Jeremías 1:9 - Bible in Tzotzil de Chenalhó with Deuterocanon

⁹ Li Muc'ul Diose la xbech sc'ob, la spicbun que, jech laj yalbun: “A'yo ava'ay, li' ta xcac' ta ave li jc'ope.

Bible in Tzotzil de Chamula

⁹ Va'i un, ti Diose laj xach' talel ti sc'obe, laj yac' ta que, ti xi laj yalbune:

Jeremías 1:9 Iomraidhean Croise

Isaías 49:2

Li quee la sc'atajesbun jech chac c'u cha'al espada ti lec juxbil yee; la smacun lec ta xyaxinal sc'ob; la sc'atajesun jech chac c'u cha'al flecha ti lec ts'ubts'ub sni'e; la snac'un lec ta scajonal yabtejeb.

Isaías 50:4

Li Muc'ul Diose la sbijubtasun lec, yu'un jech ta jna' c'u x'elan ta jc'opan li boch'otic lubenique. Ta jujun sob chilic, ta xca'ay lec li bijubtasele; ch'anxichi ta jtuc'ulan lec.

Isaías 51:16

Vu'un la jlich'an batel li vinajele; vu'un la jnacan lec li banamile. Vu'un laj cac'bot ta ave noxtoc li jc'ope; vu'un la jchabiot, la jventainot lec. Vu'un noxtoc ti jech laj calbe li Sione: ‘Vo'ot jlumalot’, xcut”, xi li Muc'ul Diose.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Jeremías 15:19

Jech la stac'bun li Muc'ul Diose: “Me chasutes avo'nton ta jtojole, chaquic'ot o sventa li' chatun cu'un. Me chapajes aba ta bic'tal vulvunele, me ja' no'ox chaval li c'usi leque, vu'un ta jventa chac'opoj, vo'ot queot chac'ot. Jech ta sutes yo'ntonic ta atojol li achi'iltaque; muc vo'ocot chabat ta stojolic.

Jeremías 34:6

Li j'alc'op Jeremiase ja' jech ay yalbe scotol li ajvalil Sedequías te ta Jerusalene.

Jeremías 36:2

“Tsaco junuc balbil vun, ja' te xats'iba scotol li c'usi laj calbot ta sventa li Judá, ta sventa Jerusalén, xchi'uc ta sventa yantic lumetique. Xquechet xlic ats'iba scotol c'alal lic jc'opanot tal ta yorail c'alal cuxul to'ox li ajvalil Josiase, xchi'uc c'alal to tanae.

Jeremías 5:14

Ja' yu'un jech chal li Muc'ul Dios ti tspas ta mantal scotol te ta vinajele: “Ta sventa ti jech chc'opojic ta jtojole, ta xcac'bot ta ave li jc'ope; ja' jech chc'ot jech chac c'u cha'al c'oc'. Li achi'iltaque ja' jech chc'otic jech chac c'u cha'al si'; ja' ta xchic'atic o yu'un li c'oq'ue”, xi.

Ezequiel 3:10

Jech laj yalbun noxtoc: “Tuc'ulano lec ava'ay li c'usi chacalbote; comtsano lec ta ajol.

Daniel 10:10

Oy jun c'abal la snitun liquel; cotol ta banamil licom yu'un, pero chinic ta jyalel.

Daniel 10:16

Pero li boch'o xco'laj xchi'uc cristiano yilele la spicbun li quee, jech te lic c'opojcun, jech laj calbe li boch'o te oy ta jts'ele: ‘Cajval, li c'usi laj avac'bun quile chiyac'bun ep jvocol; solel la slajesbun jtsatsal chca'ay.

Números 23:5

Li Muc'ul Diose laj yac' ti ja' ac'o loc'uc ta ye Balaam li c'usi oy ta yo'nton Muc'ul Diose. Jech laj yalbe: —Sutan batel yo' bu oy li Balaque. Ja' no'ox xc'ot avalbe li c'usi laj calbote —xut.

San Mateo 10:19

C'alal cha'ac'atic ta c'abale, mu me xlo'ilaj avo'ntonic ta sventa c'uxi chatac'ovic xchi'uc c'usi chavalic. Yu'un c'alal ja'o yorail jech chc'ot ta pasele, te cha'ac'bat ana'ic li c'usi chavalique.

Marcos 7:33

Li Jesuse slecoj laj yic' loq'uel li vinique; la stic' ochel sni' sc'ob ta jujun xchiquin. Xchi'uc la stubta sc'ob; la spicbe yoc' li vinique.

San Lucas 12:12

Ja' Ch'ul Espíritu ta xac'boxuc ana'ic c'usi chavalic ti c'alal te xa oyoxuque”, xi li Jesuse.

San Lucas 21:15

Yu'un vu'un chcac' ana'ic c'usi chavalic, xchi'uc vu'un ta xcac'boxuc abijilic. Jech mu xastsaloxuc ta lo'il, jech mu xu' yu'unic staq'uel li boch'o ta scontrainoxuque.

Deuteronomio 18:16

Yu'un jech ono'ox laj ac'anbeic Muc'ul Dios ti c'alal te tsoboloxuc acotolic ta vits Horebe. Jech laj avalic: ‘Mu xa jc'an xca'ibecutic yan velta sc'opojel li Diose. Mu jc'an jq'uelcutic yan velta li muc'ta c'oq'ue yu'un naca me chamcuncutic’, xachiic.

Deuteronomio 18:17

Ja' yu'un jech laj yalbun li Muc'ul Diose: ‘Lec li c'usi laj yalique.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.