Jeremías 10:10 - Bible in Tzotzil de Chenalhó with Deuterocanon

¹⁰ Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

Bible in Tzotzil de Chamula

¹⁰ Ti Ajvalile, ja' ti Bats'i Diose, ti cuxul Diose, ti sbatel osil oy ta Ajvalilale. C'alal mi iline, ta xnic yu'un ti banomile; ta sc'ac'al no'ox yo'nton, ta xtub sc'oplal yu'un ti muc'tiquil lumetique.

Jeremías 10:10 Iomraidhean Croise

Génesis 21:33

Li Abrahame la sts'un jpets te' tamarisco te' ta Beerseba, ja' te laj yich' ta muc' li Muc'ul Dios ti cuxul sbatel osile.

1 Reyes 18:39

C'alal laj yilic scotol li israeletique, la squejan spatan sbaic ta banamil, jech laj yalic: “¡Li Muc'ul Diose ja' Dios ta melel; li Muc'ul Diose ja' Dios ta melel!”, xiic.

1 Reyes 8:60

Yu'un jech ac'o sna'ic scotol cristianoetic ta banamil ti ja' no'ox stuc Dios li Muc'ul Diose ti mu'yuc yane.

1 Crónicas 29:11

Vo'ot no'ox atuc oy ta aventa ich'el ta muc'; albel alequilal. Vo'ot no'ox oy atsatsal, oy avu'el; aventainoj scotol. Yu'un ja' avu'un scotol li c'usitic oy ta vinajel xchi'uc ta banamile. Vo'ot chapas ta mantal scotol, yu'un vo'ot no'ox banquilalot atuc.

2 Crónicas 15:3

Li israeletique ep xa c'ac'al mu'yuquic ta stojol Dios, xchi'uc mu'yuc paleetic yu'unic sventa chchanubtasatic, me jutuc mu'yuc cha'ibeic o smantal li Diose.

Job 9:6

Ja' tsniques li banamile; ja' tsbaq'uesbe li yoyaltaque.

Salmos 10:16

Li Muc'ul Diose ja' Muc'ta Ajvalil o sbatel osil. Li boch'otic mu xich'ic ta muq'ue tsmes loq'uel ta stojol.

Salmos 100:3

C'otuc ta avo'ntonic ti ja' Dios ta melel li Muc'ul Diose. Ja' la spasutic, muc jechuc no'ox lij'ayin jtuctic; vu'utic steclumalutic, sts'unub xchij c'otemutic.

Salmos 100:5

Yu'un ja' toj lec li Muc'ul Diose, sbatel osil mu xlaj o li c'uxubinel yu'une; mu'yuc spajebal ti jun yo'nton ta jtojoltique.

Salmos 104:32

C'alal ta sq'uel li banamile, ta xlic nicuc; c'alal ta stij li vitsetique, ta xt'om, ta xloc' xch'ayilal.

Salmos 114:7

Banamil, nican ta stojol li Avajvale; nican ta stojol li Dios yu'un Jacobe.

Salmos 145:13

Sbatel osil mu xlaj o li avabtel chapas mantale; sbatel osil vo'ot ajvalilot o yu'un scotol.

Salmos 146:6

Ja' li boch'o la spas vinajel banamile, xchi'uc li nabetique xchi'uc scotol li c'usitic te oye; ja' li boch'o puru melelic c'usi chal sbatel osile.

Salmos 18:7

Jech tsots inic li banamile, inic c'alal ta yibel li vitsetique; inic ta sc'ac'al yo'nton li Muc'ul Diose.

Salmos 29:10

Li Muc'ul Diose ja' tspas ta mantal li vo'e; li Muc'ul Diose ja' Ajvalil, ja' jpasmantal sbatel osil.

Salmos 31:5

Chcac' ta ac'ob li jch'ulele; coltaun me, Muc'ul Dios, vo'ot li Diosot ta melele.

Salmos 42:2

Toj taquin co'nton chca'ay ta stojol li Diose, ja' li j'ac'cuxlejale. ¿Baq'uin to xu' chibat, chbat jva'an jba ta stojol li Diose?

Salmos 68:11

Li Cajvaltique oy c'usi laj yal; ep boch'otic la spuquic batel li c'usi laj yale.

Salmos 68:8

inic li banamile, iyal tal vo' ta vinajel; li vits Sinaie inic ta atojol, vo'ot li Diosot yu'un Israele.

Salmos 74:12

Vo'one ono'ox vo'ot ajvalilot cu'un; ep velta laj acoltauncutic li' ta sba li banamile, Dios cu'un.

Salmos 76:7

Dios cu'un, li vo'ote xi'bilot. ¿Boch'o xu' yu'un chva'i ta asat ti c'alal chlic sc'ac'al avo'ntone?

Salmos 76:8

Te to ta vinajel laj avac' tal ta a'yel ti tuc' chachapanvane; scotol li cristianoetic ta banamile ixi'ic, ch'anxaxi lamal icomic.

Salmos 77:18

Ivinaj xt'omlajet no'ox ta sutub ic' li chauquetic avu'une. Li sacsevuletique isacjamtaj yu'unic li banamile; tsots ibac', tsots inic li banamile.

Salmos 84:2

Toj juteb co'nton chac te oyucun ca'ay ta ch'ulna avu'un; li co'nton xchi'uc jbec'tale chq'uejin no'ox ta atojol, cuxul Dios.

Salmos 9:8

Lec tuc' chchapan sbejel banamil; tuc' chalbe c'u x'elan chcom jujun lum.

Salmos 90:11

¿Boch'o xotquin c'u x'elan stsatsal ti c'alal cha'iline? ¿Boch'o sna' c'u yalal li sc'ac'al avo'ntone?

Salmos 90:2

Ta vo'one c'alal mu'yuc to'ox ch-ayin li vitsetique, c'alal mu'yuc to'ox ch-ayin li banamil xchi'uc li c'usitic oye, vo'ot ono'ox Diosot o; sbatel osil te oyot o.

Salmos 93:2

Muc'ul Dios, ta sliquebal ono'ox staoj lec snacleb o li achotlebe; atalel te oyot o sbatel osil.

Salmos 97:4

Sacuben banamil yu'un li sacsevuletic yu'une. Li banamile inic ti c'alal laj yile.

Isaías 37:17

Muc'ul Dios, a'ibun li jc'ope; vic'o li asate, q'ueluncutic me. A'yo ava'ay scotol c'usi laj yal li ajvalil Senaquerib ti li' la stac tal yaj'abteltac ta sventa la xchopolc'optaot vo'ot li cuxul Diosote.

Isaías 37:4

Oy yic'al laj ya'ay Dios avu'un c'usi laj yal li yaj'abtel ajvalil ta Asiriae. Ja' tacbil tal sventa ay xchopolc'opta li cuxul Diose, laj yac' ta na'leel ta sventa li c'usitic laj yale. Oyuc c'uxi x'ac'bat stoj smul yu'un Muc'ul Dios ta sventa li c'usitic laj yale. C'opano Dios yu'un ac'o scolta li jchi'iltactic ti c'u to yepal li' comenique, xi li ajvalile’, utic c'otel —xut.

Isaías 40:15

Li stuque xco'laj xchi'uc jts'uj ta vo' chil li jujun banamile; xco'laj xchi'uc jbej ta sat pucuc yalal chil. Li bic'tal banamil cacajtic ta nabe; xco'laj xchi'uc jbej ta sat yi' chil.

Isaías 40:28

¿Me yu'un mu xana'ic, me mu'yuc ava'yojic? Li Dios ti te oy o sbatel osile, ja' li Muc'ul Diose, ja' la spas sbejel li banamile. Mu sna' x'ech' yo'nton, mu sna' slubtsaj. Mu'yuc boch'o xu' tstabe li sbijile.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 65:16

Me chlic sc'anic bendición te ta yosilalique, ja' no'ox tsc'anic ta jbi vu'un ti melel c'usi chcale. Me oy c'usi chal ta jamal tspas te ta yosilalique, ja' no'ox chist'abbun jbi vu'un ti mu jna' jel co'ntone. Yu'un li tsots vocol te to'ox oye chch'ay ta o'ntonal scotol; tsacch'ay xa batel ta jsat.

Jeremías 23:36

Mu me xtal ta ajolic ta anil no'ox ti jech chavalique: ‘Ja' icatsil cha'ay Muc'ul Dios’, ti xie, yu'un me jech chavalique, ta me xjoybij ta avac'olic li ac'opique, yu'un chavixtanbicun c'usi laj cal vu'un li cuxul Diosun ti ta jpas ta mantal scotol te ta vinajele, vu'un li Diosun avu'unique.

Jeremías 4:2

xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Jeremías 4:24

La jq'uel noxtoc li vitsetique, solel xniclajetic ta jyalel; scotol li bic'tal vitsetique xnechlajetic noxtoc.

Jeremías 50:46

C'alal chjin li Babiloniae, ta xnic li banamile, yu'un xc'ululet ta jyalel. Li oq'uele xvinaj to batel ta yantic lumetic.

Jeremías 51:29

Li banamile ta xnic, ta xbac', yu'un ta xac' c'otuc ta pasel c'usi xchapanoj ta stojol Babilonia li Muc'ul Diose. Ta sc'atajes o ta xocol banamil; mu'yuc xa boch'o te chnaqui o.

Daniel 4:3

¡Toj muc'tic, toj tsotsic ta jyalel li sq'uelubil stsatsal la spase! Li yabtel ta ajvalilale mu xlaj sc'oplal o sbatel osil. Ja' jpasmantal o ti jayc'ol cristianoetic chjelove.

Daniel 4:34

“C'alal its'aqui li vucub jabile, vu'un li Nabucodonosorune, la jtoy jsat ta vinajel, ja' to laj ca'ay ti isut tal yan velta li jrazone. Jech te lic calbe slequilal li Dios ta vinajele; laj quich' ta muc' li Boch'o cuxul o sbatel osile, jech laj cal: ‘Ja' tspas mantal o sbatel osil; ja' ajvalil o yu'un ti jayc'ol cristianoetic chjelove.

Daniel 6:26

Vu'un ta xcal tal jtuc li mantal li'i: Ta scotol ti c'u smuc'ul jventainoje, ac'o yich'ic ta muc', ac'o xi'icuc yu'un li Dios yu'un Daniele. “Yu'un li stuque ja' cuxul Dios; te oy o ta sbatel osil. Li yabtel tspas mantale mu xu' chich' tuch'bel o; mu'yuc slajeb o tspas mantal.

Daniel 6:27

Ja' chcoltavan, ja' chpojvan; ja' la spas muc'tic sq'uelubil stsatsal ta vinajel xchi'uc ta banamil. Ja' la scolta li Daniele, jech muc xlaj ta ti'el ta leonetic”, xi laj yal batel.

Daniel 7:14

Laj yich' ac'bel tsots yabtel; laj yich' ac'bel svu'el, xchi'uc laj yich' ac'bel spas mantal. Li cristianoetic ta jujun lum, ta jujun banamil, ta jujuchop c'ope te chtunic ta stojol. Li yabtel i'ac'bate mu xlaj sc'oplal o; li yabtel ta ajvalilale mu xu' chich' tuch'bel o.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Miqueas 1:4

Li muc'tic vitsetique ta x'unij ta yacan jech chac c'u cha'al chab ti ch-unij ta c'oq'ue; ta xbein yalel ta stenlejaltic jech chac c'u cha'al vo' ti chch'ac batel sbee.

Nahúm 1:5

Li vitsetique ta xnic ta stojol li Diose, li bic'tal vitsetique ta x'ulan ta stojol. Li banamil xchi'uc scotol li cristianoetic te nacajtique ta xnic yu'un; sbejlijil banamil ta xnic ta stojol.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

Habacuc 3:10

C'alal laj yilicot li vitsetique, iniquic ta xi'el; ijelov tsatsal chauquil vo' ta sbaic. Li muc'ta nabe tsots ibac'; toyolic no'ox stoy muyel sc'ob.

Habacuc 3:6

Chva'i, tsniques li banamile. C'alal tsq'uel osile, ta xnic li jujun banamile. Li muc'tic vits ti te ono'ox oy tal ta vo'onee chlilij scotol. Li stselejtic ti te ono'ox tselajtic oe ta x'ulan scotol. Yan li c'usitic tspas Diose mu sna' xlaj sc'oplal.

Malaquías 3:2

¿Boch'o chcuch yu'un ti c'alal yorail chtale? ¿Boch'o xu' lec va'al chcom ti c'alal chvul ta loq'uele? Yu'un ja' jech chvul jech chac c'u cha'al c'oc' ti chchic' loq'uel li c'usi mu xtune; ja' jech ch-abtej chac c'u cha'al lequil xavon ti tsloq'ues scotol li ic'ubale.

San Mateo 16:16

Itac'ov li Simón Pedroe: —Vo'ot Cristoot, Vo'ot Xnich'onot li cuxul Diose —xut.

San Mateo 26:63

Pero li Jesuse me jbeluc muc stac'. Li banquilal palee la sjac'be noxtoc li Jesuse: —Alo ca'tic ta stojol cuxul Dios me vo'ot Cristoote, me vo'ot Xnich'onot li Diose —xut.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Deuteronomio 32:4

Ja' Jchabivanej cu'untic; li stuque lec yabtel. Tuc' c'usi tspas; lec scotol li yabtele. Ja' Dios ti mu sna' x'epalc'opoje. Mu'yuc c'usi chopol oy ta yo'nton. Tuc' yo'nton, melelic scotol c'usi chal.

Deuteronomio 5:26

Mu'yuc boch'o xu' yu'un cha'ibe sc'opojel li cuxul Dios ta o'lol c'oc' jech chac c'u cha'al laj ca'itic, ti muc boch'o xcham cu'untique.

1 Tesalonicenses 1:9

Yu'un stuquic xa chalic c'u x'elan laj avich'uncutic ta muc' ti c'alal lic'otcutic te ta atojolique, xchi'uc ti laj acomtsanic yich'el ta muc' li c'usitic cuybilic ta diose, ti ja' latalic ta stojol li bats'i cuxul Diose, ti ja' xa chatunic yu'une.

1 Timoteo 1:17

Ja' yu'un ja' ac'o quich'tic ta muc', ja' ac'o calbetic slequilal stuc li Muc'ta Ajvalil cu'untic ta sbatel osile. Ja' li Dios ti mu sna' xcham oe, ti mu xquiltique, ti ja' no'ox stuc Dios cu'untique. Jechuc.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

Hebreos 10:31

¡Toj xi'bal me sba me lij'och xa'ox ta sc'ob li cuxul Diose!

Josué 3:10

Li'i ja' svinajeb ti ta melel li' xchi'inojutic li mero cuxul Diose. C'alal chijxanovutic batele, ja' stuc ta smes loq'uel scotol li canaanetic, hetetic, hevetic, ferezetic, gergesetic, amorretic, xchi'uc li jebusetique.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Jueces 5:4

“Muc'ul Dios, c'alal laloc' tal ta Seire, c'alal labat ta yosilal edometique, inic li banamile; iyal tal vo' ta vinajel. Iyalan tal ya'lel li toquetique.

1 Samuel 17:26

Li Davide jech la sjac'be li boch'otic te oyic ta sts'ele: —¿C'usi chich' ac'bel li boch'o xu' yu'un tsmil li filista vinic le'e, yu'un jech chlaj sc'oplal li na'leel chac'be jchi'iltactique? ¿Bu xa'ox iloc' tal li bol filista vinic ti tsa'ilanbe sjol yajsoldadotac cuxul Diose? —xut.

1 Samuel 17:36

C'usiuc chtal, me león, o me oso, persa ta jmilan, vu'un li avaj'abtelune, ajvalil. Ja' no'ox jech ta jpasbe li bol filista vinic le'e, yu'un laj xa sa'ilanbe sjol yajsoldadotac li cuxul Diose.