Jeremías 1:5 - Bible in Tzotzil de Chenalhó with Deuterocanon

⁵ “C'alal mu'yuc to'ox chana'p ta yut xch'ut ame'e, t'ujbilot ono'ox cu'un; c'alal mu'yuc to'ox chavoq'ue, voc'bilot ono'ox cu'un sventa cha'och ta j'alc'op ta jujun banamil”, xiyutun.

Bible in Tzotzil de Chamula

⁵ “C'alal mu'yuc to ox ta xanabi cu'une, t'ujbilot xa ono'ox cu'un. C'alal mu'yuc to ox voq'uemote, ch'acbilot xa ono'ox cu'un. Oy xa ono'ox ac'oplal cu'un ta xac'ot ta j'alc'op yu'un ti muc'tiquil lumetique.”

Jeremías 1:5 Iomraidhean Croise

Salmos 139:15

Mu'yuc mucul ta asat c'u x'elan ichapaj tal li jbec'tale, xchi'uc ti c'u x'elan lic chi'inatcun tal ti mu'yuc boch'o xu' chile, xchi'uc ti c'u x'elan lic ayincun tal li' ta banamile.

Salmos 139:16

Aviloj c'u x'elan ilic nabuc tal li jbec'tale; chapal ono'ox avu'un ti c'u yepal c'ac'al chicuxie; tsacal ta vun avu'un scotol ti c'alal mu'yuc to'ox chc'ot ta pasele.

Éxodo 33:12

Li Moisese jech laj yalbe li Muc'ul Diose: —Q'uelavil, laj avalbun ti vu'un ta xquic' batel li jchi'iltaque, pero mu'yuc xavalbun ca'ay boch'o chavac' jchi'in batel. Jech noxtoc avaloj ti apatoj avo'nton cu'une, xchi'uc ti lec chavilune.

Éxodo 33:17

Itac'ov li Muc'ul Diose: —Xu' ta jpas li c'usitic laj avalbune yu'un lec chaquilot ta melel, xchi'uc jpatoj co'nton avu'un —xi.

Isaías 44:2

Vu'un li Muc'ul Diosune, vu'un laj cac'ot, vu'un ti la jchapanot tal ta yut ch'utile, vu'un chajcoltaot. Mu xaxi' Jacob, vo'ot li cajtunelote Israel, vo'ot ti t'ujbilot cu'une.

Isaías 49:1

Lumetic ta ti'ti' nab, a'yic c'usi ta xcal; namal banamiletic, a'yo ava'yic ca'yej: Li Muc'ul Diose laj yic'un ti c'alal mu'yuc to'ox chivoq'ue; la sloq'uesbun jbi ti c'alal te to'ox oyun ta yut xch'ut jme'e.

Isaías 49:5

Li Muc'ul Diose ja' la xchapanun tal ta yut xch'ut jme' yu'un chitun yu'un, yu'un jech vu'un ta jventa xu' chlic yic' sutel tal li Jacobe; xu' chlic stsob tal ta stojol yan velta li Israele. Li Muc'ul Diose toj ep laj yich'un ta muc'; ja' jtsatsal ic'ot li Dios cu'une.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Jeremías 1:4

Li Muc'ul Diose ital sc'opanun, jech laj yalbun:

Jeremías 20:15

Toj chopol li vinic ti ay yac'be xcuxetel yo'nton li jtote, ti jech laj yalbee: “Toj lec ti ivoc' avunin quereme; toj xcuxet no'ox co'ntontic”, ti xute.

Jeremías 25:13

‘Ta xcac' c'otuc ta stojolic ta sjunul yosilalic scotol li c'usi caloj ta sventaic ti ts'ibabil ta vune: ja' li c'usi laj yal li j'alc'op Jeremías ta sventa scontrainel jujun banamile.

Jeremías 36:2

“Tsaco junuc balbil vun, ja' te xats'iba scotol li c'usi laj calbot ta sventa li Judá, ta sventa Jerusalén, xchi'uc ta sventa yantic lumetique. Xquechet xlic ats'iba scotol c'alal lic jc'opanot tal ta yorail c'alal cuxul to'ox li ajvalil Josiase, xchi'uc c'alal to tanae.

Jeremías 50:34

Pero vu'un li jpojvanejun yu'unique lec xu' cu'un; ja' Muc'ul Dios tspas ta mantal scotol te ta vinajel, xi jbi. Vu'un ta jchapan, vu'un ta jva'an jba ta scoltael. Vu'un chcac' ti ac'o junuc yo'nton scotolic te ta yosilalique; vu'un ta xcac'be svocol li jnaclumetic ta Babiloniae”, xi li Muc'ul Diose.

San Lucas 1:15

Yu'un toj muc' sc'oplal chc'ot ta stojol li Diose. Mu xuch' ya'lel ts'usub, xchi'uc mu xuch' pox. Ventainbil yo'nton yu'un Ch'ul Espíritu ti c'alal te to tiq'uil ta xch'ut sme'e.

San Lucas 1:41

C'alal laj ya'ay ic'opanat yu'un María li Isabele, tsots la xijilan sba li yol xchi'inoje. Li Isabele iventainbat yo'nton yu'un li Ch'ul Espiritue.

San Lucas 1:76

Li vo'ote, cunin querem, vo'ot yaj'alc'opot Dios ta vinajel chac'ot, yu'un ba'yuc latal yu'un li Cajvaltique, tal achapanbe li sbee.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

Romanos 1:1

Vu'un Pabloun, vu'un yajtunelun li Jesucristoe. Ic'bilun sventa li'och ta yajtacbolal. Voc'bilun o ta xcholel li Lequil A'yej ta sventa Diose.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

1 Corintios 8:3

Li boch'o sc'anoj Diose x'otquinat lec yu'un li Diose.

Efesios 1:22

Ja' i'ac'bat ta yolon yacan scotol li c'usitic oye, xchi'uc ja' Jolil ic'ot yu'un scotol li steclumal Diose.