Jeremías 1:10 - Bible in Tzotzil de Chenalhó with Deuterocanon

¹⁰ Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Bible in Tzotzil de Chamula

¹⁰ “Ta xcac' ta ave ta ati' ti jc'ope. Tana li'e, ta xcac'bot tsots avabtel ta yalel ti j'ech'el ta xich'ic tubbel sc'oplalic ti jipbil tenbil ta xloc' ti ajvaliletique, ti j'ech'el ta xtub sc'oplal sicotan ta xcom ti muc'tiquil lumetique. Jech xtoc ta xcac'bot tsots avabtel ti ta aventa ta xich' toyel va'anel liquel ti muc'tiquil lumetique.”

Jeremías 1:10 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

1 Reyes 19:17

Li boch'otic chcol to ta milel yu'un ti Hazaele ja' xa tsmil ec li Jehue. Li boch'otic chcol to ta milel yu'un li Jehue ja' xa tsmil ec li Eliseoe.

Eclesiastés 3:3

Oy yorail milbail; oy yorail poxtael. Oy yorail svuq'uesel; oy yorail sva'anel.

Jeremías 1:5

“C'alal mu'yuc to'ox chana'p ta yut xch'ut ame'e, t'ujbilot ono'ox cu'un; c'alal mu'yuc to'ox chavoq'ue, voc'bilot ono'ox cu'un sventa cha'och ta j'alc'op ta jujun banamil”, xiyutun.

Jeremías 24:6

Te oy jsat ta stojolic; ta xquiq'uic sutel tal li' ta banamil. Ta jcha'va'anic lec, mu'yuc ta jinesic o; ta jts'unic lec, mu'yuc xa ta jbulic o loq'uel.

Jeremías 25:13

‘Ta xcac' c'otuc ta stojolic ta sjunul yosilalic scotol li c'usi caloj ta sventaic ti ts'ibabil ta vune: ja' li c'usi laj yal li j'alc'op Jeremías ta sventa scontrainel jujun banamile.

Jeremías 31:28

Jech chac c'u cha'al ta sjunul co'nton la jbul loq'uel, la jines, laj yales ta lum, la jsoques, xchi'uc laj cac'be svocolique, ja' jech jun co'nton ta jva'an, ta jcha'ts'un noxtoc”, xi li Muc'ul Diose.

Jeremías 31:40

Scotol li stenlejaltic bu muquinaltic xchi'uc bu xch'ayubil tane, xchi'uc scotol li soplejaltic c'alal to ta bevo'tic Cedrone, xchi'uc c'alal to ta chiquin ti'coralton bu yocheb ca'etic te ta stuq'uil sloq'ueb c'ac'ale, ts'u'iltasbil ta xcom o cu'un. Ta scotol le'e mu'yuc bu chich' jinesel o; mu'yuc bu chich' soquesel o yan velta”, xi li Muc'ul Diose.

Jeremías 36:2

“Tsaco junuc balbil vun, ja' te xats'iba scotol li c'usi laj calbot ta sventa li Judá, ta sventa Jerusalén, xchi'uc ta sventa yantic lumetique. Xquechet xlic ats'iba scotol c'alal lic jc'opanot tal ta yorail c'alal cuxul to'ox li ajvalil Josiase, xchi'uc c'alal to tanae.

Jeremías 44:27

Yu'un ta ono'ox xcac' tal tsots avocolic; muc alequilalicuc ta xcac' tal. Vo'oxuc ti te nacaloxuc ta Egiptoe chalajic ta milel, chalajic ta vi'nal, ja' to me la'ul acotolique.

Jeremías 45:4

Ja' yu'un chacalbot c'usi laj yalbun li Muc'ul Diose, jech laj yal: ‘A'yo ava'ay ta jines scotol li c'usi vu'un la jva'ane, ta jbul loq'uel li c'usi jts'unoje, ja' jech ta jpas ta scotol li banamil li'i.

Ezequiel 21:19

“Vo'ot xnich'on cristiano, ac'bo senyail cha'xoluc be, yu'un jech sna' bu chjelov tal xchi'uc yespada li ajvalil ta Babiloniae. Li chib bee ta jun no'ox banamil ac'o licuc batel. Ti bu chaliques batel jujuxole ac'bo senyail sventa chvinaj bu lumal chc'ot.

Ezequiel 23:36

Jech laj yalbun li Muc'ul Diose: “Xnich'on cristiano, ¿Me muc chavalbe ya'ay c'usi smul li Ahola xchi'uc li Aholibae, me muc chavalbe ya'yic ta jamal li c'usitic toj chopol tspasique?

Ezequiel 32:18

“Xnich'on cristiano, q'uejintao sq'ueojal at-o'nton ta sventa li epal cristianoetic ta Egiptoe; alo ti ac'o yalicuc batel ta ch'en scotolic jech chac c'u cha'al iyalic batel ta ch'en li yajvaltac yantic banamile, jech xaval: ‘Li boch'otic toj ech'em xu' yu'unique chyalic xa batel ta yut banamil; chbat xa xchi'in li boch'otic yalemic batel ta muquinaltique.

Ezequiel 36:36

Li yantic banamil ats'aquinojan aba achi'uquique chlic c'otuc ta yo'ntonic ti vu'un la jcha'va'an li c'usi jinesbilic to'oxe, ti vu'un la jcha'nacan lec li c'usi vuq'uemic to'oxe. Vu'un chcal jtuc, vu'un li Muc'ul Diosune; persa ta jpas.

Ezequiel 43:3

Ti c'u x'elan laj quile ja' co'ol jech chac c'u cha'al laj quil ono'ox ta jch'ulel c'alal laj cal ti chich' jinesel li Jerusalene. Xchi'uc ja' co'ol jech chac c'u cha'al laj quil ta ti' uc'um Quebare. Jech la jquejan jpatan jba ta banamil.

Oseas 6:5

Ja' yu'un biq'uitic la jlilinoxuc ya'yel ta sventa c'usi laj yal li j'alc'opetic cu'une, la jmiloxuc ta sventa li c'usi laj cale. Li chapanel cu'une xleblej no'ox tal ta atojolic jech chac c'u cha'al sacsevul.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

Amós 9:11

“Me la sta sc'ac'alile, ta xlic jcha'meltsanbe li sna David ti bu soquemique. Ta jmacan ti bu jamajtique, ta jcha'pac'an ti bu t'olemique. Ja' jech ta jpas jech chac c'u cha'al pasbil ono'ox ta vo'onee.

Zacarías 1:6

Pero li jc'op xchi'uc li jmantaltac laj calbeic li cajtuneltac, ja' li j'alc'opetique, ic'ot ono'ox ta stojol li amoltot ayame'ique, jech isutic tal ta jtojol. La sna'ic ti vu'un Muc'ul Diosune, ti ja' jech la jpasbeic jech chac c'u cha'al stojol tsc'an li yabtelique xchi'uc li c'usitic la spasique’, uto”, xi li Muc'ul Diose.