li c'usi jchapanoj ono'ox jchi'uc li jteclum cu'une, yu'un jech xu' chlic yich' cha'lecubtasel li yosilalique, jech chlic ochuc ta sc'obic yan velta li banamil ti soquesbil xae.

Jeremías 10:13

Ta sc'op no'ox ta xbac' li chauque, jech ta stsob sba li epal vo' ta vinajele; ja' ta xac' muyuc li toquetic oy ta jujujot sti' banamile. Ja' ta xac' noxtoc li sacsevuletic c'alal chac' vo'e. Ja' ta sloq'ues tal noxtoc li iq'uetic ti bu tsobol yu'une.

Jeremías 10:16

Mu jechuc li Dios yu'un Jacobe, yu'un li stuque ja' spasoj scotol li c'usitic oye. Li Israele st'ujoj sventa chu'unin o. Ja' Muc'ul Dios tspas ta mantal scotol te ta vinajel, xi sbi.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Jeremías 27:5

Vu'un la jpas li banamile xchi'uc li cristianoetique xchi'uc li chonbolometic oy ta sba banamile. Ta jvu'el ta jtsatsal, ta coc jc'ob imeltsaj cu'un, jech xu' cu'un ta xcac'be ta sc'ob li boch'o tsc'an co'nton chcac'bee.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Zacarías 12:1

Li Muc'ul Diose laj yal c'usi chc'ot ta pasel ta stojol li Israele. Li Muc'ul Dios ti ja' la xlich'an li vinajele, ti ja' la snacan li banamile, ti ja' laj yac'be xch'ulel li cristianoe, jech chal:

San Juan 1:3

Ja' ta sventa laj yich' pasel scotol li c'usitic oye. Ti manchuc oy li C'ope, me jchopuc mu'yuc c'usi pasbil tana ti jechuque.

Colosenses 1:16

Ja' ta sventa i'ayin scotol li c'usitic oy ta vinajele, li c'usitic oy ta banamile, xchi'uc li c'usitic xquil ta jsatique, xchi'uc li c'usitic mu xquil ta jsatique, ti tsots tspasic mantale, ti ch'unbil smantalique, ja' li banquilaletique, ti tsots svu'elique. Scotol le'e ja' laj yich'ic pasel yu'un li Cristoe, xchi'uc ja' sventa ac'o ich'atuc ta muc'.