Génesis 9:6 - Bible in Tzotzil de Chenalhó with Deuterocanon

⁶ “Me oy boch'o ta smil jun vinique, ta xmilat yu'un yan vinic ec, yu'un li vinique ja' sloc'obal Dios.

Bible in Tzotzil de Chamula

⁶ “Yu'un mi oy buch'u ta smil jun vinique, ta xva'i talel yan yajval yo' ta xmilat ec, yu'un ti vinique, meltsanat co'ol s'elan jech c'u cha'al ti Diose.

Génesis 9:6 Iomraidhean Croise

Génesis 4:14

yu'un chatacun loq'uel li' ta banamil, xchi'uc ti jcotcovil chibat avu'un. Jech chinamaj o batel ta atojol. Mu'yuc bu ta jta o ti xu' ta jcux co'ntone. C'alal me oy bu chistaicune, boch'ouc no'ox xu' chismilicun —xi.

Génesis 42:22

Jech la stac' li Rubene: —Vu'une laj ono'ox calboxuc ti mu me xcuts'intatic li quits'intique, pero muc xach'unbicun. Ja' yu'un li' ta orae, li' ta jtoj ca'itic ti ichame —xi.

Génesis 5:1

Li'i ja' sbiic li smomnich'nabtac Adane. C'alal lic spas sba vinic li Diose, ja' jech la spas jech chac c'u cha'al stuc.

2 Samuel 4:11

Chacalboxuc ta jamal ti ja' no'ox jech ta jpasboxuc ec vo'oxuc ti chopol vinicoxuque ti laj amilic li boch'o mu'yuc smule, ti jun yo'nton chvay ta svayab ay ataic ta snae. Ja' yu'un li' ta orae chcac' atoj ta ach'ich'alic ti laj amilique. Chaculesoxuc o li' ta banamil —xut.

1 Reyes 2:9

Mu me teuc no'ox xats'icbe li smule. Yu'un li vo'ote oy lec abijil; xana' c'usi chapasbe. Ac'o maluc xch'ich'al ti c'alal mu'yuc to chmalube”, xi li Davide.

2 Reyes 11:1

Li Atalía sme' Ocoziase, laj ya'ay ti chamen xa li yole, ja' li Ocoziase, jech lic smilbe scotol li xnich'nabtac yole.

2 Reyes 11:16

jech la stsaquic loq'uel; te bat smilic ta sti' spasubmantal ajvalil yo' bu yochebic li boch'otic cajajtic ta ca'e.

2 Reyes 11:20

Scotol li israeletique toj xcuxet no'ox yo'ntonic. Mu'yuc xa pleito laj ya'yic te ta slumalic, yu'un laj xa yich' milel te ta nopol spasubmantal ajvalil li Ataliae.

2 Crónicas 33:24

Jech lic chapanbatuc sc'oplal ta mucul yu'un yaj'abteltac; te no'ox la smilic ta sna.

Salmos 51:4

Laj xa jta jmul ta atojol, tsots jmul la jta ta atojol; toj chopol li c'usi la jpas ta atojole. C'alal chachapanune, jech chvinaj ti tuc' chac'opoje, xchi'uc ti tuc' chachapanvane.

Éxodo 20:13

“Mu me xamilvanic.

Proverbios 28:17

Li boch'o ta xmilvane oy svocol o c'alal to chbat ta muquinaltic, xchi'uc mu'yuc boch'o xu' ta spoj.

Eclesiastés 3:3

Oy yorail milbail; oy yorail poxtael. Oy yorail svuq'uesel; oy yorail sva'anel.

Levítico 17:4

ti muc xich' tal ta ti'ch'ulna pasbil ta nucul sventa chiyac'bun jmotonin, vu'un li Muc'ul Diosune, oy smul chc'ot o ta sventa ti la smal ch'ich'e, ac'o yich' loq'uesel batel ta atojolic.

Levítico 24:17

“Li boch'o ta smil xchi'ile, ac'o yich' milel ec.

Números 35:16

“Me oy boch'o tsmaj ta c'usiuc taq'uinal jun xchi'ile, me icham o yu'une, ja' xa jmilvanej chc'ot o. Li jmilvaneje ac'o milatuc.

Números 35:25

Li achi'iltaquique ac'o spojic li boch'o imilvan ti me tsc'an chpacbat sutel yu'un yuts' yalal li boch'o ichame. Ac'o staquic sutel yo' bu sa'oj xa snac'ubbaile. Te ac'o comuc o, ja' to me icham li banquilal pale ti tiq'uil ta abtele.

Números 35:33

“Mu me xavaq'uic socuc sc'oplal ta scoj jmilvanejetic li avosilalic bu chc'ot naclanique. Yu'un li jmilvanejetique ta me soques ac'oplalic te ta avosilalic. Mu'yuc c'usi xu' chac' sventa tspoj sba o jun jmilvanej. Persa ac'o yich' milel o.

San Mateo 26:52

Li Jesuse jech laj yalbe: —Tic'o ochel ta sna li avespadae. Li boch'o ta xac' espadae ja' jech ta espada ta xcham ec.

Romanos 13:4

Yu'un ja' yajtunel Dios li ajvaliletique, ja' sventa alequilalic. Pero me chopol c'usi chapasique, xi'anic me, yu'un mu alticuc ti oy ta sc'ob yabtejebique. Yu'un ja' yajtunel Dios; ja' oy ta sventa chac'be stoj smul li boch'otic chopol c'usi tspasique.

1 Corintios 11:7

Yan li viniquetique mu xu' tsmac sjolic, yu'un ja' sloc'obal Dios, yu'un ja' chac' vinajuc slequilal yutsilal li Diose. Yan li antse ja' chac' vinajuc slequilal yutsilal li vinique.

Deuteronomio 19:11

“Pero me oy jun vinic ti oy scontrae, ti oy ono'ox ta yo'nton tsc'an tsmil li xchi'ile, me laj ono'ox sta ta milele, me te bat snac' sba ta anil ta junuc lum sventa anac'ubbailique,

Deuteronomio 5:17

‘Mu me xamilvanic.

Santiago 3:9

Yu'un ta quetic ta xcalbetic slequilal li Diose, ja' li Jtotique; xchi'uc ta quetic ta jchopolc'optatic noxtoc li cristianoetic ti ja' sloc'obal Diose.

Apocalipsis 13:10

“Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.

Jueces 9:56

Ja' jech laj yac'be o stoj smul Abimelec li Diose, yu'un ep smul la sta c'alal la scontrain li stote xchi'uc ti la smil li lajuneb xchanvinic (70) xchi'iltac ta voq'uele.

1 Samuel 15:33

Pero li Samuele jech laj yal: —Ta scoj avespada ti ep antsetic mu'yuc yolic icom avu'une yu'un laj amilbe. Pero ja' no'ox jech mu'yuc yol ta xcom ec li ame'e —xut. Ja' yu'un li Samuele biq'uitic lic slilin ta stojol Muc'ul Dios te ta Gilgal li Agage.