Génesis 8:19 - Bible in Tzotzil de Chenalhó with Deuterocanon

¹⁹ Jech iloq'uic noxtoc scotol li chonbolometic ti stac' ts'unele, xchi'uc li c'usi mu stac' ts'unele, xchi'uc li chonetic ti xquilet chanovique, xchi'uc li c'usitic xvilet chanovique.

Bible in Tzotzil de Chamula

¹⁹ Ja' jech xtoc loc' scotol ti ts'unbolal chon bolometique, ti te'tical chon bolometique, ti c'usi xquilet ta banomil ta xanavique, xchi'uc ti c'usitic ta xvilique.

Génesis 8:19 Iomraidhean Croise

Génesis 1:21

La spas muc'tiquil chanul nabetic noxtoc li Diose, xchi'uc scotol chonetic, choyetic ti chch'iic ta vo'e, xchi'uc scotol li mutetique. Li Diose lec laj yil scotol.

Génesis 1:24

Li Diose jech laj yal noxtoc: “Ac'o ayinuc ta banamil scotol chonbolometic, ja' li c'usi stac' ts'unel, xchi'uc li c'usi mu stac' ts'unele, xchi'uc scotol li c'usi xquilet ta banamil chanovique”, xi. Jech ic'ot ta pasel.

Génesis 8:18

Ja' yu'un li Noee xchi'uc yajnil xnich'nabe, xchi'uc li yalibtaque, iloq'uic ta barco.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

Génesis 9:10

xchi'uc scotol li chonbolometic laj achi'inic ta barcoe ti co'ol laloq'uic achi'uquique: ja' li mutetique, li chonbolometic ti stac' ts'unele, xchi'uc ti mu stac' ts'unele, xchi'uc ta scotol li c'usiuc no'ox chonbolometic oy ta banamile.