Génesis 9:4 - Bible in Tzotzil de Chenalhó with Deuterocanon

⁴ Pero oy jun ti c'usi mu xu' chati'ique: ja' li ti'bol ti oy xch'ich'ale yu'un ja' ta xch'ich'al ti cuxul oe.

Bible in Tzotzil de Chamula

⁴ Ja' no'ox un, xi s'elan ti mu xu' xati'ique: ti cuxul tse xchi'uc ti xch'ich'ele, yu'un ta ch'ich' tsacal ti cuxleje.,

Génesis 9:4 Iomraidhean Croise

Ezequiel 33:25

Ja' yu'un jech xavalbe ya'yic: ‘Jech chal li Cajvaltique, ja' li Muc'ul Diose: Li vo'oxuque xchi'uc xch'ich'al chati'ic li ti'bole, avich'ojic ta muc' noxtoc li sloc'obaltac adiosique, xchi'uc chamilvanic noxtoc, ¿Me chanopic ti vo'oxuc yajvaloxuc banamil chacomique?

Levítico 19:26

“Mu me xati'ic xchi'uc xch'ich'al li c'usi chati'ique. “Mu me xachanic t'unul; mu me xanopic ti xana'ic c'usi chc'ot ta pasel le' to batele.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Levítico 7:26

“Ta buyuc no'ox nacaloxuc, me jutuc mu xu' chati'beic xch'ich'al li ats'unub avovolique xchi'uc li mutetique.

Hechos 15:20

Ja' no'ox jpasbetic scartaic. Calbetic ti mu me sti'ic li c'usitic ac'bil ta smoton c'usitic cuybilic ta Diose, ti mu me xmulivajique, ti mu me sti'ic li c'usi mich'bil ta snuc' tsmilique, xchi'uc ti mu me sti'ic ch'ich'e.

Hechos 15:25

Ja' yu'un li' la jnopcutic ti ta jtacutic tal ta atojolic chib jchi'iltactique. Ja' ta xchi'inic tal li Bernabé xchi'uc Pablo ti lec jc'anojcutique,

Hechos 15:29

Mu me xati'ic c'usitic ac'bil ta smoton li loc'ometic ti cuybilic ta Diose, mu me xati'ic ch'ich', mu me xati'ic li c'usi mich'bil ta snuc' chchame, mu me xamulivajic. Me chach'unic scotol le'e, lec c'usi chapasic. Ja' no'ox jech chacalboxuc tal. Te ac'o xchi'inoxuc li Diose”, xiic batel ta carta.

Deuteronomio 12:16

Yan li xch'ich'ale mu xu' chati'ic. Malic batel jech chac c'u cha'al vo'.

Deuteronomio 12:23

Yan li xch'ich'ale mu xu' chati'ic, yu'un ja' te cuxul o; jech mu xu' te capal chati'ic xchi'uc sbec'tal li xcuxlejale.

Deuteronomio 14:21

“Me oy bu jech no'ox chcham stuc li chonbolometique, mu me xati'ic, yu'un vo'oxuc jun ta lum ti voc'biloxuc yu'un li Muc'ul Dios cu'untique. Yan li boch'otic te co'ol nacaloxuc achi'uquic ti yan slumalique, xu' chavac'beic sti', xchi'uc xu' chachonbeic batel li boch'otic te chjelovique. “Mu me xapanic ta ya'lel xchu' sme' li biq'uit tentsune.

Deuteronomio 15:23

Pero li xch'ich'ale mu xu' chati'ic. Malic batel jech chac c'u cha'al vo'.

1 Timoteo 4:4

Yu'un scotol li c'usitic spasoj Diose toj lec, jech mu lecuc me ta jbajtique. Ja' no'ox tsc'an ta jtojbetic ta vocol Dios ti c'alal ta jve'tique.

1 Samuel 14:32

Li israeletique muc xa xcuch yu'un laj ya'yic, jech la smilic li chijetic, li me' vacaxetic, li bic'tal tot vacaxetic, la spojique; te la sti'ic ta stseil xchi'uc xch'ich'al.