Génesis 7:7 - Bible in Tzotzil de Chenalhó with Deuterocanon

⁷ Te i'och ta barco li Noee xchi'uc yajnil xnich'nab, xchi'uc yalibtac, yu'un jech mu xlajic ta pulel ta vo'.

Bible in Tzotzil de Chamula

⁷ Ti Noee och batel ta barco jmoj xchi'uc ti xnich'nabe, ti yajnile, ti yalibtaque yo' jech ta spoj sbaic yu'un ti nojel ta vo'e.

Génesis 7:7 Iomraidhean Croise

Génesis 6:18

Pero li vo'ote ta xcom ta atojol li c'usi chapanbil cu'un ta sventa coltaele. Cha'ochic ta barco achi'uc avajnil, anich'nab, xchi'uc avalibtac.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

Proverbios 22:3

Li boch'o bije ta xil li c'usi xi'bal sbae, jech mu xbat stic' sba te; yan li boch'o muc bijuque tstic' no'ox sba batel, jech te ta sta o svocol.

San Mateo 24:38

Yu'un c'alal mu'yuc to'ox chtal li pulel ta vo'e, ja' no'ox batem ta yo'ntonic sa'el sve'elic, ta xnupinic, xchi'uc ta xac' ta malijel stsebic. Ja' to iquechaj yu'unic ti c'alal i'och ta barco li Noee.

San Lucas 17:27

Jun yo'nton chve'ic, ch-uch'bajic, chnupinic, c'alal to i'och ta barco li Noee. C'alal ital li pulel ta vo'e, icham o scotolic.

Hebreos 11:7

Ta sventa xch'unojel yo'nton li Noee, jech c'alal i'albat yu'un Dios ti chtal li c'usi mu'yuc to yiloje, ta scotol yo'nton la spas jun barco yo' bu xu' chcolic sjunulic ta nae, yu'un laj yich' ta muc' li Diose. Ta sventa xch'unojel yo'nton laj yac' ta ilel ti oy smulic li cristianoetique. Ja' yu'un li Noee la sta li coltael ti sc'oplal ta jtatic ta sventa xch'unojel co'ntontique.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

1 Pedro 3:20

Ja' li jbajmantaletic ta vo'one ti c'alal cuxul to'ox li Noee, ti imalaatic yu'un Dios ac'o xch'unic c'alal ja'o chich' pasel barcoe. Pero mu'yuc ep boch'o icolic; ja' no'ox vaxquib icolic ta sventa li vo'e.

2 Pedro 2:5

Jech noxtoc li Diose mu'yuc la spasbe perdón li cristianoetic ta vo'onee, jech laj yac' tal pulel ta vo' ta stojol li chopol cristianoetique. Ja' no'ox icol li Noé xchi'uc yan vucub xchi'iltaque, yu'un laj yal ta jamal c'usi tuc' ta pasel.