Génesis 8:5 - Bible in Tzotzil de Chenalhó with Deuterocanon

⁵ Li vo'e yochel ta ulel yalel. Ta sba c'ac'al yochel li slajunebal ue, te xa lic vinajanuc jutuc jolvitsetic ti bu ven toyolique.

Bible in Tzotzil de Chamula

⁵ Jech ti vo'e, yacal ta ulel batel. Ta sba c'ac'al yu'un ti slajunebal (10) ue, xvinaj xa ta q'uelel ti vitsetic bu toyole.

Génesis 8:5 Iomraidhean Croise

Génesis 7:11

Ja' ta svuclajunebal (17) c'ac'al yochel li xchibal ue, vaquib xa'ox ciento (600) jabil yich'oj li Noee. C'alal ja'o jech c'ac'ale, lic t'omanuc loq'uel tal vo'etic ta banamil xchi'uc ta yut nabetic. Xchi'uc ijam li vinajele, jech pulbil no'ox iyal tal li vo' ta vinajele.

Génesis 8:3

Ta c'unc'un lic yaluc li vo'e. C'alal ista li lajuneb xvaxacvinic (150) c'ac'ale, te xa lic uluc li vo'e.

Génesis 8:4

Ta svuclajunebal (17) c'ac'al yochel li svucubal ue, li barcoe te cajal ic'ot ta jun vits te ta Ararat vitsetic.

Génesis 8:6

C'alal i'ech' cha'vinic (40) c'ac'ale, li Noee la sjambe li sventanail barco spasoje.