Génesis 7:21 - Bible in Tzotzil de Chenalhó with Deuterocanon

²¹ Jech icham scotol li cristianoetic ti nacalic li' ta banamile. Icham noxtoc li mutetique, xchi'uc li chonbolometic ti stac' ts'unele, xchi'uc li c'usi mu stac' ts'unele, xchi'uc li chonetic ti xquilet ta banamil chanovique.

Bible in Tzotzil de Chamula

²¹ Ja' jech c'ot ta tubel cham scotol ti jnaclejetic ta banomile. Chamic ec ti mutetique, ti ts'unbolal chon bolometique, ti te'tical chon bolometique, xchi'uc ti c'usitic xquilet ta xanav ta banomile.

Génesis 7:21 Iomraidhean Croise

Génesis 1:25

Ja' Dios la spas scotol li chonbolometic le'e. Lec laj yil scotol.

Génesis 6:13

Ja' yu'un jech laj yalbe li Noee: “Laj xa jnop ti ta jlajes scotol li cristianoetique, yu'un ja' ta scojic ti toj ep c'usitic chopol li' ta banamile. Ja' yu'un ta xcules scotol xchi'uc li c'usitic oy ta sbejel banamile.

Génesis 6:17

Yu'un ta xcac' taluc pulel ta vo'. Ta xmuc ta vo' li banamile yu'un ac'o uluc sts'unubal scotol li c'usitic cuxajtic ta sbejel banamile. Jech ta xcham scotol li c'usitic oy ta banamile.

Génesis 7:4

Yu'un ta vucub c'ac'al ta xcac' taluc vo' cha'vinic (40) c'ac'al xchi'uc cha'vinic (40) ac'ubal. Yu'un ta xcules ta banamil scotol li c'usitic cuxajtic ti vu'un la jpase”, xi li Muc'ul Diose.

Job 34:15

ta ora chchamic scotolic; chc'atajic ta pucuc yan velta.

Isaías 24:19

Ta xich' niquesel, ta xich' yuq'uel li banamile; ta xich' lilinel, biq'uitic chbat scotol.

Isaías 24:6

Ja' yu'un li banamile ilaj o ta tsots vocol; iyavnaijic o li jnaclumetic yu'une; iyavnaijic o li cristianoetic ta banamile; jutuc xa no'ox cristianoetic icomic.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Joel 2:3

Ja' jech chac c'u cha'al c'oc' ti chchic' batel ta jujujote. Ac'o me ja' to'ox jech chac c'u cha'al ts'unubaltic ta Edén, pero ja' jech chcom yu'unic jech chac c'u cha'al xocol banamil; mu'yuc c'usi chcol comel yu'unic.

Sofonías 1:3

Ta xcules li cristianoetique xchi'uc li chonbolometique; ta xcules li mutetique xchi'uc li choyetic ta nabe. Ta jbul loq'uel li chopol cristianoetique; ta xcules o scotol li cristianoetic li' ta sba banamile”, xi li Muc'ul Diose. Jech chal noxtoc li Muc'ul Diose:

San Mateo 24:39

Muc xch'unic ti chtal li pulel ta vo'e. Ja' to la xch'unic ti c'alal itale, pero ilaj o scotolic. Ja' jech ta xc'ot ta pasel c'alal chital ec, vu'un ti Xnich'on cristiano lic'ote.

San Lucas 17:27

Jun yo'nton chve'ic, ch-uch'bajic, chnupinic, c'alal to i'och ta barco li Noee. C'alal ital li pulel ta vo'e, icham o scotolic.

Romanos 8:20

Yu'un li c'usitic spasoj Diose isoc scotol. Pero mu yu'unuc jech la sc'an stuc; ja' jech la sc'an li Diose. Pero yac'ojbe spatubil yo'ntonic, jech oy to c'usi tsmalaic.

Romanos 8:22

Yu'un scotol li jujuchop c'usitic spasoj Diose ta jna'tic ti toj c'ux svocol cha'yic c'alal to tanae. Ja' jech x'ayetic ta svocolic o batel jech chac c'u cha'al jun ants ti x'ayet ta xc'uxul xch'ut c'alal yu'un xa ta xcuxe.

2 Pedro 2:5

Jech noxtoc li Diose mu'yuc la spasbe perdón li cristianoetic ta vo'onee, jech laj yac' tal pulel ta vo' ta stojol li chopol cristianoetique. Ja' no'ox icol li Noé xchi'uc yan vucub xchi'iltaque, yu'un laj yal ta jamal c'usi tuc' ta pasel.