Jeremías 1:11 - Bible in Tzotzil de Chenalhó with Deuterocanon

¹¹ Jech laj yalbun noxtoc: “¿C'usi chavil, Jeremías?”, xiyutun. “Ta xquil jec sc'ob almendro”, xcut.

Bible in Tzotzil de Chamula

¹¹ Ti Diose tal ta jtojol ti xi laj yalbun xtoque: “Jeremías, ¿c'usi ta xavil ti le'e?” “Jchex sc'ob uni almendro te' ta xquil”, xcut.

Jeremías 1:11 Iomraidhean Croise

Génesis 30:37

La sa' tal bic'tal yaxal te'etic, ja' álamo, almendro, xchi'uc castaño sbi. La silanbe loq'uel jujulec' spat, jech sac polanic ta q'uelel.

Isaías 55:11

Ja' no'ox jech ec li jc'op chloc' ta quee, muc xocoluc tsut batel ta jtojol. Chc'ot ta pasel li c'usi oy ta co'ntone; chc'ot ta pasel scotol li c'usi ta xcale.

Jeremías 24:3

Li Muc'ul Diose jech laj yalbun: “¿C'usi chavil, Jeremías?”, xiyutun. Jech la jtac'be: “Higoetic, bats'i lequic ta jyalel; pero oy toj chopolic ta jyalel; solel mu stac' lo'el o”, xcut.

Ezequiel 12:25

Yu'un vu'un chic'opoj jtuc, vu'un li Muc'ul Diosune, jech persa chc'ot ta pasel li c'usi chcale; mu xa epuc c'ac'al chjalij. Vo'oxuc li jtoyba israeloxuc ti cuxuloxuc li' ta orae, ta xavil ta asat atuquic ti chc'ot ta pasel li c'usitic laj cale, xi li Diose’, uto”, xiyutun.

Ezequiel 12:28

Ja' yu'un jech xavalbe ya'yic: ‘Jech chal li Cajvaltique, ja' li Muc'ul Diose: Mu xa epuc c'ac'al sc'an xc'ot ta pasel li c'usi laj cale. Scotol li c'usi iloc' ta quee persa chc'ot ta pasel scotol, xi’, uto”, xiyutun li Diose.

Ezequiel 7:10

“A'yo ava'ay, laj xa sta li sc'ac'alile; ivul xa ta atojol. Ja' xa yorail chavich' li vocole, nichinem xa lec li svarae, yich'oj xa lec yip li simaronile.

Amós 7:8

Jech la sjac'bun: —Amós, ¿c'usi chavil? —xiyutun. —Ta xquil jun plomo sventa yabtejeb alvanil —xcut. Jech laj yalbun: —A'yo ava'ay, vu'un ta xcac'be plomo li smomnich'nab Israele yu'un jech chvinaj ti mu'yuc xa tuc' jech chac c'u cha'al pac'bel na mu'yuc tuq'ue; mu xa xu' cu'un ta jts'icbeic.

Amós 8:2

Jech laj yalbun: —Amós, ¿c'usi chavil? —xiyutun. —Ta xquil jun moch noj ta sat te'etic, lec xa yijic —xcut. Jech laj yalbun: —Ja' jechic li israeletique, iyijubic xa. Ic'ot xa sc'ac'alilic; mu xa xu' cu'un ta jts'icbeic.

Zacarías 4:2

Jech la sjac'bun: “¿C'usi chavil?”, xiyutun. Jech la jtac'be: “Ta xquil jun candelero pasbil ta bats'i c'anal taq'uin, xchi'uc jun yav aceite ta sjol, xchi'uc vucub scandilaltac, xchi'uc vucxol sbe aceite ta sventa li slusaltaque.

Zacarías 5:2

Li j'almantale jech la sjac'bun: “¿C'usi chavil?”, xiyutun. Jech la jtac'be: “Ta xquil jun balbil vun li' xvilet tal. Ja' baluneb metro snatil; ja' o'lol yo'bal metro sjamalil”, xcut.

Números 17:8

Ta yoc'omal c'alal ibat ta ch'ulna li Moisese, laj yil ti q'uelumajem xa li snamte' Aarón ti ja' yu'unic li jchop liquemic ta Levie. Oy xa lec sq'uelum xchi'uc xnich, xchi'uc oy xa lec sat toc'onic xa, almendra sbi.