Génesis 7:14 - Bible in Tzotzil de Chenalhó with Deuterocanon

¹⁴ Te co'ol i'ochic xchi'uc scotol li chonbolometic ti mu stac' ts'unele, xchi'uc ti stac' ts'unele, xchi'uc li mutetique, xchi'uc li chonetic ti xquilet ta banamil chanovique.

Bible in Tzotzil de Chamula

¹⁴ Yu'un jmoj ta x'ochic batel xchi'uc scotol ti jaytos sts'unubal te'tical chon bolometique, xchi'uc ti ts'unbolal chon bolometique, xchi'uc scotol chonetic ti xquilet ta xanave, xchi'uc ti mutetique.

Génesis 7:14 Iomraidhean Croise

Génesis 1:21

La spas muc'tiquil chanul nabetic noxtoc li Diose, xchi'uc scotol chonetic, choyetic ti chch'iic ta vo'e, xchi'uc scotol li mutetique. Li Diose lec laj yil scotol.

Génesis 1:24

Li Diose jech laj yal noxtoc: “Ac'o ayinuc ta banamil scotol chonbolometic, ja' li c'usi stac' ts'unel, xchi'uc li c'usi mu stac' ts'unele, xchi'uc scotol li c'usi xquilet ta banamil chanovique”, xi. Jech ic'ot ta pasel.

Génesis 6:19

Jech noxtoc ic'o ochel ta barco jcot stot jcot sme' ta scotol li jaychop chonbolometic oy ta banamile, yu'un jech mu x'ul o sts'unubal jech chac c'u cha'al li vo'ote.

Génesis 7:13

Jech li Noee i'ochic ta barco xchi'uc li xnich'nabe, ja' li Sem, Cam, xchi'uc Jafete, xchi'uc li yajnile, xchi'uc li oxib yalibe.

Génesis 7:15

Li chonbolometic ti co'ol i'ochic ta barco xchi'uc li Noee ja' cha'cha'cot ta jujuchop.