Jeremías 1:3 - Bible in Tzotzil de Chenalhó with Deuterocanon

³ Jech noxtoc ital c'opanatuc yan velta ti c'alal ja'o tiq'uil ta ajvalilal ta Judá li Joacim xnich'on Josiase, xchi'uc c'alal to ta yo'bal u stsacoj xbuluchibal (11) jabil yochel ta ajvalilal ta Judá li Sedequías xnich'on Josías noxtoque. Ja'o ti c'alal yorail chucbil iloq'uic batel ta Jerusalén li judaetique.

Bible in Tzotzil de Chamula

³ Ja' jech xtoc c'oponat c'alal tiq'uil ta ajvalilal ti Joacim xnich'on ti Josías ajvalil yu'un ti jteclum Judae, ti jech o staoj yav ta xc'opanat c'alal tiq'uil ta ajvalilal ti Sedequiase, ti ja' o xa sts'aqui sbuluchibal (11) jabil yochel ta ajvalil ti Josías ta Judae, ti xcaltique, ta yo'obal (5) xa ox u ta sjabilal c'alal bec'bil loq'uic ta slumalic ti jnaclejetic yu'un ti jteclum Jerusalene.

Jeremías 1:3 Iomraidhean Croise

2 Reyes 23:34

Li Faraón Necaoe ja' lic stic' ta ajvalil yan xnich'on li Josiase, Eliaquim sbi. Ja' xq'uexol stot ic'ot. Xchi'uc la sjelbe sbi; Joaquim laj yac'be sbi. Yan li Joacaze laj yic' batel ta Egipto; te icham o.

2 Reyes 24:17

Li ajvalil ta Babiloniae ja' la stic'be ta ajvalilal sjunich'on li Joaquine, Matanías sbi. Ja' la xq'uexolin li sjuntote. Li ajvalile la sjelbe sbi li Mataniase; Sedequías laj yac'be sbi.

1 Crónicas 3:15

Li Josiase ja' Johanán sbi li sba xnich'one, li xchibale Joaquim, li yoxibale Sedequías, li xchanibale Salum.

Jeremías 1:4

Li Muc'ul Diose ital sc'opanun, jech laj yalbun:

Jeremías 34:1

Li Nabucodonosor ajvalil ta Babilonia xchi'uc scotol yajsoldadotac, xchi'uc scotol li ajvaliletic ta yantic banamil bu c'alal sventainoje, ital scontrainic li Jerusalén xchi'uc yantic lumetic yu'une. Ja'o ital c'opanatuc yu'un Muc'ul Dios li Jeremiase, jech i'albat:

Jeremías 35:1

C'alal ja'o tiq'uil ta ajvalilal ta Judá li Joaquim xnich'on Josiase, ital sc'opanun Muc'ul Dios vu'un li Jeremiasune, jech laj yalbun:

Jeremías 36:2

“Tsaco junuc balbil vun, ja' te xats'iba scotol li c'usi laj calbot ta sventa li Judá, ta sventa Jerusalén, xchi'uc ta sventa yantic lumetique. Xquechet xlic ats'iba scotol c'alal lic jc'opanot tal ta yorail c'alal cuxul to'ox li ajvalil Josiase, xchi'uc c'alal to tanae.

Jeremías 39:2

Ta sbalunebal c'ac'al yochel xchanibal u ta xbuluchibal (11) jabil yochel ta ajvalilal ta Judá li Sedequiase, ja'o ijam ochel yu'unic Jerusalén li soldadoetique.

Zacarías 7:5

“Jech xavalbe ya'yic sjunul li jteclumale xchi'uc li paleetique: ‘C'alal lavat avo'ntonic, lavictaic ixim ta yo'obal u, xchi'uc ta svucubal ue, mu ja'uc ta jventa laj apasic. Oy xa ta lajuneb xchanvinic (70) jabil jech laj aliquesic tal.

Zacarías 8:19

“Li ictaej ixim tspasic ta xchanibal u, ta yo'obal u, ta svucubal u, xchi'uc ta slajunebal ue, ta xc'ataj ta tse'ej lo'il, ta xcuxetel yo'ntonic, ta muc'ta q'uin yu'unic li smomnich'nab Judae. Ja' yu'un ja' me c'anic li c'usi melele xchi'uc li jun o'ntonale”, xi.