Jeremías 1:8 - Bible in Tzotzil de Chenalhó with Deuterocanon

⁸ C'alal te oyot ta stojolique, mu me xaxi', vu'un chajcoltaot”, xiyutun.

Bible in Tzotzil de Chamula

⁸ Lajuc to sc'oplal ti oy buch'u oy xi'elal ta xava'ie, yu'un ta jtic' jba ta apojel, oyun ta atojol. Ti vu'un Diosune jbel mu stselbuj ti jc'ope.”

Jeremías 1:8 Iomraidhean Croise

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Isaías 43:2

C'alal chatuch' jelovel muc'tic nabe, te chajchi'inot; c'alal chatuch' jelovel uc'umetique, mu xaxcuchot batel; c'alal chajelov ta o'lol coq'ue, mu'yuc chac'ac'; mu xaxchic'ot li yat c'oq'ue.

Isaías 51:12

“Vu'un jtuc ta xcac'bot stsatsal avo'nton. Jech ¿c'u yu'un chaxi' yu'un li cristianoetic ti sna' xchamique, ti ja' jechic jech chac c'u cha'al ts'i'laletique?

Isaías 51:7

“A'yo ava'yic, vo'oxuc ti xana'ic c'usi tuq'ue, vo'oxuc li jun lumoxuc ti oy ta avo'ntonic jmantaltaque. Mu me xaxi'ic li chopolc'optael yu'un cristianoetique; mu me xchibaj avo'ntonic yu'un li na'leel chaq'uique.

Jeremías 1:17

Lican, chapano lec aba; bat albo ya'yic scotol li c'usi chacalbote. Mu me xaxi' yu'unic, naca me toj ech'em ta xcac' nican ta xi'el te ta stojolic.

Jeremías 1:19

Ta stsaquicot ta c'op, pero mu xastsalicot, yu'un te jchi'inojot, vu'un ta jcoltaot”, xiyutun li Muc'ul Diose.

Jeremías 20:11

Pero vo'ote, Muc'ul Dios, li' oyot ta jtojol jech chac c'u cha'al jun muc'ta vinic ti mu stac' tsalele. Ja' yu'un li boch'o chisnutsicune te chyalic ta lum, jech mu xu' yu'un chistsalicun, j'ech'el chyalic o ta q'uexlal; mu'yuc boch'o chch'ay ta yo'nton o.

Jeremías 30:11

Yu'un te oyun ta atojolic sventa chajcoltaoxuc. Ta xcules scotol li yantic lumetic ti bu la jpucoxuc batele, pero li vo'oxuque mu'yuc chaculesoxuc. Ja' no'ox ta xcac'boxuc atoj amulic, pero lec tuc' ta jpas. Yu'un ta ono'ox xcac'boxuc atojic”, xi li Muc'ul Diose.

Jeremías 39:11

Li ajvalil Nabucodonosore laj yalbe mantal li banquilal jchabivanej Nabuzaradán c'usi ac'o spas ta sventa li Jeremiase, jech laj yalbe:

Jeremías 42:11

Mu loq'uel xaxi'ic yu'un li ajvalil ta Babiloniae. Mu xaxi'ic yu'un; vu'un chajcoltaoxuc loq'uel ta sc'ob, ja' yu'un mu xaxi'ic.

Daniel 3:17

A'yo ava'ay, li Dios cu'uncutic ti quich'ojcutic ta muq'ue ja' xu' yu'un chiscoltauncutic ta sventa li horno ti tsanbil lec sc'ac'ale, xchi'uc xu' yu'un chiscoltauncutic loq'uel ta ac'ob.

Daniel 3:25

—Pero tana chanib xa viniquetic te oyic ta yut c'oc' ta xquil, mu'yuc xa chuculic; jun yo'nton te xva'lajetic ta yut c'oc', me jutuc mu'yuc c'usi tspasbatic. Li june xco'laj xchi'uc j'almantal yilel —xi li ajvalile.

San Mateo 10:26

“Ja' yu'un mu me xaxi'ic yu'un li cristianoetic le'e. Yu'un mu'yuc c'usi mucul chcom ti mu xvinaje; mu'yuc c'usi nac'al chcom ti mu'yuc boch'o tsna' oe.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

Hechos 18:10

Vu'un ta jchi'inot. Me junuc mu'yuc boch'o xu' chac' sc'ob ta atojol sventa oy c'usi chaspasbicot, yu'un oy ep cu'untac li' ta lume”, x'utat.

Hechos 26:17

Vu'un ta jcoltaot loq'uel ta sc'obic li achi'iltac ta israelale xchi'uc li yanlum cristianoetique, yu'un vu'un te ta jtacot batel ta stojolic.

Hechos 4:13

C'alal laj yilic ti tsots yo'ntonic li Pedro xchi'uc Juane, labal laj ya'yic yu'un sna'ojic ti mu'yuc chanubtasbilic, xchi'uc ti mu'yuc yabtelique. Jech la sna'ic o ti ja' la xchi'inic li Jesuse.

Hechos 4:29

Li' ta orae, Cajval, q'uelavil ep chisibtasuncutic. Pero ac'bun lec stsatsal co'ntoncutic ti jamal ac'o calcutic o ac'op, vu'uncutic li avajtuneluncutique.

Efesios 6:20

Yu'un ja' tacbilun ta xcholel, ja' yu'un ti li' chuculun ta cadenae. Jech ta jc'an ti ac'o oyuc lec stsatsal co'nton ta xcal jech chac c'u cha'al tsc'an chic'opoje.

Deuteronomio 31:6

C'alal chatsac xa abaic ta pleito achi'uquique, mu me xaxi'ic. Oyuc me lec stsatsal avo'ntonic; me jutuc mu me xaniquic. Na'ic me ti te oy ta atojolic li Muc'ul Dios cu'untique; me jutuc mu'yuc chascomtsanoxuc atuquic”, xut xchi'iltac li Moisese.

Deuteronomio 31:8

Ja' ba'yucbe ta xbat avu'un stuc li Muc'ul Diose; ja' chaxchi'inot o scotol c'ac'al. Mu'yuc chayictaot; mu'yuc chascomtsanot. Ja' yu'un mu me xaxi'; mu me xastsalot li xi'ele”, xut.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.