Jeremías 1:16 - Bible in Tzotzil de Chenalhó with Deuterocanon

¹⁶ Yu'un ta xcac'beic tsots svocolic ta scoj smulic, yu'un la scomtsanicun, ja' bat yich'ic ta muc' li yan diosetique; ja' bat xchiq'uic pom ta stojol li sdiosic ti spasoj ta sc'ob stuquique.

Bible in Tzotzil de Chamula

¹⁶ Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique.

Jeremías 1:16 Iomraidhean Croise

2 Reyes 22:17

Yu'un la scomtsanicun; ja' bat xchiq'uic pom ta stojol li yantic diosetique. La sa'bicun sc'ac'al co'nton ta sventa li c'usitic la spasique. Ja' yu'un itsan sc'ac'al co'nton yu'un li banamil li'i; me jutuc mu xa xtu'p o.

2 Crónicas 15:2

jech iloc' batel, bat sc'opan li Asae, jech laj yalbe: “Asa, xchi'uc vo'oxuc judaetic xchi'uc benjaminetic, a'yic c'usi ta xcal: Li Muc'ul Diose li' xchi'inojoxuc o ti me te oyoxuc o ta stojol eq'ue. Me chasa'ique, chataic. Yan me chacomtsanique, chascomtsanoxuc ec.

2 Crónicas 28:2

Ja' la sts'aclin batel c'usi la spasic li ajvaliletic ta Israele, xchi'uc la spas ep sloc'obal baaletic ta unijesbil taq'uin.

2 Crónicas 34:25

Yu'un la scomtsanicun; ja' bat smilbeic smoton li yantic diosetique. La sa'bicun sc'ac'al co'nton ta sventa li c'usi la spasique, ja' yu'un ta xcac' tsanuc li sc'ac'al co'nton li' ta banamile; me jutuc mu xtu'p o.

2 Crónicas 7:19

Pero me vo'oxuc chlic acomtsanicune, me mu xach'unbicun li jmantaltac calojboxuque, me ja' chlic tunanic yu'un li yantic diosetique, me ja' chlic ac'anbeic vocol ta stojole,

Isaías 2:8

Jech noxtoc, li yosilalique nojem ta sloc'obal c'usitic cuybilic ta dios; tsquejan sbaic ta stojol li yabtel yoc sc'obique.

Isaías 37:19

La xchic'beic ta c'oc' li diosetic yu'unique, yu'un ma'uc ono'ox Dios ta melel, pasbil no'ox ta sc'ob cristiano, pasbil ta te' xchi'uc ta ton, ja' yu'un i'ul yu'unic.

Isaías 44:15

Te chloc' si'il sc'oc' noxtoc, xchi'uc te chloc' sloc'obal sdios noxtoc. Tstsobbe lec scamul sventa chc'atin, xchi'uc sventa chta'aj o pan sve'. C'alal tsmeltsaj yu'un li sloc'obal sdiose, chlic squejan sba ta stojol, chlic yich' ta muc'.

Isaías 65:3

Ja'ic jun ta lum ti ta jsat tspasic li c'usi chisa'bicun o sc'ac'al co'ntone. Jech noxtoc tsmilbeic smoton sdiosic ta ts'unubaltic; chchiq'uic pom ta scajleb ti pasbil ta ladrilloetique.

Jeremías 10:15

Mu'yuc stu, altic no'ox li yabtelique. C'alal tsta yorail tstoj smulic yu'un Diose, ta xchamic o.

Jeremías 10:3

Yu'un ti c'u x'elan stalelic, li c'usi chch'unic li yanlumetique mu'yuc stu o. Jbej te' ta xtuch'ic; ta xaanic lec li boch'o lec sna' yaanele.

Jeremías 11:12

Jech te chbat sc'anbeic vocol li diosetic ti chchic'beic pom ta stojole, pero mu xu' yu'un ta xcoltaatic ti c'alal tsta yorail chtal svocolique.

Jeremías 11:17

“Vu'un li Muc'ul Diosun ti ta jpas ta mantal scotol te ta vinajele; vu'un la jts'un li Israel xchi'uc Judae. Laj xa cal ti chcac'be tal svocolique, ja' ta scoj smul li smomnich'nabique, yu'un la sa'bicun sc'ac'al co'nton ta sventa ti ja' ta xchiq'uic pom ta stojol li dios Baale”, xi li Muc'ul Diose.

Jeremías 15:6

Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 17:13

¡Muc'ul Dios, vo'ot smuc'ulot yo'nton Israel! Scotol li boch'o ta scomtsanicote ta xyalic ta q'uexlal. Li boch'otic ta svoc' sbaic ta atojole ta lumtic no'ox chich' ts'ibabel sbiic, yu'un la scomtsanic li lequil nio' ti mu x'ul oe.

Jeremías 18:15

Pero li jteclumale i'ul xa o xch'unojel yo'ntonic ta jtojol, ja' bat xchiq'uic pom ta stojol li diosetic ti mu'yuc stue; solel ch'ayemic o ta be. Ja' stamojic o batel li poco' be ta vo'onee; ja' li chucul be ti mu'yuc boch'o xotquine.

Jeremías 19:4

Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Jeremías 2:28

Judá, ¿bu oy li diosetic avu'un apasoje? Ja' ac'o sva'an sbaic tal avu'un, jq'ueltiquic me xu' yu'unic chascoltaot ti c'alal yorail chavich' tsots avocole; yu'un ja' to jech yepal jech chac c'u cha'al lumetic avu'un li adiostaque.

Jeremías 4:12

Li ic' ti ta jmantal ta xtale bats'i ven tsots, ven xi'bal sba; vu'un chcal jtuc ti ja' jech li stojol mulil chtal ta stojolique”, xi li Muc'ul Diose.

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Jeremías 44:17

Ja' no'ox ta jpascutic o li c'usi calojcutic xa ta jpascutique. Ja' ta jchic'cutic o pom ta stojol, xchi'uc ta xcac'becutic o matanaletic ta stojol li Me'ajvalil sventa Vinajel jech chac c'u cha'al ta jpascutic li' ta orae, xchi'uc jech chac c'u cha'al la spasic ono'ox tal li jmoltot jyame'tique, xchi'uc li ajvaliletic, li banquilaletic cu'untic ta lumetic ta Judá xchi'uc ta xoraltic ta Jerusalene. Oy to'ox lec jve'elcutic, xcuxet no'ox co'ntoncutic; me jutuc mu'yuc xquilcutic vocol.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 5:9

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stoj li jun banamil ti jech tspase?

Jeremías 51:17

Li cristianoetique muc bijicuc, bol cristianoetic no'ox. Li boch'otic tspasic sloc'obal sdiosique ta xyalic ta q'uexlal, yu'un puru lo'lael li c'usi spasojique, yu'un mu cuxuluc.

Jeremías 7:17

¿Me muc chavil c'usi ta spasic ta lumetic te ta Judá xchi'uc ta xoraltic li' ta Jerusalene?

Jeremías 7:18

Li xnich'nabique ja' ta stsobic si'; li totiletique ja' ta stsanic c'oc'. Li antsetique ja' ta svots'ic arina sventa tspasic pan chac'be smotonin li sjalalme'ic ta vinajele. Ta spasic pox sventa chac'beic smotonin li yantic diosetique, pero ja' no'ox chisa'bicun sc'ac'al co'nton ti jech tspasique.

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Ezequiel 16:18

Ja' laj avac'be slap li ac'u' ti ep ta chop c'u x'elan luchtabile. Li aceite xchi'uc pom cu'une ja' laj avac'be smotonin scotol.

Ezequiel 24:14

Vu'un jtuc ta xcal jech, jech persa chc'ot ta pasel. Mu'yuc ta jsutes jc'op; mu'yuc chac'uxubaj ta co'nton; mu'yuc chisut ta jva'lupat. Ta persa ta xcac'bot atoj ti c'u x'elan avabtele xchi'uc ti c'u x'elan laj apase’, xi li Muc'ul Diose”, xiyutun.

Oseas 11:2

C'alal te chquiq'uilanic oe, yantic to inamajic loq'uel ta jtojol. Ja' bat smilbeic smoton li baaletique; ja' bat xchiq'uic pom ta stojol li c'usi cuybil ta diosetique.

Oseas 8:6

Li sloc'obal ch'ium vacax ta Samariae mu ja'uc Dios. Pasbil no'ox ta c'abal yu'un li boch'o lec sna' spasel te ta Israele, ja' yu'un ta xich' lilinel.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Hechos 7:41

Jech lic spasic sloc'obal jcot ch'ium tot vacax. Lic smilbeic smoton li sloc'obal sdiosique. La spasbeic lec sq'uinal li c'usi pasbil ta sc'obique.

Deuteronomio 28:20

“Li Muc'ul Diose ta stacboxuc tal tsots vocol ta atojolic me laj avictaic comel ta scoj ti chopol c'usitic chapasique. Scotol li c'usi chapasique, chopol chbat avu'unic scotol, xchi'uc ep chavat avo'ntonic ta sventa, yu'un tsoc scotol li avabtelique. Xchi'uc mu xa jaluc chbat; chavich'ic ulesel o acotolic.

Deuteronomio 31:16

Li Muc'ul Diose jech lic yalbe li Moisese: “Li vo'ote po'ot xa chacham. Li achi'iltac li'i j'ech'el me chbolibic o yu'un li diosetic yu'un yanlum cristianoetic te nacajtic ta osil bu chbat yich'ique. Jech chiscomtsanicun o; ta soquesic o scotol li c'usi jchapanoj ta stojolique.

Josué 24:20

Me chacomtsanic li Muc'ul Diose, me ja' chatunic yu'un yan diosetique, chlic yac'boxuc tal c'usitic chopol, xchi'uc chayulesoxuc acotolic, ac'o me puru lec to'ox c'usi la spasboxuc —xut.

Apocalipsis 9:20

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique.