Génesis 7:11 - Bible in Tzotzil de Chenalhó with Deuterocanon

¹¹ Ja' ta svuclajunebal (17) c'ac'al yochel li xchibal ue, vaquib xa'ox ciento (600) jabil yich'oj li Noee. C'alal ja'o jech c'ac'ale, lic t'omanuc loq'uel tal vo'etic ta banamil xchi'uc ta yut nabetic. Xchi'uc ijam li vinajele, jech pulbil no'ox iyal tal li vo' ta vinajele.

Bible in Tzotzil de Chamula

¹¹ Ta yuclajunebal (17) c'ac'al yu'un ti xchibal ue, ja' o ts'aqui vaquib ciento (600) jabil xch'iel sc'opojel ti Noee. Ta yorail ti jech c'ac'al taje, ja' o lic t'omanuc talel yoctac ti nab oy ta olone, xchi'uc laj jamanuc talel sti'tac ti vinajel ti oy ta ac'ole.

Génesis 7:11 Iomraidhean Croise

Génesis 1:7

Lic svoc' sba li nabe. J'o'lol itoy batel ta toyol; j'o'lol icom ti bu ono'ox oye. Jech ic'ot ta pasel.

Génesis 6:17

Yu'un ta xcac' taluc pulel ta vo'. Ta xmuc ta vo' li banamile yu'un ac'o uluc sts'unubal scotol li c'usitic cuxajtic ta sbejel banamile. Jech ta xcham scotol li c'usitic oy ta banamile.

Génesis 7:6

C'alal ipul ta vo' li banamile, yich'oj xa'ox vaquib ciento (600) jabil li Noee.

Génesis 8:14

Ta vucub xcha'vinic (27) c'ac'al yochel li xchibal ue, lec xa'ox taquin li banamile.

Génesis 8:2

Te lic macuc sti' noxtoc li vo'etic ti it'oman loq'uel tale, xchi'uc imac noxtoc li vinajele. Jech te ich'abi o li vo'e.

2 Reyes 7:19

Pero li yajcoltaubbail ajvalile jech ono'ox la stac'be li j'alc'ope: “Ac'o me ta sjambe sventanail vinajel li Muc'ul Diose, mu xc'ot ta pasel li c'usi chavale”, xut ono'ox. Li Eliseoe jech laj yalbe: “Ta to xavil ta xchibal asat atuc, pero mu'yuc xa chave' li vo'ote”, xut.

2 Reyes 7:2

Li yajcoltaubbail stuc ajvalile jech la stac'be li j'alc'ope: —Ac'o me tsjambe sventanail vinajel li Muc'ul Diose, mu xc'ot ta pasel li c'usi chavale —xi. Itac'ov li Eliseoe: —Te chavil ta xchibal asat atuc, pero mu'yuc chave' li vo'ote —xut.

Job 12:15

Me tspajes noxtoc li vo'e, chtaquij scotol; me chac' tal scotol noxtoque, chmuc ta vo' li banamile.

Job 28:4

Nitbil, chechbil chyalic; ta sjoq'uic batel yut banamil ti bu mu'yuc xa boch'o te chjelove, ti nom xa oye, ti mu xa xc'ot cristiano tee.

Job 38:16

“¿Me ochem aq'uel bu chloc' tal ya'lel li nabe? ¿Me oy ayem apaxalta c'u x'elan mero yut li muc'ta nabe?

Job 38:37

¿Boch'o oy sbijil ti sna' c'u yepal li toquetique? ¿Boch'o xu' yu'un chocobtas li toquetic yu'un ac'o yac' tal li ya'lele,

Salmos 33:7

Ja' tstsob ta jmoj scotol li vo'etic ta nabe; ja' chac' ta yav te ta natil nabetic.

Salmos 74:15

Laj at'omes loq'uel tal vo' xchi'uc uc'umetic; laj ataquijes li uc'um ti mu ono'ox sna' x'ul oe.

Proverbios 3:20

Ta sventa sbijil la svoc' sba yu'un li muc'tic nabetique, xchi'uc ta sventa sbijil tsyales tal li job osil ta vinajele.

Isaías 24:18

Li boch'o chcolic to loq'uel ta scoj li tsots xi'ele ta ono'ox xbajic ta ch'en; li boch'o chcol to loq'uel ta ch'ene ta ono'ox x'och ta yoquil, yu'un ta xjaman sti' li vinajele, jech ta xnic c'alal ta snacleb li banamile.

Isaías 24:19

Ta xich' niquesel, ta xich' yuq'uel li banamile; ta xich' lilinel, biq'uitic chbat scotol.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Jeremías 51:16

Ta sc'op no'ox ti tsots xc'ululet tspas li vo' ta vinajele. Ja' ta xac' muyuc ta toyol li toquetic ti oy ta jujujot sti'il banamile; ja' ta xac' noxtoc li sacsevuletic c'alal chac' vo'e; ja' ta sloq'ues tal noxtoc li iq'uetic te ta yavil yu'une.

Ezequiel 26:19

“Yu'un jech chcal, vu'un li Muc'ul Diosune: Ta jyavnaijesot o ta j'ech'el; ja' jech chacom cu'un jech chac c'u cha'al lum ti bu mu'yuc xa boch'o te nacale. Ta xcac' pulan ta vo'; ta xcac' mucan ta natil nab.

Malaquías 3:10

Ich'ic tal scotol li jujun ta lajlajunebe; la' aq'uic ta yavil cu'un, yu'un jech oy ve'lil ta jna. Pasic preva avilic; te chavilic me muc ta jamboxuc li sventanail vinajele, me muc ta jmalboxuc yalel tal li bendición sventa ch-epaj c'usitic oy avu'unique.

San Mateo 24:38

Yu'un c'alal mu'yuc to'ox chtal li pulel ta vo'e, ja' no'ox batem ta yo'ntonic sa'el sve'elic, ta xnupinic, xchi'uc ta xac' ta malijel stsebic. Ja' to iquechaj yu'unic ti c'alal i'och ta barco li Noee.

1 Tesalonicenses 5:3

C'alal jech chal li cristianoetique: “Jun co'ntontic, mu'yuc c'usi xi'bal sba”, me xiique, ja'o ta ora no'ox chvul ta loq'uel tsots vocol ta stojolic. Ja' jech chac c'u cha'al jun ants ti ta ora no'ox chlic xa'ay c'alal oy xch'ute. Me junuc mu'yuc boch'o xu' chjatov.

2 Pedro 3:6

Jech noxtoc ta sventa pulel ta vo' ich'ay li banamile.