Jeremías 1:18 - Bible in Tzotzil de Chenalhó with Deuterocanon

¹⁸ Li' ta orae ta jva'anot lec jech chac c'u cha'al jun lum setbil lec ta tsatsal coralton, jech chac c'u cha'al jbej oy pasbil ta tsatsal taq'uin, jech chac c'u cha'al coralton pasbil ta bronce taq'uin, yu'un ja' chava'an aba ta yalel li c'usi chc'ot ta pasel ta scotol li yosilal Judae; ja' li ajvaliletic yu'unique, li banquilaletique xchi'uc li paleetique, xchi'uc ta sjunul li jteclume.

Bible in Tzotzil de Chamula

¹⁸ Li' tanae, ta xac' c'otan jech c'u cha'al nac'obbail jteclum, jech c'u cha'al muc' ta pajbil bal-bal taq'uin, jech c'u cha'al pimil c'anal taq'uin moc. Xi s'elan ma' ti buch'u ta xba atsac ta vulel ta sjunul ti muc' ta lum Judae: ti ajvaliletic yu'une, ti banquilal jpas-mantaletic yu'une, ti paleetic yu'une, xchi'uc scotol ti jnaclejetic yu'une.

Jeremías 1:18 Iomraidhean Croise

Isaías 50:7

Yu'un ja' chiscoltaun li Muc'ul Diose, ja' li Cajvale, jech mu'yuc c'usi chal co'nton yu'un. Ja' yu'un lec tsots laj cac' jba jech chac c'u cha'al jbej ton, yu'un jna'oj ti mu xiyal ta q'uexlale.

Jeremías 1:17

Lican, chapano lec aba; bat albo ya'yic scotol li c'usi chacalbote. Mu me xaxi' yu'unic, naca me toj ech'em ta xcac' nican ta xi'el te ta stojolic.

Jeremías 1:19

Ta stsaquicot ta c'op, pero mu xastsalicot, yu'un te jchi'inojot, vu'un ta jcoltaot”, xiyutun li Muc'ul Diose.

Jeremías 15:10

¡Toj abul jba yaya, yu'un ja' no'ox lavoq'uesun ta sventa liquesej c'op, xchi'uc ta sventa ta jcontrain scotol li cristianoetic ta banamile! Mu'yuc bu jq'uexoj taq'uin, xchi'uc mu'yuc cac'oj ta q'uexel jtaq'uin, pero scotol cristianoetic chixchopolc'optaicun.

Jeremías 15:20

Ta jva'anot jech chac c'u cha'al coralton pasbil ta bronce taq'uin ta stojolic li jteclumale, ta stsacoxuc ta pleito pero mu'yuc chastsalicot, yu'un vu'un chajchi'inot, chajchabiot, chajpojot, vu'un li Muc'ul Diosune.

Jeremías 20:11

Pero vo'ote, Muc'ul Dios, li' oyot ta jtojol jech chac c'u cha'al jun muc'ta vinic ti mu stac' tsalele. Ja' yu'un li boch'o chisnutsicune te chyalic ta lum, jech mu xu' yu'un chistsalicun, j'ech'el chyalic o ta q'uexlal; mu'yuc boch'o chch'ay ta yo'nton o.

Jeremías 21:4

Jech yaloj li Muc'ul Diose, ja' li Dios yu'un Israele: ‘Li avajsoldado ti tstsaquic ta pleito li ajvalil ta Babiloniae xchi'uc li caldeaetic te setuojoxuc ta pat coraltone, ta xcac' suticuc ta spatic, te ta jtsob ta yut lum scotol.

Jeremías 26:24

Li Ahicam xnich'on Safane ja' la spoj li Jeremiase, jech muc x'och ta sc'ob li jteclume, jech muc xmilat.

Jeremías 34:3

Li vo'ote mu'yuc chacol loq'uel ta sc'ob; ta ono'ox xaxchucot, ta ono'ox xa'och ta sc'ob. Ta persa chavilbe aba asatic, ta persa chac'opan abaic; persa ono'ox ic'bil chabat ta Babilonia.

Jeremías 37:7

“Jech xavalbe ya'yic li boch'otic tacbilic tale: ‘Jech chal li Muc'ul Diose, jech xc'ot avalbeic li ajvalil ti ja' la stacoxuc tal li' ta jtojole: Li soldadoetic yu'un faraón ti chtal ox scoltaoxuque isutic batel ta slumalic ta Egipto.

Jeremías 38:18

Yan me mu xavac' aba ta sc'ob li banquilaletic ta Babiloniae, ta persa chich' chiq'uel ta c'oc' li lum li'i, ja' no'ox jech ec li vo'ote mu xu' avu'un chapoj aba ta sc'obic’, xi li Diose —xut.

Jeremías 38:2

“Jech chal li Muc'ul Diose: ‘Li boch'o chcom to li' ta lume ta xcham ta milel, ta vi'nal, o me ta tsatsal chamel. Yan li boch'o ta xloc' batel chbat yac' sba ta sc'ob li caldeaetique, chich' iq'uel batel, ja' cuxul to chc'ot’, xi.

Jeremías 42:22

Ja' yu'un a'yo ava'yic, ti bu lumal anopoj chbat naclanique ta melel te chachamic ta espada, ta vi'nal, xchi'uc ta tsatsal chamel”, xi li Jeremiase.

Jeremías 6:27

Jech laj yalbun ec li Muc'ul Diose: “Ta jva'anot ta sq'uelel, ta spasbel preva li jteclumal jech chac c'u cha'al chich' q'uelel me oy saquil taq'uin ta tone. Ja' yu'un otquino lec avil li c'usi tspasique.

San Juan 1:42

Jech laj yic' tal ta stojol Jesús li sbanquile. Li Jesuse la sq'uel lec li Simone, jech laj yalbe: —Vo'ot Simón, xnich'onot Jonás. Cefas ta xc'ot abi —xut. Ja' Pedro smelol ta griego c'op.

Apocalipsis 3:12

Li boch'o tstsal yu'un scotole ja' chcac' c'otuc ta yoyal xch'ulna li Dios cu'une; mu xa xloc' o. Ta jts'ibabe ta stojolic sbi li Dios cu'une xchi'uc sbi li lum yu'un Dios cu'une, ja' li ach' Jerusalén chlic tal ta vinajel yo' bu oy li Dios cu'une. Xchi'uc ta jts'ibabe ta stojolic noxtoc li ach' jbie.