Génesis 9:5 - Bible in Tzotzil de Chenalhó with Deuterocanon

⁵ Vu'un ta xcac'be stoj jujun cristiano xchi'uc jujun chonbolom ti ta smal ach'ich'alique. Li boch'o chmilvane ta xquich'be sc'op ta sventa xcuxlejal li xchi'ile.

Bible in Tzotzil de Chamula

⁵ Yu'un ta xquich'beic ye sti'ic ta jujun vinic, ta jujun chon bolometic laj smal ti ach'ich'elique. Yu'un jujun vinic, ta xquich'be ye sti' c'u s'elan c'ot ta tsutsel yu'un ti xchi'ile.

Génesis 9:5 Iomraidhean Croise

Génesis 42:22

Jech la stac' li Rubene: —Vu'une laj ono'ox calboxuc ti mu me xcuts'intatic li quits'intique, pero muc xach'unbicun. Ja' yu'un li' ta orae, li' ta jtoj ca'itic ti ichame —xi.

2 Samuel 4:11

Chacalboxuc ta jamal ti ja' no'ox jech ta jpasboxuc ec vo'oxuc ti chopol vinicoxuque ti laj amilic li boch'o mu'yuc smule, ti jun yo'nton chvay ta svayab ay ataic ta snae. Ja' yu'un li' ta orae chcac' atoj ta ach'ich'alic ti laj amilique. Chaculesoxuc o li' ta banamil —xut.

1 Reyes 2:6

Pero li vo'ote paso me ta sventa abijil; mu me xavac' ti ta smalubel xa chbat ta yavil animaetique.

2 Reyes 11:1

Li Atalía sme' Ocoziase, laj ya'ay ti chamen xa li yole, ja' li Ocoziase, jech lic smilbe scotol li xnich'nabtac yole.

2 Crónicas 24:22

Li ajvalil Joase ich'ay ta yo'nton c'u x'elan ic'uxubinat yu'un stot li Zacariase, ja' li Joiadae, yu'un laj yac'be ta milbel li xnich'one. C'alal ta xa'ox xchame, jech to laj yal comel: “Te ac'o sq'uel stuc li Muc'ul Diose; ac'o xchapan stuc”, xi.

2 Crónicas 33:24

Jech lic chapanbatuc sc'oplal ta mucul yu'un yaj'abteltac; te no'ox la smilic ta sna.

2 Crónicas 33:25

Pero iliquic scotol li yajvaltac lume; la smilic ec li boch'otic la smilic ta mucul li ajvalil Amone. Ja' la stic'beic ta xq'uexol li xnich'one, Josías sbi.

Salmos 9:12

Li Diose sna'oj li boch'otic oy svocolique; mu xch'ay ta yo'nton ti ep choc'ta sbaique; chac'be stojic li boch'otic ts-uts'intavanique.

Éxodo 20:13

“Mu me xamilvanic.

Éxodo 21:12

“Li boch'o tsyayijes xchi'ile, me icham o yu'une, ac'o yich' milel ec.

Levítico 19:16

“Mu me xalo'ilta batel achi'ilic. “Mu me xachapanbe sc'oplal achi'ilic yu'un chamilic. Jech chcal vu'un li Muc'ul Diosune.

Levítico 24:17

“Li boch'o ta smil xchi'ile, ac'o yich' milel ec.

Levítico 24:21

“Li boch'o ta smilbe sts'unub yovol xchi'ile, ac'o yac'be xq'uexol. Yan li boch'o ta smil xchi'ile, ac'o yich' milel ec.

Números 35:16

“Me oy boch'o tsmaj ta c'usiuc taq'uinal jun xchi'ile, me icham o yu'une, ja' xa jmilvanej chc'ot o. Li jmilvaneje ac'o milatuc.

Números 35:17

“Me oy boch'o chac'be ton xchi'ile, me icham o yu'une, ja' xa jmilvanej chc'ot o. Li jmilvaneje ac'o milatuc.

Números 35:18

“Me oy boch'o tsmaj ta te' xchi'ile, me icham o yu'une, ja' xa jmilvanej chc'ot o. Li jmilvaneje ac'o milatuc.

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

Hechos 17:26

“Li Diose jchop no'ox sts'unubal la spas li jaychop cristianoetique, yu'un jech ac'o naquiicuc ta scotol banamil. Xchi'uc bisbil yu'un c'u sjalil yorailic ta jujuchop, xchi'uc chapanbil yu'un bu c'alal yosilalic ta jujuchop.

Deuteronomio 19:11

“Pero me oy jun vinic ti oy scontrae, ti oy ono'ox ta yo'nton tsc'an tsmil li xchi'ile, me laj ono'ox sta ta milele, me te bat snac' sba ta anil ta junuc lum sventa anac'ubbailique,

Deuteronomio 19:12

li banquilaletic te ta slumale ac'o yalic mantal ti ac'o bat stsaquic tale. Ac'o yac'beic ta sc'ob yuts' yalal li boch'o ichame yu'un ac'o smilic.

Jueces 9:56

Ja' jech laj yac'be o stoj smul Abimelec li Diose, yu'un ep smul la sta c'alal la scontrain li stote xchi'uc ti la smil li lajuneb xchanvinic (70) xchi'iltac ta voq'uele.