Génesis 8:21 - Bible in Tzotzil de Chenalhó with Deuterocanon21 C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i. Faic an caibideilBible in Tzotzil de Chamula21 C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie. Faic an caibideil |
C'alal chlic jloq'uesoxuc tal ta yantic banamile, c'alal chlic jtsoboxuc sutel tal ta yantic banamil ti bu puquemoxuc batele, xchi'uc c'alal chlic cac' ta ilel ta aventaic ta stojol yantic banamil ti vu'un Ch'ul Diosune, jun co'nton chaquic'oxuc ta yutsil co'nton jech chac c'u cha'al matanal ti lec mu yiq'ue.
Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.
C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.
Avocoluc a'ibun jc'op vu'un ti chitun avu'une: Me ja' Muc'ul Dios jech tsc'an ti chacontrainune, ac'o stsacboxuc li smoton chavac'beique. Pero me ja' no'ox jech tsc'an yo'nton cristianoe, ac'o ac'batuc stoj yu'un Muc'ul Dios. Yu'un laj xa anutsicun loq'uel, yu'un jech mu me xquich' li osil yac'oj Muc'ul Diose. Laj anet'icun loq'uel, yu'un chac'anic ti ac'o bat quich' ta muc' li c'usi mu ja'uc Diose.