Génesis 9:2 - Bible in Tzotzil de Chenalhó with Deuterocanon

² Scotol li chonbolometic ta banamile chlic xi'icuc avu'unic. Scotol li c'usitic xviletique, xchi'uc li c'usitic oy ta banamile, xchi'uc li c'usitic oy ta nabe, cac'oj xa ta ac'obic scotol.

Bible in Tzotzil de Chamula

² Scotol ti chon bolometic ti oyic ta banomile, mu ech'bajuc axi'elalic ta xa'iic. Yu'un scotol ti c'usitic sna' xvilique, ti oyic ta nabe, oy ta avoc ta ac'obic c'usi xac'an ta xapasbeic ta stojole.

Génesis 9:2 Iomraidhean Croise

Génesis 1:21

La spas muc'tiquil chanul nabetic noxtoc li Diose, xchi'uc scotol chonetic, choyetic ti chch'iic ta vo'e, xchi'uc scotol li mutetique. Li Diose lec laj yil scotol.

Génesis 1:26

Ts'acal to jech laj yal: “Jpastic, cristiano jech chac c'u cha'al vu'utic; ja' jloc'ol jq'uexoltic chc'ot. Yu'un ac'o sventainic li choyetique, li mutetique, li chonbolometic ti stac' ts'unele, xchi'uc ti mu stac' ts'unele, xchi'uc li chonetic ti xquilet ta banamil chanovique”, xi.

Génesis 1:28

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Génesis 2:19

Li Muc'ul Diose ta ts'u'ilum la spas scotol li chonbolometique xchi'uc li mutetique. Ts'acal to la stsob tal scotol ta stojol li vinique yu'un ac'o yac'anbe sbi. Li vinique lic yac'be sbi li chonbolometic ti stac' ts'unele, xchi'uc ti mu stac' ts'unele, xchi'uc scotol li mutetique. Ti c'u x'elan laj yac'be sbi jujuchope ja' jech icom o. Pero li Adane mu xloc' yajcoltaubbail o te ta chonbolometic.

Génesis 35:5

C'alal iloq'uic batele, li Diose laj yac' xi'icuc li yajval lumetic ti te no'ox nopol oyique, jech mu'yuc xbat snutsic ta be li xnich'nabtac Jacobe.

Génesis 9:1

Li Diose laj yac'be bendición li Noé xchi'uc xnich'nabe. Jech laj yalbe: “Bolanic, epajanic; nojesic li banamile.

Génesis 9:3

Me chac'anique, xu' chati'ic scotol li chonbolometique, xchi'uc xu' chalo'ic li itajetique. Vu'un chacac'boxuc scotol.

Job 39:11

¿Me xu' chapat avo'nton ch-abtej avu'un? ¿Me xu' chapat avo'nton ta sventa ti tsots slomoe?

Ezequiel 34:25

Ta jchapan jchi'uquic ti ta xcac'beic o jun yo'ntonique. Ta jloq'uesbe ta yosilalic li jti'vanej chonbolometique, jech jun yo'nton chnaquiic ta te'tic; jun yo'nton chvayic ta toyolaltic.

Oseas 2:18

“Ta yorail le'e oy c'usi lec ta jchapan ac'o spasic li chonbolometic ta te'tique, xchi'uc li mutetique, xchi'uc li quiletel chonetique, pero ja' sventa alequilalic. Jech noxtoc ta jloq'ues batel ta avosilalic li flechae, li espadae, jech mu'yuc c'op chava'yic, jun no'ox avo'ntonic.

Levítico 26:22

Ta jtac tal noxtoc jti'val chonbolometic; ja' chtal sti'ic li anich'nabique xchi'uc li ats'unub avovolique. Ja' jech ta c'unc'un chabic'tajic o batel; mu'yuc xa boch'o chanov ta bebetic avu'unic.

Levítico 26:6

Ta xcac' ti jun no'ox avo'ntonic te oyoxuc ta alumalique; xcuxet no'ox avo'ntonic chavayic; mu'yuc boch'o chtal sibtasoxuc. Ta jloq'ues batel te ta avosilalic li jti'val bolometique, xchi'uc mu'yuc boch'o chtal stsacoxuc ta pleito.

Santiago 3:7

Scotol li chonbolometic ta banamile, xchi'uc li mutetique, xchi'uc li quiletel chonetique, xchi'uc scotol li xchanul nabe xu' chich' pasel ta mantal. Yu'un ep xa boch'otic jech spasojic.